Флора-фауна
Затоа што сите ние сме специјални


Во 1962 година во САД, Евнис Кенеди Шривер (сестра на Џон Ф. Кенеди) за првпат го формира кампот Шривер, еднодневен настан кадешто со спорт се вклучени сите деца со некакви интелектуални попречувања од околината. Таа го започнува овој проект од проста причина што била целосно загрижена за исклучувањето на овие деца од спортот и секојдневната игра од страна на нивните врсници.
Преку овој проект таа започнува сè повеќе да работи на активното промовирање на концептот за поголемо вмешување на овие лица во разни физички и спортски активности и натпреварувања. Преку нејзината важна позиција во Фондацијата на фамилијата Кенеди (која се бави со потпомагање на оваа група на луѓе) таа успева да го донесе кампот на едно повисоко ниво и да помогне на околните школи да еднаш годишно да го вметнат во нивниот распоред.

Неколку години подоцна, под влијание на канадскиот доктор Френк Хејден и нејзината сестра Розмари, фамилијата Кенеди успева да ги финансира и овозможи првите Специјални Олимписки Игри (тогаш се уште непризнати како такви) во 1968 година во Чикаго. На нив учествуваат 1500 натпреварувачи од САД и Канада.
Во 1971 година олимпискиот комитет дава дозвола за Игрите и официјално да го користат називот „Олимпијада”, а до денес тие се во константен раст со учество на се повеќе натпреварувачи, како деца така и возрасни во разно-разни спортови.
Денеска организацијата Специјална Олимпијада е најголемата од ваков вид во светот и во неа учествуваат повеќе од 4,4 милиони луѓе од 170 држави во светот кои на годишно ниво се вклучени во огромен број на разни тренинзи, спортски натпреварувања и активности, и нормално, на главниот настан кој се одржува на четири години – Специјалните Светски Олимписки Игри.

Летните Специјални Олимписки Игри оваа година ќе се одржат во Лос Анџелес, најавени се 6,500 атлети во 25 спортови, а вкупната бројка на спортски натпревари е 290.
Македонија има свој огранок од оваа организација – Специјална Олимпијада Македонија која оваа година во период од 25 Јули до 2 Август ќе ја испрати Македонската делегацијасоставена од 18 Атлети кои ќе се натпреваруваат во 4 спорта (Пливање, Пинг понг, Атлетика и Јунифајд Кошарка), 5 тренери и 3 делегати.

zatoa shto site nie sme specijalni vo 1962 godina vo sad, evnis kenedi shriver (sestra na djon f. kenedi) za prvpat go formira kampot shriver, ednodneven nastan kadeshto so sport se vklucheni site deca so nekakvi intelektualni poprechuvanja od okolinata. taa go zapochnuva ovoj proekt od prosta prichina shto bila celosno zagrizhena za iskluchuvanjeto na ovie deca od sportot i sekojdnevnata igra od strana na nivnite vrsnici. preku ovoj proekt taa zapochnuva sè povekje da raboti na aktivnoto promoviranje na konceptot za pogolemo vmeshuvanje na ovie lica vo razni fizichki i sportski aktivnosti i natprevaruvanja. preku nejzinata vazhna pozicija vo fondacijata na familijata kenedi (koja se bavi so potpomaganje na ovaa grupa na lugje) taa uspeva da go donese kampot na edno povisoko nivo i da pomogne na okolnite shkoli da ednash godishno da go vmetnat vo nivniot raspored. nekolku godini podocna, pod vlijanie na kanadskiot doktor frenk hejden i nejzinata sestra rozmari, familijata kenedi uspeva da gi finansira i ovozmozhi prvite specijalni olimpiski igri (togash se ushte nepriznati kako takvi) vo 1968 godina vo chikago. na niv uchestvuvaat 1500 natprevaruvachi od sad i kanada. vo 1971 godina olimpiskiot komitet dava dozvola za igrite i oficijalno da go koristat nazivot „olimpijada”, a do denes tie se vo konstanten rast so uchestvo na se povekje natprevaruvachi, kako deca taka i vozrasni vo razno-razni sportovi. deneska organizacijata specijalna olimpijada e najgolemata od vakov vid vo svetot i vo nea uchestvuvaat povekje od 4,4 milioni lugje od 170 drzhavi vo svetot koi na godishno nivo se vklucheni vo ogromen broj na razni treninzi, sportski natprevaruvanja i aktivnosti, i normalno, na glavniot nastan koj se odrzhuva na chetiri godini – specijalnite svetski olimpiski igri. letnite specijalni olimpiski igri ovaa godina kje se odrzhat vo los andjeles, najaveni se 6,500 atleti vo 25 sportovi, a vkupnata brojka na sportski natprevari e 290. makedonija ima svoj ogranok od ovaa organizacija – specijalna olimpijada makedonija koja ovaa godina vo period od 25 juli do 2 avgust kje ja isprati makedonskata delegacija sostavena od 18 atleti koi kje se natprevaruvaat vo 4 sporta (plivanje, ping pong, atletika i junifajd kosharka), 5 treneri i 3 delegati.
Објава← Назад кон архивата