Организацијата Food revolution која е основана во 2010 година претставува движење што овозможува луѓето кои сакаат домашно приготвена и здрава храна да се обединат во рок од 24 часа за да се обидат да влијаат глобално со свои авторски настани. Во Македонија оваа платформа се организираше во повеќе градинки и училишта со цел да се искористи денот за подигнување на свеста околу важноста од добри училишни програми за исхрана како здрава храна во кујните на училиштата, градинките и воопшто во заедницата.
Настанот започна со едукативни часови во сите градинки низ Р.М за важноста на здравата и домашно приготвена храна, интерактивни боенки, игри, прикази, заедничко готвење на салатата „Виножито” во палачинка и припрема и засадување на мала органска градина со што децата имаа можност да бидат дел од светската иницијатива и интерактивно да учат за здравите навики и перцепции.
Одбележувањето започна во градинката Срничка во Аеродром каде сите 100 деца го готвеа рецептот Виножито, а во готвењето се приклучи и амбасадорот Маја Лазаревска и Министерот за Труд и социјална политика Диме Спасов.
По настанот во градинката, Денот на револуција во исхраната продолжи со централниот настан во ОУ Владо Тасевски, во соработка со компанијата Тинекс, општина Карпош и Арт-М продукција, каде најмалку 100 деца го готвеа рецептот „Виножито” и воедно одлично се забавуваа.
”Јас сум една од амбасадорите во Р. Македонија на Фондацијата за храна на Џејми Оливер и своето време волонтерски го вложувам во креирање на настани кои имаат за цел да ја променат перцепцијата за храната и со мали чекори од најмала возраст децата да се едуцираат да го направат правиот избор. Сите овие настани се моја замисла и дел од една моја визија која години ја негувам. Сите мои замисли стануваат реалност со поддршка на волонтери, супер мајки, компании, институции и огромна благодарност до сите нив”, изјави Маја Лазаревска.
food revolution day za decata vo makedonija organizacijata food revolution koja e osnovana vo 2010 godina pretstavuva dvizhenje shto ovozmozhuva lugjeto koi sakaat domashno prigotvena i zdrava hrana da se obedinat vo rok od 24 chasa za da se obidat da vlijaat globalno so svoi avtorski nastani. vo makedonija ovaa platforma se organizirashe vo povekje gradinki i uchilishta so cel da se iskoristi denot za podignuvanje na svesta okolu vazhnosta od dobri uchilishni programi za ishrana kako zdrava hrana vo kujnite na uchilishtata, gradinkite i voopshto vo zaednicata. nastanot zapochna so edukativni chasovi vo site gradinki niz r.m za vazhnosta na zdravata i domashno prigotvena hrana, interaktivni boenki, igri, prikazi, zaednichko gotvenje na salatata „vinozhito” vo palachinka i priprema i zasaduvanje na mala organska gradina so shto decata imaa mozhnost da bidat del od svetskata inicijativa i interaktivno da uchat za zdravite naviki i percepcii. odbelezhuvanjeto zapochna vo gradinkata srnichka vo aerodrom kade site 100 deca go gotvea receptot vinozhito, a vo gotvenjeto se prikluchi i ambasadorot maja lazarevska i ministerot za trud i socijalna politika dime spasov. po nastanot vo gradinkata, denot na revolucija vo ishranata prodolzhi so centralniot nastan vo ou vlado tasevski, vo sorabotka so kompanijata tineks, opshtina karposh i art-m produkcija, kade najmalku 100 deca go gotvea receptot „vinozhito” i voedno odlichno se zabavuvaa. ”jas sum edna od ambasadorite vo r. makedonija na fondacijata za hrana na djejmi oliver i svoeto vreme volonterski go vlozhuvam vo kreiranje na nastani koi imaat za cel da ja promenat percepcijata za hranata i so mali chekori od najmala vozrast decata da se educiraat da go napravat praviot izbor. site ovie nastani se moja zamisla i del od edna moja vizija koja godini ja neguvam. site moi zamisli stanuvaat realnost so poddrshka na volonteri, super majki, kompanii, institucii i ogromna blagodarnost do site niv”, izjavi maja lazarevska.