Екологика
Mали, црвени, здрави и се викаат Гоџи – Интервју со Таки Ѓорѓиев


Зошто реши да го започнеш фермерскиот бизнис?
Идејата за почнување на фармерски бизнис е од 2009-2010 година. Според сите информации кои ги имав од дотогашното искуство, а беа врзани за трговијата и потрошувачката, заклучив дека храната е далеку пред сите останати производни потенцијали, и ќе остане број еден. Што е уште повеќе битно е дека Органските производи ќе бидат се подостапни за луѓето затоа што ние како Македонија сме доста поволна земја и имаме незагадена почва со над 300 сончеви денови во годината, што значи дека имаме огромен потенцијал во земјоделието. Секако дека мотив плус е поставувањето на семеен бизнис кој што понатаму ќе биде наследен и ќе овозможува, се надевам, квалитетен живот за поколенијата.

Освен трпеливоста и посветеноста што е најважно во овој процес?
Пред финансиите за вложувањата кои ги направив секако дека волјата, желбата за успех и поддршката од семејството се најбитните фактори да се издржи. Трпеливоста ќе треба да се учи и практикува секој ден, бидејќи кај амбициозни и млади инвеститори тоа е слаба страна. Посветеноста е круцијална. Секојдневниот ангажман е неизбежен доколку се стремиш кон успех во оваа работа.
На твоите плантажи одгледуваш Гоџи, кажи ни нешто повеќе околу оваа бобинка?
Плантажата е со вкупна површина од 4 хектари и е најголема на Балканот. Имам 7.000 садници кои се во 2 година од подигање. Производот е број еден што се однесува до богатството на минерали, витамини и антиоксидантни материи. Исто така Гоџито наоѓа широка примена во лекувањето со исхрана на доста комплицирани и популарни за денешницата болести и здравстви проблеми кои ги имаат луѓето.

Кој се нејзините најчести примени и благодети во исхраната?
Гоџи е жбунесто дрвенесто растение, со вкусен плод во форма на црвени бобинки. Во тие мали, но моќни плодови се крие тајната на долговечноста на луѓето од Тибет, од каде што потекнува. Го нарекуваат „волчја бобинка”, „среќна бобинка”, „црвен дијамант”, „лициј” (Lycium barbarum). На Хималаите, со векови се користи не само како храна, туку и како природен лек. Расте 1,5 до 2 m во височина и до 2 m во пречник. Цвета од шестиот до осмиот месец, а плодовите сукцесивно созреваат од деветиот до десетиот месец во годината. Плодовите се големи од 1 до 2 cm и се јадат свежи или сушени. Од гоџи се прават сокови, сирупи, чаеви, ликери, овошни јогурти, а во кулинарството е многу често употребуван додаток, особено на салатите.
На почетокот од овој век, нивната популарност расте, кога резултатите од медицинските истражувања го потврдија нивното благотворно дејство врз здравјето на луѓето. Американските стручњаци го сметаат за овошје на векот! Во светот не постои толку силен додаток во исхраната против стареењето!
Според американската скала што ги мери антиоксидантните својства на храната (ORAC scale -Oxygen Radical Absorbance Capacity scale), гоџи е супериорно прв! Да појасниме дека, колку што е позицијата повисока на ORAC скалата, толку повеќе храната има способност да ги уништува слободните радикали, кои го нарушуваат здравјето, предизвикуваат хронични заболувања и го забрзуваат процесот на стареењето.

Дали Македонија изобилува со поволна клима за ваква сорта бобинки?
Растението не бара специфични услови за одгледување. Напротив сонцето е доста битен фактор, го имаме во изобилство и секако водата која ја снабдувам преку сопствени бунари. Сето останато е врзано со прихраната и заштитата на растението. Тука е клучот за успех.

Освен Гоџи што друго одгледуваш и како би ги охрабрил луѓето да почнат ваква дејност?
Освен овоштарството во кое спаѓа Гоџито од пред една недела набавив и Јуници (Крави) од расата Холштајн. Имајќи ја предвид паузата која следи во зимскиот период и затворањето на плантажата се одлучив да инвестирам и во сточарството бидејќи Македонија во последните 5 години има стабилна млечна индустрија и доста добри услови за одгледување на храна која што е фактор број 1 за лактацијата и квалитетот на млекото кој би го произведувал. Препорака до сите оние кои што би сакале да се занимаваат со земјоделие и сточарство е дека има иднина, има многу можности во овие индустрии и култури. Она што треба секој да расчисти пред да влезе во овој бизнис е дали навистина го сака земјоделието, дали е спремен да не биде во удобна фотеља додека надвор е +40 а во зима -20, дали е одлучен да издржи кога ќе биде најтешко додека се поставуваат работите и дали е спремен во првите години да го стави својот приватен живот на исто ниво со својот професионален живот па дури и малку повеќе да се посвети на вториот. Сето останато е добро планирање и реализација како и во секоја професија и упорност да сето она што е визија еден ден стане реалност.

