Флора-фауна
Со јоги дишење до секундарен релакс


Еве малку јога, поткрепена со наука!
Целосно погрешно е мислењето дека тајната на смирувачкиот ефект на дишењето лежи во една од неговите акции, инспирацијата (вдишувањето) или екпирацијата (издишувањето). Некој повеќе се концентрира на вдишувањето, а некој на издишувањето, но всушност, самиот акт е една целина и релаксирачкиот момент најбргу се пронаоѓа кога постои баланс на двата процеси.
Секогаш балансот е тој што победува! И ова е научно докажано од Универзитетот Рехамптон во Англија каде студијата покажа дека еднаквите периоди на двата процеси носат најголема стимулација на вагусот (десетиот кранијален нерв).
Вагусот е тој што го диктира темпото на парасимпатичкиот нервен систем, кој има влијание врз срцевата работа и крвниот притисок намалувајќи ги нив, а индиректно и самите нервни структури задолжени за стрес и гнев.
Стимулирањето на овој нерв може да се направи преку самото дишење. Затоа во јогата постои правилото „За да стекнеш контрола врз телото, научи да го контролираш дишењето“. Контролата на дишењето секогаш знае да помогне во олеснување на изведувањето на асаните, но и еве, може да се покаже добро и за оние кои не практикуваат јога поготово во стресните моменти од секојдневието.
И за да не ве задржуваме многу, еве ги резултатите и заклучокот од студијата. Нервозни? Вдишувањето и издишувањето нека траат исто. За почеток нека биде 6 секунди за целиот акт (по 3 секунди на процес), а како ќе напредувате, пробувајте уште подлабоко да вдишувате, но секогаш исто толку време да издишувате.
so jogi dishenje do sekundaren relaks eve malku joga, potkrepena so nauka! celosno pogreshno e mislenjeto deka tajnata na smiruvachkiot efekt na dishenjeto lezhi vo edna od negovite akcii, inspiracijata (vdishuvanjeto) ili ekpiracijata (izdishuvanjeto). nekoj povekje se koncentrira na vdishuvanjeto, a nekoj na izdishuvanjeto, no vsushnost, samiot akt e edna celina i relaksirachkiot moment najbrgu se pronaogja koga postoi balans na dvata procesi. sekogash balansot e toj shto pobeduva! i ova e nauchno dokazhano od univerzitetot rehampton vo anglija kade studijata pokazha deka ednakvite periodi na dvata procesi nosat najgolema stimulacija na vagusot (desetiot kranijalen nerv). vagusot e toj shto go diktira tempoto na parasimpatichkiot nerven sistem, koj ima vlijanie vrz srcevata rabota i krvniot pritisok namaluvajkji gi niv, a indirektno i samite nervni strukturi zadolzheni za stres i gnev. stimuliranjeto na ovoj nerv mozhe da se napravi preku samoto dishenje. zatoa vo jogata postoi praviloto „za da steknesh kontrola vrz teloto, nauchi da go kontrolirash dishenjeto“ . kontrolata na dishenjeto sekogash znae da pomogne vo olesnuvanje na izveduvanjeto na asanite, no i eve, mozhe da se pokazhe dobro i za onie koi ne praktikuvaat joga pogotovo vo stresnite momenti od sekojdnevieto. i za da ne ve zadrzhuvame mnogu, eve gi rezultatite i zakluchokot od studijata. nervozni? vdishuvanjeto i izdishuvanjeto neka traat isto . za pochetok neka bide 6 sekundi za celiot akt (po 3 sekundi na proces), a kako kje napreduvate, probuvajte ushte podlaboko da vdishuvate, no sekogash isto tolku vreme da izdishuvate.
Објава← Назад кон архивата