Флора-фауна
Се одржа промотивен СПЕЛЕО Ден


Целта на акцијата беше да се запознаат граѓаните на Прилеп со спелеологијата и техниките на истражување на пештерите, преку практично претставување на спелеолошките техники, можност за пробување на дел од нив, како и запознавање со пештерите во Македонија и истражувањата на Спелеолошкиот клуб „Златоврв” – Прилеп.
Манифестацијата се состоеше од три делови:
– спелеолошки полигон поставен на дрва во паркот, каде беше претставена техниката на единечно јаже (single rope technique – SRT) преку качување и спуштање по јаже и поминување на жичара
– промотивен дел, каде посетителите имаа можност да пробаат качување по јаже користејќи спелеолошки техники
– изложбен дел, каде беше изложена опрема што се користи при истражување на пештерите, јазли кои се користат во спелеологијата и паноа со информации за пештерите во Македонија

За време на спелеолошкиот ден, во периодот од 10 до 20 часот со спелеологијата имаа можност да се запознаат огромен број на посетители, од кои над 100 за прв пат пробаа качување по јаже користејќи спелеолошки техники. Возраста и полот воопшто не беа пречка за оние кои се осмелија да пробаат качување по јаже, па меѓу нив можеа да се забележат и деца од по 6-7 години, па се до возрасни со 60тина години.

Севкупно оваа манифестација, која се одржа за првпат, беше исклучително успешна и претставуваше своевиден празник на спелеологијата во Прилеп. Се надеваме дека ќе продолжи како традиција и понатаму, а спелеологијата и пештерите ќе бидат се поблискудо јавноста.




se odrzha promotiven speleo den celta na akcijata beshe da se zapoznaat gragjanite na prilep so speleologijata i tehnikite na istrazhuvanje na peshterite, preku praktichno pretstavuvanje na speleoloshkite tehniki, mozhnost za probuvanje na del od niv, kako i zapoznavanje so peshterite vo makedonija i istrazhuvanjata na speleoloshkiot klub „zlatovrv” – prilep. manifestacijata se sostoeshe od tri delovi: – speleoloshki poligon postaven na drva vo parkot, kade beshe pretstavena tehnikata na edinechno jazhe (single rope technique – srt) preku kachuvanje i spushtanje po jazhe i pominuvanje na zhichara – promotiven del, kade posetitelite imaa mozhnost da probaat kachuvanje po jazhe koristejkji speleoloshki tehniki – izlozhben del, kade beshe izlozhena oprema shto se koristi pri istrazhuvanje na peshterite, jazli koi se koristat vo speleologijata i panoa so informacii za peshterite vo makedonija za vreme na speleoloshkiot den, vo periodot od 10 do 20 chasot so speleologijata imaa mozhnost da se zapoznaat ogromen broj na posetiteli, od koi nad 100 za prv pat probaa kachuvanje po jazhe koristejkji speleoloshki tehniki. vozrasta i polot voopshto ne bea prechka za onie koi se osmelija da probaat kachuvanje po jazhe, pa megju niv mozhea da se zabelezhat i deca od po 6-7 godini, pa se do vozrasni so 60tina godini. sevkupno ovaa manifestacija, koja se odrzha za prvpat, beshe iskluchitelno uspeshna i pretstavuvashe svoeviden praznik na speleologijata vo prilep. se nadevame deka kje prodolzhi kako tradicija i ponatamu, a speleologijata i peshterite kje bidat se pobliskudo javnosta.
Објава← Назад кон архивата