Флора-фауна
Интервју со Данче Сиљаноска за вушуто кај нас


Вушу, и како ќе го објасниш на нашки, што претставува и малку историјат околу овој спорт
Вушу е спорт во кој се обединуваат кинеските боречки вештини. Историјата за потеклото на кинеските боречки вештини започнува многу одамна и бележи развивање на многу карактеристични и специфични стилови кои се дел од традиционалната кинеска култура. Но, официјалната приказна за Вушуто се врзува за втората половина од минатиот век кога државните власти на Народна Република Кина основаат спортски сојуз чие членство броело врвни вушу мајстори чија основна задача било стандардизирање и категоризација на кинеските боречки вештини.
Таканареченото модерно вушу своето официјално признание од страна на државните власти го доживува во 1959 година. Во тоа време е укината поделбата и класификацијата на кинеските боречки вештини на стилови и ситеми, додека во времето на кинеската културна револуција (1966-1976) се случува темен период за традиционалните кинески боречки вештини бидејќи се случува нивно укинување и прогон на нивните мајстори и ученици.
Единствено пожелно било тренирање и предавање на стандардизираните форми на модерното вушу и тоа под контрола на државниот вушу сојуз. Но, бидејќи голем број на врвни мајстори ја напуштиле Кина, тоа овозможило развој на традиционалното вушу во повеќе земји низ светот. Како се одбележувал крајот на кинеската културна револуција така се менува и стаусот на традиционалните кинески вештини за кој сме сведоци и денес.

Кога првпат се појавува во Македонија и како стигна ти да го тренираш и да се натпреваруваш?
Кај нас веќе дваесетина години постојат здруженија за кинески вежби каде се практикува таи чи чуан и чи гонг и јас таму прв пат се запознав со овие кинески традиционални вештини, но првиот регистриран Вушу спортски клуб е Феи Лонг чиј претседател и главен инструктор сум јас. Феи Лонг има уште двајца инструктори, а тоа се Елена Ставреска и Ана Тодоровска.
Учеството на Балканското натпреварување по Вушу се должи на мојата соработка со Балканската Вушу Федерација. Особено сум благодарна на потпретседателот на Балканската Вушу Федерација господинот Саша Баланесковиќ кој процени дека сме подготвени да учествуваме на овој шампионат и овозможи да има македонски претставници.
Можеш ли да ни ја опишеш структурата на тренинзите и како се одвиваат натпреварите (бодување, првенства)
Во Феи Лонг тренинг има секој ден освен во недела. Еден тренинг трае час и половина. Сега за сега има две групи. Едната група вежба таи чи чуан јанг стил, а другата системски чи гонг прво ниво (yi jin jing).
Во врска со бодувањето, постојат стандарди кои се следат. Ние се натпреваруваме во таи чи чуан (taijiquan) традиционален и модерен каде во целосната оценка влегуваат точноста и прецизноста на изведуваните елементи и естетиката.
Како гром од ведро небо дојде успехот во Турција, кажи ни нешто повеќе околу тоа
Гром од ведро небо беше за околината , а за нас не беше бидејќи ние конкретно за овој шампионат се подготвувавме 9 месеци. Да, отидовме без очекувања но, се надевавме дека трудот ќе биде забележан, а во тоа успеавме.

Филозофијата на Вушу и како ја носиш ти во секојдневието
Кинеските боречки вештини се поврзани со таоизмот. Некои ќе кажат дека таи чи чуанот е физичка експресија и манифестација на есенцијалните принципи на таоистичката филозофија. Вежбањето и практикувањето на кинеските боречки вештини го имплементира јин/јанговскиот глобален концепт на размислување и помага во унапредувње и развој на нашата личност и на нашето себство.
Ваквиот начин на живот во вакво секојдневие е право искушение, хаха. Но, да се живее со високо ниво на лична етика и психофизичка самосвесност е вистински избор за да се доживее спокојна среќа.

