Љубох – прва награда за аматерско видео на ЕХО 2014
Коренот на љубох доаѓа од зборот љубов, каде што како суфикс му се додава извикот „ох“ за да се назначи благата компонента на мака. Во основа, зборот означува чувство на љубов/задоволство/топлина на душата или како сакате, на која што и` претходела извесна доза на мака, односно сме се помачиле/доживеале извесна болка за на крајот да го освоиме тоа драгоцено чувство.
Љубохта се крие зад страданието на секоја пасија.
Во нејзина паралела, „Љубох“ претставува и кованица од Љуботен и Охрид, почетната и крајната точка на првата македонска и една од најтешките балкански планинарски трансверзали, западната македонска трансверзала, а воедно и инспирацијата и причината за формирање на љубох како збор и чувство.
Ова лето после нејзини 40 години постоење направено беше нејзино повторување од страна на 15 македонски и еден холандски планинар водени од планинарските водичи Зоран Костадинов и Мијалче Божиновски од П.Д. Трансверзалец. Во текот на 8 дена групата се движеше низ повеќе планински масиви во западниот дел од државата и искуси една исклучително тешка, но неописливо вредна авантура, а помешаните чувства и љубохта беа константно присутни низ сите нејзини мигови.
Краткиот филм ја доби наградата за најдобро аматерско видео на петтото издание на ЕХО – фестивал на планински филм каде што беше одбран од тричлена жири комисија составена од Влатко Галевски, Борјан Зафировски и Игор Анѓелков.
Голема благодарност до екипата на ЕХО кои што овозможија и ваков елемент во фестивалот кој несомнено примами добра бројка на активни спортисти и љубители на планината да ги истурат нивните креативни канти на белото платно.
ljuboh – prva nagrada za amatersko video na eho 2014 korenot na ljuboh doagja od zborot ljubov, kade shto kako sufiks mu se dodava izvikot „oh“ za da se naznachi blagata komponenta na maka. vo osnova, zborot oznachuva chuvstvo na ljubov/zadovolstvo/toplina na dushata ili kako sakate, na koja shto i` prethodela izvesna doza na maka, odnosno sme se pomachile/dozhiveale izvesna bolka za na krajot da go osvoime toa dragoceno chuvstvo. ljubohta se krie zad stradanieto na sekoja pasija. vo nejzina paralela, „ljuboh“ pretstavuva i kovanica od ljuboten i ohrid, pochetnata i krajnata tochka na prvata makedonska i edna od najteshkite balkanski planinarski transverzali, zapadnata makedonska transverzala, a voedno i inspiracijata i prichinata za formiranje na ljuboh kako zbor i chuvstvo. ova leto posle nejzini 40 godini postoenje napraveno beshe nejzino povtoruvanje od strana na 15 makedonski i eden holandski planinar vodeni od planinarskite vodichi zoran kostadinov i mijalche bozhinovski od p.d. transverzalec. vo tekot na 8 dena grupata se dvizheshe niz povekje planinski masivi vo zapadniot del od drzhavata i iskusi edna iskluchitelno teshka, no neopislivo vredna avantura, a pomeshanite chuvstva i ljubohta bea konstantno prisutni niz site nejzini migovi. kratkiot film ja dobi nagradata za najdobro amatersko video na pettoto izdanie na eho festival na planinski film kade shto beshe odbran od trichlena zhiri komisija sostavena od vlatko galevski, borjan zafirovski i igor angjelkov. golema blagodarnost do ekipata na eho koi shto ovozmozhija i vakov element vo festivalot koj nesomneno primami dobra brojka na aktivni sportisti i ljubiteli na planinata da gi isturat nivnite kreativni kanti na beloto platno.