Флора-фауна
Од домашната билна аптека


Ќе се сложите ли дека ништо не му дава на јадењето подобар шмек од свежо набрани билки? Немаме ништо против сушените, но самиот акт на кинење на нежните ливчиња од стеблото и распространување на прекрасната арома низ кујната како предвесник за вкусот што следува е крајно топол и домаќински.
А истите во мали шарени садчиња може да ви го разубават и обојат досадниот прозор. Еве неколку одлични медицински билки кои со леснотија можете да ги одгледувате дома и да си ги имате при рака и за здрвствени и за кулинарски чуда.
Коријандерот е одличен хелатор, што значи дека го ослободува телото од тешките метали како арсен, олово или жива така што ги прави хемиски инактивни. Значи ова е состојка која мора да ја вклучите во вашата детоксикација. Одлично оди и во зелено смути или џус, а можете слободно да го користите во сите солени јадење каде би ставиле и магдонос, за малку поинтензивен вкус. Најдобро е да го зачнете од семчиња и да го чувате подалеку од директна светлина.
Рузмаринот е извор на рузмаринска и кафеинска киселина, со антиоксидациски и антиинфламаторен потенцијал. Доволно е едно гранче да пуштите во тенџерето и да оставите да се крчка за одлична арома. Инаку рузмаринот е и добар извор на Е витамин, а се препорачува и како облога кај отоци и мускулни повреди. Расте подобро во алкална почва.
Нането е една од најсестраните билки во оваа листа. Можете да го користите и од тавче–гравче до овошно смути и секако во освежителното мохито. Одлично е за подобрување на дигестијата и за свеж здив. Слободно изџвакајте неколку листенца нане и не мора да купувате мастики за џвакање. Нането е од оние растенија кои сакаат светлина, па овозможете му место на прозорот.
Босилекот изобилува со есенцијални масла и еугенол со антиоксидативни и антиинфламаторни карактеристики и е одличен додаток на сите јадењата со домати и сирење, основата на македонската кујна. За босилекот се смета дека е толку моќен антиинфламаторен аген што го споредуваат и со Diclofenac. Посадете босилек на место со повеќе сонце.
Жалфијата на латински се нарекува Salvia, од “salvare” што значи “спасувањe”. Оваа медицинска билка има антивоспалителен и антибактериски ефект, па многу често се препорачува кај инфекции во усната шуплина или грлото и при појава на пародонтопатија, заболување на непцата. Бидејќи има и диуретично дејство погодна е и за употреба кај покачен крвен притисок.
Магдоносот е одличен извор на витамин К, важен витамин за коагулацијата на крвта и за здравјето на коскената супстанца. Исто така е одличен за детоксикација на црниот дроб, а одлично се вклопува во речиси секое ручече иако заради малку поинтензивниот вкус некои луѓе го избегнуваат. Оваа билка исто така сака сонце и малку повеќе трпение бидејќи расте побавно.
od domashnata bilna apteka kje se slozhite li deka nishto ne mu dava na jadenjeto podobar shmek od svezho nabrani bilki? nemame nishto protiv sushenite, no samiot akt na kinenje na nezhnite livchinja od stebloto i rasprostranuvanje na prekrasnata aroma niz kujnata kako predvesnik za vkusot shto sleduva e krajno topol i domakjinski. a istite vo mali shareni sadchinja mozhe da vi go razubavat i obojat dosadniot prozor. eve nekolku odlichni medicinski bilki koi so lesnotija mozhete da gi odgleduvate doma i da si gi imate pri raka i za zdrvstveni i za kulinarski chuda. korijanderot e odlichen helator, shto znachi deka go osloboduva teloto od teshkite metali kako arsen, olovo ili zhiva taka shto gi pravi hemiski inaktivni. znachi ova e sostojka koja mora da ja vkluchite vo vashata detoksikacija. odlichno odi i vo zeleno smuti ili djus, a mozhete slobodno da go koristite vo site soleni jadenje kade bi stavile i magdonos, za malku pointenziven vkus. najdobro e da go zachnete od semchinja i da go chuvate podaleku od direktna svetlina. ruzmarinot e izvor na ruzmarinska i kafeinska kiselina, so antioksidaciski i antiinflamatoren potencijal. dovolno e edno granche da pushtite vo tendjereto i da ostavite da se krchka za odlichna aroma. inaku ruzmarinot e i dobar izvor na e vitamin, a se preporachuva i kako obloga kaj otoci i muskulni povredi. raste podobro vo alkalna pochva. naneto e edna od najsestranite bilki vo ovaa lista. mozhete da go koristite i od tavche–gravche do ovoshno smuti i sekako vo osvezhitelnoto mohito. odlichno e za podobruvanje na digestijata i za svezh zdiv. slobodno izdjvakajte nekolku listenca nane i ne mora da kupuvate mastiki za djvakanje. naneto e od onie rastenija koi sakaat svetlina, pa ovozmozhete mu mesto na prozorot. bosilekot izobiluva so esencijalni masla i eugenol so antioksidativni i antiinflamatorni karakteristiki i e odlichen dodatok na site jadenjata so domati i sirenje, osnovata na makedonskata kujna. za bosilekot se smeta deka e tolku mokjen antiinflamatoren agen shto go sporeduvaat i so diclofenac. posadete bosilek na mesto so povekje sonce. zhalfijata na latinski se narekuva salvia, od “salvare” shto znachi “spasuvanje”. ovaa medicinska bilka ima antivospalitelen i antibakteriski efekt, pa mnogu chesto se preporachuva kaj infekcii vo usnata shuplina ili grloto i pri pojava na parodontopatija, zaboluvanje na nepcata. bidejkji ima i diuretichno dejstvo pogodna e i za upotreba kaj pokachen krven pritisok. magdonosot e odlichen izvor na vitamin k, vazhen vitamin za koagulacijata na krvta i za zdravjeto na koskenata supstanca. isto taka e odlichen za detoksikacija na crniot drob, a odlichno se vklopuva vo rechisi sekoe rucheche iako zaradi malku pointenzivniot vkus nekoi lugje go izbegnuvaat. ovaa bilka isto taka saka sonce i malku povekje trpenie bidejkji raste pobavno.
Објава← Назад кон архивата