На кого би го препорачала овој спорт (дисциплина) и што луѓето можат да очекуваат од неа?
Овие кинески вештини се наменети за сите оние кои одлучиле да го унапредуваат своето психофизичко здравје, и кои сакаат да им овозможат ревитализација и регенерирање на духот и на телото.
А за возврат ќе ги почувствуваат сите благодети кои ќе бидат резултат на посветеноста.
intervju so danche siljanoska za vushuto kaj nas vushu, i kako kje go objasnish na nashki, shto pretstavuva i malku istorijat okolu ovoj sport vushu e sport vo koj se obedinuvaat kineskite borechki veshtini. istorijata za potekloto na kineskite borechki veshtini zapochnuva mnogu odamna i belezhi razvivanje na mnogu karakteristichni i specifichni stilovi koi se del od tradicionalnata kineska kultura. no, oficijalnata prikazna za vushuto se vrzuva za vtorata polovina od minatiot vek koga drzhavnite vlasti na narodna republika kina osnovaat sportski sojuz chie chlenstvo broelo vrvni vushu majstori chija osnovna zadacha bilo standardiziranje i kategorizacija na kineskite borechki veshtini. takanarechenoto moderno vushu svoeto oficijalno priznanie od strana na drzhavnite vlasti go dozhivuva vo 1959 godina. vo toa vreme e ukinata podelbata i klasifikacijata na kineskite borechki veshtini na stilovi i sitemi, dodeka vo vremeto na kineskata kulturna revolucija (1966-1976) se sluchuva temen period za tradicionalnite kineski borechki veshtini bidejkji se sluchuva nivno ukinuvanje i progon na nivnite majstori i uchenici. edinstveno pozhelno bilo treniranje i predavanje na standardiziranite formi na modernoto vushu i toa pod kontrola na drzhavniot vushu sojuz. no, bidejkji golem broj na vrvni majstori ja napushtile kina, toa ovozmozhilo razvoj na tradicionalnoto vushu vo povekje zemji niz svetot. kako se odbelezhuval krajot na kineskata kulturna revolucija taka se menuva i stausot na tradicionalnite kineski veshtini za koj sme svedoci i denes. koga prvpat se pojavuva vo makedonija i kako stigna ti da go trenirash i da se natprevaruvash? kaj nas vekje dvaesetina godini postojat zdruzhenija za kineski vezhbi kade se praktikuva tai chi chuan i chi gong i jas tamu prv pat se zapoznav so ovie kineski tradicionalni veshtini, no prviot registriran vushu sportski klub e fei long chij pretsedatel i glaven instruktor sum jas. fei long ima ushte dvajca instruktori, a toa se elena stavreska i ana todorovska. uchestvoto na balkanskoto natprevaruvanje po vushu se dolzhi na mojata sorabotka so balkanskata vushu federacija. osobeno sum blagodarna na potpretsedatelot na balkanskata vushu federacija gospodinot sasha balaneskovikj koj proceni deka sme podgotveni da uchestvuvame na ovoj shampionat i ovozmozhi da ima makedonski pretstavnici. mozhesh li da ni ja opishesh strukturata na treninzite i kako se odvivaat natprevarite (boduvanje, prvenstva) vo fei long trening ima sekoj den osven vo nedela. eden trening trae chas i polovina. sega za sega ima dve grupi. ednata grupa vezhba tai chi chuan jang stil, a drugata sistemski chi gong prvo nivo (yi jin jing). vo vrska so boduvanjeto, postojat standardi koi se sledat. nie se natprevaruvame vo tai chi chuan (taijiquan) tradicionalen i moderen kade vo celosnata ocenka vleguvaat tochnosta i preciznosta na izveduvanite elementi i estetikata. kako grom od vedro nebo dojde uspehot vo turcija, kazhi ni neshto povekje okolu toa grom od vedro nebo beshe za okolinata , a za nas ne beshe bidejkji nie konkretno za ovoj shampionat se podgotvuvavme 9 meseci. da, otidovme bez ochekuvanja no, se nadevavme deka trudot kje bide zabelezhan, a vo toa uspeavme . filozofijata na vushu i kako ja nosish ti vo sekojdnevieto kineskite borechki veshtini se povrzani so taoizmot. nekoi kje kazhat deka tai chi chuanot e fizichka ekspresija i manifestacija na esencijalnite principi na taoistichkata filozofija. vezhbanjeto i praktikuvanjeto na kineskite borechki veshtini go implementira jin/jangovskiot globalen koncept na razmisluvanje i pomaga vo unapreduvnje i razvoj na nashata lichnost i na nasheto sebstvo. vakviot nachin na zhivot vo vakvo sekojdnevie e pravo iskushenie, haha. no, da se zhivee so visoko nivo na lichna etika i psihofizichka samosvesnost e vistinski izbor za da se dozhivee spokojna srekja. na kogo bi go preporachala ovoj sport (disciplina) i shto lugjeto mozhat da ochekuvaat od nea? ovie kineski veshtini se nameneti za site onie koi odluchile da go unapreduvaat svoeto psihofizichko zdravje, i koi sakaat da im ovozmozhat revitalizacija i regeneriranje na duhot i na teloto. a za vozvrat kje gi pochuvstvuvaat site blagodeti koi kje bidat rezultat na posvetenosta.
Објава← Назад кон архивата