Вести
Кој е Крали Марко?


„ПО СТАПКИТЕ НА КРАЛИ МАРКО” – ПОЧУВСТВУВАЈ ЈА ЛЕГЕНДАТА, ИСТРЧАЈ ГО МИТОТ
Марко Крале – јунак над јунаци! – воскликнуваат стотици македонски и балкански народни приказни, песни, преданија, митови и легенди. Бесконечно долга е низата на јунаштва и подвизи на овој средновековен и легендарен владетел на тлото на Прилеп и Македонија. Долга и јуначка како ултра маратон!
Крале Марко е историска личност, тој е роден околу 1335 година како најстар од четирите синови на кралот Волкашин по чија смрт завладеал со голем дел од Прилепското кралство со престолнина во Прилеп – градот кој денес е препознатлив по тоа што над него гордо се извишуваат ѕидините од неговиот дворец – Марковите Кули.
Места именувани по Крале Марко и неговите јуначки подвизи ќе најдете ширум Македонија и Балканот, но секако најбројни се токму во неговата престолнина – во градот Прилеп и неговата околина. Марковите кули – (на прилепски:Марку(ј)куле) над Варош со бројните цркви на кој се ПРИЛЕПил новиот град, древниот манастир Трескавец под вишниот и блескав Златоврв се местата каде ќе ги најдете и зачекорите по Марковите стапалки (дури и во вистинска смисла).
Овој последен тукашен владетел пред целосното завладување на Отоманската империја на крајот на XIV век е опеан и овековечен во бројни умотворби во кои тој се бори и среќава со стотини вистински историски и замислени неисториски митски и легендарни личности. Во македонската народна јуначка поезија и творештво песните за Крали Марко стојат на прво место по бројност, по своите естетски вредности и по значењето, а самиот Марко Крале е најмаркантната фигура и најсаканиот јунак, подеднакво популарен и во народните песни на другите балкански и јужнословенски народи.
Неговите јуначки подвизи во песните и приказните често опфаќаат натпреварување и докажување со својата телесна сила и во натприродни размери како: прескокнување на цели планини, фрлање на камења на огромни далечини, јавање и трчање на извонредно долги речиси бескрајни растојанија и пространства…
Ваквите јуначки подвизи низ легендите за Крали Марко во спој со извонредните природни услови на околината се главниот мотив за оддржувањето на ултрамаратонот „По стапките на Крали Марко”. Стотици години покасно, Вие имате можност да трчате по неговите стапки, да ги истражите и достигнете неговите јуначки подвизи.
Епскиот јунак Крали Марко ве повикува: Дојдете да го истрчате митот, да ја почувствувате легендата!
Напишано од Марио Шаревски – сестран љубител на Македонија
koj e krali marko? „po stapkite na krali marko” – pochuvstvuvaj ja legendata, istrchaj go mitot marko krale – junak nad junaci! – voskliknuvaat stotici makedonski i balkanski narodni prikazni, pesni, predanija, mitovi i legendi. beskonechno dolga e nizata na junashtva i podvizi na ovoj srednovekoven i legendaren vladetel na tloto na prilep i makedonija. dolga i junachka kako ultra maraton! krale marko e istoriska lichnost, toj e roden okolu 1335 godina kako najstar od chetirite sinovi na kralot volkashin po chija smrt zavladeal so golem del od prilepskoto kralstvo so prestolnina vo prilep – gradot koj denes e prepoznatliv po toa shto nad nego gordo se izvishuvaat dzidinite od negoviot dvorec – markovite kuli. mesta imenuvani po krale marko i negovite junachki podvizi kje najdete shirum makedonija i balkanot, no sekako najbrojni se tokmu vo negovata prestolnina – vo gradot prilep i negovata okolina. markovite kuli – (na prilepski:marku(j)kule) nad varosh so brojnite crkvi na koj se prilepil noviot grad, drevniot manastir treskavec pod vishniot i bleskav zlatovrv se mestata kade kje gi najdete i zachekorite po markovite stapalki (duri i vo vistinska smisla). ovoj posleden tukashen vladetel pred celosnoto zavladuvanje na otomanskata imperija na krajot na xiv vek e opean i ovekovechen vo brojni umotvorbi vo koi toj se bori i srekjava so stotini vistinski istoriski i zamisleni neistoriski mitski i legendarni lichnosti. vo makedonskata narodna junachka poezija i tvoreshtvo pesnite za krali marko stojat na prvo mesto po brojnost, po svoite estetski vrednosti i po znachenjeto, a samiot marko krale e najmarkantnata figura i najsakaniot junak, podednakvo popularen i vo narodnite pesni na drugite balkanski i juzhnoslovenski narodi. negovite junachki podvizi vo pesnite i prikaznite chesto opfakjaat natprevaruvanje i dokazhuvanje so svojata telesna sila i vo natprirodni razmeri kako: preskoknuvanje na celi planini, frlanje na kamenja na ogromni dalechini, javanje i trchanje na izvonredno dolgi rechisi beskrajni rastojanija i prostranstva… vakvite junachki podvizi niz legendite za krali marko vo spoj so izvonrednite prirodni uslovi na okolinata se glavniot motiv za oddrzhuvanjeto na ultramaratonot „po stapkite na krali marko”. stotici godini pokasno, vie imate mozhnost da trchate po negovite stapki, da gi istrazhite i dostignete negovite junachki podvizi. epskiot junak krali marko ve povikuva: dojdete da go istrchate mitot, da ja pochuvstvuvate legendata! napishano od mario sharevski – sestran ljubitel na makedonija
Објава← Назад кон архивата