Флора-фауна
Менаџирајте го стресот со медитација


Зададените рокови на работа, конфликтите со блиските, дури и метежот во сообраќајот, придонесуваат за нашето неурамнотежено функционирање. Таквиот хроничен стрес нѐ прави расеани, конфузни, нервозни, но исто така и физички се одразува врз нас, правејќи нѐ поподложни на голем број болести (главоболки, висок крвен притисок, проблеми со варењето на храната, несоница и многу други). Секако, има и ситуации во кои е нормално да се реагира со одредена доза напнатост, но ако тоа стане модел на однесување и дел од нас, тогаш неизбежно ќе дојде моментот кога ќе се соочиме со нарушено здравје.
Јогата во голема мера може да влијае врз ублажувањето и превенирањето на реакциите на нашиот организам на стресните ситуации со кои се соочуваме, односно да нѐ направи поотпорни на стресот, а медитацијата, како нејзин интегрален дел, е корисна техника за справување со оваа „напаст на модерното време”.
Редовното практикување на медитацијата може да ни даде чувство на спокој, мир и рамнотежа, кои ќе придонесат за ментална благосостојба и подобрување на општата здравствена состојба. Ваквите придобивки нема да завршат со завршувањето на медитацијата, туку ќе останат меморирани во нас и ефектите ќе ги чувствуваме во текот на целиот ден. Практикувајќи редовно медитација, стресните ситуации ќе успееме да ги гледаме од една друга посветла перспектива, ќе можеме да ја зголемиме свесноста за нив, полесно ќе управуваме со стресот, ќе можеме да се фокусираме на сегашниот момент и ќе ги намалиме негативните мисли и емоции. Со медитацијата не само што ќе се чувствуваме подобро туку и ќе нѐ направи подобри како личности, повнимателни и подоблесни, а тоа, пак, ќе им биде од корист и на оние со кои комуницираме.
Медитацијата ни помага да се заштитиме од стресот, а кога тој ќе стане толку голем и ќе нѐ натера да побараме и медицинска помош, редовната медитативна практика исто така ќе биде корисно надополнување на третманот.
Марија Сиљаноска Михајлоска, наставник по јога
menadjirajte go stresot so meditacija zadadenite rokovi na rabota, konfliktite so bliskite, duri i metezhot vo soobrakjajot, pridonesuvaat za nasheto neuramnotezheno funkcioniranje. takviot hronichen stres nѐ pravi raseani, konfuzni, nervozni, no isto taka i fizichki se odrazuva vrz nas, pravejkji nѐ popodlozhni na golem broj bolesti (glavobolki, visok krven pritisok, problemi so varenjeto na hranata, nesonica i mnogu drugi). sekako, ima i situacii vo koi e normalno da se reagira so odredena doza napnatost, no ako toa stane model na odnesuvanje i del od nas, togash neizbezhno kje dojde momentot koga kje se soochime so narusheno zdravje. jogata vo golema mera mozhe da vlijae vrz ublazhuvanjeto i preveniranjeto na reakciite na nashiot organizam na stresnite situacii so koi se soochuvame, odnosno da nѐ napravi pootporni na stresot, a meditacijata, kako nejzin integralen del, e korisna tehnika za spravuvanje so ovaa „napast na modernoto vreme”. redovnoto praktikuvanje na meditacijata mozhe da ni dade chuvstvo na spokoj, mir i ramnotezha, koi kje pridonesat za mentalna blagosostojba i podobruvanje na opshtata zdravstvena sostojba. vakvite pridobivki nema da zavrshat so zavrshuvanjeto na meditacijata, tuku kje ostanat memorirani vo nas i efektite kje gi chuvstvuvame vo tekot na celiot den. praktikuvajkji redovno meditacija, stresnite situacii kje uspeeme da gi gledame od edna druga posvetla perspektiva, kje mozheme da ja zgolemime svesnosta za niv, polesno kje upravuvame so stresot, kje mozheme da se fokusirame na segashniot moment i kje gi namalime negativnite misli i emocii. so meditacijata ne samo shto kje se chuvstvuvame podobro tuku i kje nѐ napravi podobri kako lichnosti, povnimatelni i podoblesni, a toa, pak, kje im bide od korist i na onie so koi komunicirame. meditacijata ni pomaga da se zashtitime od stresot, a koga toj kje stane tolku golem i kje nѐ natera da pobarame i medicinska pomosh, redovnata meditativna praktika isto taka kje bide korisno nadopolnuvanje na tretmanot. marija siljanoska mihajloska, nastavnik po joga
Објава← Назад кон архивата