Флора-фауна
Отворена е сезоната на мечкиниот лук


Во периодов, секој што обожава пролетна прошетка низ шумските раззеленети предели, може да налета на еден од најпотентните антиоксидансни подароци од природата. Дивиот лук уште се нарекува и мечкин лук бидејќи мечките по разбудувањето од зимскиот сон, прво го бараат токму ова растение, полно со антиоксиданси за прочистување крвта, а исто така е деликатес и за дивиот вепар.
Припаѓа на иста фамилија како и питомиот лук, но најчесто се консумираат листовите кои ја имаат истата арома. Се консумираат и главиците и цветовите, но во пролетниот период пред да процвета, листовите се фаворити. Најчесто ќе го најдете во шумски предели, особено на места каде во почвата има многу влага.
Освен што ги има сите полезности за организмот како и обичниот лук, кај дивиот истите се далеку понагласени, па така малку диво лукче може да помогне во намалувањето на крвниот притисок, поседува силни антибактериски и антивоспалителни ефекти. Едно испитување спроведено во Германија покажало дека дивиот лук содржи 4.5 пати повеќе сулфурни соединенија (алицин) од култивираниот лук. Освен тоа има далеку повисок минерален и витамински контент.
Во природата постојат неколку растенија кои наликуваат на дивиот лук, но содржат отровни компоненти. Такви се мразовецот, момината солза, змиското грозје. Верувајте му прво на сетилото за мирис, ако почувствувате арома на лук кога ќе го протриете листот меѓу прстите, тогаш е див лук, во спротивно можеби држите потенцијално летално растение.


Дивиот лук претставува деликатес, а може да се користи на милион начини ако сте спретни во кујната. Почнувајќи од уживање на некоја ливада, во комбинација со домашно спремениот сендвич, па се до песто од див лук.
Њоки со домашно песто од див лук
Можете да го додадете во чорба или супа за убава арома или да си ја потенцирате зелената салата, одлично оди во зелник или тавче со ориз, во секое јадење каде можете да замислите спанаќ или блитва или исушете го, па користете го како зачин. Останува само да поитате по нашите прекрасни планински предели, да се надишете воздух и да си наберете од овој пролетен дар.
otvorena e sezonata na mechkiniot luk vo periodov, sekoj shto obozhava proletna proshetka niz shumskite razzeleneti predeli, mozhe da naleta na eden od najpotentnite antioksidansni podaroci od prirodata. diviot luk ushte se narekuva i mechkin luk bidejkji mechkite po razbuduvanjeto od zimskiot son, prvo go baraat tokmu ova rastenie, polno so antioksidansi za prochistuvanje krvta, a isto taka e delikates i za diviot vepar. pripagja na ista familija kako i pitomiot luk , no najchesto se konsumiraat listovite koi ja imaat istata aroma. se konsumiraat i glavicite i cvetovite, no vo proletniot period pred da procveta, listovite se favoriti. najchesto kje go najdete vo shumski predeli, osobeno na mesta kade vo pochvata ima mnogu vlaga. osven shto gi ima site poleznosti za organizmot kako i obichniot luk , kaj diviot istite se daleku ponaglaseni, pa taka malku divo lukche mozhe da pomogne vo namaluvanjeto na krvniot pritisok, poseduva silni antibakteriski i antivospalitelni efekti. edno ispituvanje sprovedeno vo germanija pokazhalo deka diviot luk sodrzhi 4.5 pati povekje sulfurni soedinenija (alicin) od kultiviraniot luk. osven toa ima daleku povisok mineralen i vitaminski kontent. vo prirodata postojat nekolku rastenija koi nalikuvaat na diviot luk, no sodrzhat otrovni komponenti. takvi se mrazovecot, mominata solza, zmiskoto grozje . veruvajte mu prvo na setiloto za miris, ako pochuvstvuvate aroma na luk koga kje go protriete listot megju prstite, togash e div luk, vo sprotivno mozhebi drzhite potencijalno letalno rastenie. diviot luk pretstavuva delikates, a mozhe da se koristi na milion nachini ako ste spretni vo kujnata. pochnuvajkji od uzhivanje na nekoja livada, vo kombinacija so domashno spremeniot sendvich, pa se do pesto od div luk. njoki so domashno pesto od div luk mozhete da go dodadete vo chorba ili supa za ubava aroma ili da si ja potencirate zelenata salata, odlichno odi vo zelnik ili tavche so oriz, vo sekoe jadenje kade mozhete da zamislite spanakj ili blitva ili isushete go, pa koristete go kako zachin. ostanuva samo da poitate po nashite prekrasni planinski predeli, da se nadishete vozduh i da si naberete od ovoj proleten dar.
Објава← Назад кон архивата