mali, crveni, zdravi i se vikaat godji – intervju so taki gjorgjiev zoshto reshi da go zapochnesh fermerskiot biznis? idejata za pochnuvanje na farmerski biznis e od 2009-2010 godina. spored site informacii koi gi imav od dotogashnoto iskustvo, a bea vrzani za trgovijata i potroshuvachkata, zakluchiv deka hranata e daleku pred site ostanati proizvodni potencijali, i kje ostane broj eden. shto e ushte povekje bitno e deka organskite proizvodi kje bidat se podostapni za lugjeto zatoa shto nie kako makedonija sme dosta povolna zemja i imame nezagadena pochva so nad 300 sonchevi denovi vo godinata, shto znachi deka imame ogromen potencijal vo zemjodelieto. sekako deka motiv plus e postavuvanjeto na semeen biznis koj shto ponatamu kje bide nasleden i kje ovozmozhuva, se nadevam, kvaliteten zhivot za pokolenijata. osven trpelivosta i posvetenosta shto e najvazhno vo ovoj proces? pred finansiite za vlozhuvanjata koi gi napraviv sekako deka voljata, zhelbata za uspeh i poddrshkata od semejstvoto se najbitnite faktori da se izdrzhi. trpelivosta kje treba da se uchi i praktikuva sekoj den, bidejkji kaj ambiciozni i mladi investitori toa e slaba strana. posvetenosta e krucijalna. sekojdnevniot angazhman e neizbezhen dokolku se stremish kon uspeh vo ovaa rabota. na tvoite plantazhi odgleduvash godji, kazhi ni neshto povekje okolu ovaa bobinka? plantazhata e so vkupna povrshina od 4 hektari i e najgolema na balkanot. imam 7.000 sadnici koi se vo 2 godina od podiganje. proizvodot e broj eden shto se odnesuva do bogatstvoto na minerali, vitamini i antioksidantni materii. isto taka godjito naogja shiroka primena vo lekuvanjeto so ishrana na dosta komplicirani i popularni za deneshnicata bolesti i zdravstvi problemi koi gi imaat lugjeto. koj se nejzinite najchesti primeni i blagodeti vo ishranata? godji e zhbunesto drvenesto rastenie, so vkusen plod vo forma na crveni bobinki. vo tie mali, no mokjni plodovi se krie tajnata na dolgovechnosta na lugjeto od tibet, od kade shto poteknuva. go narekuvaat „volchja bobinka”, „srekjna bobinka”, „crven dijamant”, „licij” (lycium barbarum). na himalaite, so vekovi se koristi ne samo kako hrana, tuku i kako priroden lek. raste 1,5 do 2 m vo visochina i do 2 m vo prechnik. cveta od shestiot do osmiot mesec, a plodovite sukcesivno sozrevaat od devetiot do desetiot mesec vo godinata. plodovite se golemi od 1 do 2 cm i se jadat svezhi ili susheni. od godji se pravat sokovi, sirupi, chaevi, likeri, ovoshni jogurti, a vo kulinarstvoto e mnogu chesto upotrebuvan dodatok, osobeno na salatite. na pochetokot od ovoj vek, nivnata popularnost raste, koga rezultatite od medicinskite istrazhuvanja go potvrdija nivnoto blagotvorno dejstvo vrz zdravjeto na lugjeto. amerikanskite struchnjaci go smetaat za ovoshje na vekot! vo svetot ne postoi tolku silen dodatok vo ishranata protiv stareenjeto! spored amerikanskata skala shto gi meri antioksidantnite svojstva na hranata (orac scale -oxygen radical absorbance capacity scale), godji e superiorno prv! da pojasnime deka, kolku shto e pozicijata povisoka na orac skalata, tolku povekje hranata ima sposobnost da gi unishtuva slobodnite radikali, koi go narushuvaat zdravjeto, predizvikuvaat hronichni zaboluvanja i go zabrzuvaat procesot na stareenjeto. dali makedonija izobiluva so povolna klima za vakva sorta bobinki? rastenieto ne bara specifichni uslovi za odgleduvanje. naprotiv sonceto e dosta biten faktor, go imame vo izobilstvo i sekako vodata koja ja snabduvam preku sopstveni bunari. seto ostanato e vrzano so prihranata i zashtitata na rastenieto. tuka e kluchot za uspeh. osven godji shto drugo odgleduvash i kako bi gi ohrabril lugjeto da pochnat vakva dejnost? osven ovoshtarstvoto vo koe spagja godjito od pred edna nedela nabaviv i junici (kravi) od rasata holshtajn. imajkji ja predvid pauzata koja sledi vo zimskiot period i zatvoranjeto na plantazhata se odluchiv da investiram i vo stocharstvoto bidejkji makedonija vo poslednite 5 godini ima stabilna mlechna industrija i dosta dobri uslovi za odgleduvanje na hrana koja shto e faktor broj 1 za laktacijata i kvalitetot na mlekoto koj bi go proizveduval. preporaka do site onie koi shto bi sakale da se zanimavaat so zemjodelie i stocharstvo e deka ima idnina, ima mnogu mozhnosti vo ovie industrii i kulturi. ona shto treba sekoj da raschisti pred da vleze vo ovoj biznis e dali navistina go saka zemjodelieto, dali e spremen da ne bide vo udobna fotelja dodeka nadvor e +40 a vo zima -20, dali e odluchen da izdrzhi koga kje bide najteshko dodeka se postavuvaat rabotite i dali e spremen vo prvite godini da go stavi svojot privaten zhivot na isto nivo so svojot profesionalen zhivot pa duri i malku povekje da se posveti na vtoriot. seto ostanato e dobro planiranje i realizacija kako i vo sekoja profesija i upornost da seto ona shto e vizija eden den stane realnost.
Објава← Назад кон архивата