Вести
Традиционално искачување на Титов Врв за поддршка – Шара да се прогласи за национален парк


Оваа година сите посетителки и посетители на овој настан ќе чекорат под мотото „Да се искачиме на 2747 метри и да дадеме поддршка, Шара да се прогласи за национален парк”. Планинарскиот клуб Љуботен, ги повикува сите вљубеници во планините да се приклучат на оваа манифестација, а со тоа да направат нешто добро за сопственото здравје, сопствениот дух и развој и секако нешто добро за Шарскиот регион и природата.
Планинарските друштва во сабота, 28 мај 2015 година, ќе пристигнат на Попова Шапка каде што е предвидено да се одржи свечено отворање на манифестацијата со изложба на фотографии и презентација на туристичките потенцијали на Шарпланинскиот регион. Во недела наутро, долгата планинарска колона ќе се упати кон Титов Врв, тргнувајќи од платото пред хотел „Попова Шапка”. Пешачењето до највисокиот врв на Шара, по „Вакуфска патека” ќе трае околу 5 часа и ќе биде проследено со еколошка акција за чистење на сметот долж планинарската патека до Титов Врв.

На самиот врв, присутните ќе имаат можност да учествуваат во една интересна фотографска акција. По кратката пауза, планинарите и планинарките ќе се вратат на Попова Шапка, и ќе се напијат чај со групата „Пријателите на Шара”, ќе добијат информации за придобивките од тоа Шар Планина да биде прогласена за национален парк и ќе имаат можност да дадат поддршка на оваа иницијатива. Потоа, манифестацијата официјално ќе биде затворена.
Во досегашните искачувања на овој настан, вкупно се искачиле 21.700 планинари.
Овој настан е поддржан во рамките на проектот „Рурален развој преку интегрирано управување со шумските и водните ресурси (LEIWW)”, имплементиран од страна на SWG во соработка со GIZ. Генерален спонзор на манифестацијата е ТТК Банка АД Скопје.

Планинарскиот клуб „Љуботен” е најстариот активен планинарски клуб во Македонија, кој постои од 1925 година и е организатор на голем број на манифестации на Шар Планина.
За повеќе информации, обратете се на:
Нашата веб страна: http://www.pkljuboten.org.mk/ и ФБ
Ве очекуваме!
Срдечно,
Тимот на ПК Љуботен
tradicionalno iskachuvanje na titov vrv za poddrshka – shara da se proglasi za nacionalen park ovaa godina site posetitelki i posetiteli na ovoj nastan kje chekorat pod mototo „da se iskachime na 2747 metri i da dademe poddrshka, shara da se proglasi za nacionalen park” . planinarskiot klub ljuboten, gi povikuva site vljubenici vo planinite da se prikluchat na ovaa manifestacija, a so toa da napravat neshto dobro za sopstvenoto zdravje, sopstveniot duh i razvoj i sekako neshto dobro za sharskiot region i prirodata. planinarskite drushtva vo sabota, 28 maj 2015 godina, kje pristignat na popova shapka kade shto e predvideno da se odrzhi svecheno otvoranje na manifestacijata so izlozhba na fotografii i prezentacija na turistichkite potencijali na sharplaninskiot region. vo nedela nautro, dolgata planinarska kolona kje se upati kon titov vrv, trgnuvajkji od platoto pred hotel „popova shapka”. peshachenjeto do najvisokiot vrv na shara, po „vakufska pateka” kje trae okolu 5 chasa i kje bide prosledeno so ekoloshka akcija za chistenje na smetot dolzh planinarskata pateka do titov vrv. na samiot vrv, prisutnite kje imaat mozhnost da uchestvuvaat vo edna interesna fotografska akcija. po kratkata pauza, planinarite i planinarkite kje se vratat na popova shapka, i kje se napijat chaj so grupata „prijatelite na shara”, kje dobijat informacii za pridobivkite od toa shar planina da bide proglasena za nacionalen park i kje imaat mozhnost da dadat poddrshka na ovaa inicijativa. potoa, manifestacijata oficijalno kje bide zatvorena. vo dosegashnite iskachuvanja na ovoj nastan, vkupno se iskachile 21.700 planinari. ovoj nastan e poddrzhan vo ramkite na proektot „ruralen razvoj preku integrirano upravuvanje so shumskite i vodnite resursi (leiww)”, implementiran od strana na swg vo sorabotka so giz. generalen sponzor na manifestacijata e ttk banka ad skopje. planinarskiot klub „ljuboten” e najstariot aktiven planinarski klub vo makedonija, koj postoi od 1925 godina i e organizator na golem broj na manifestacii na shar planina. za povekje informacii, obratete se na: nashata veb strana: http://www.pkljuboten.org.mk/ i fb ve ochekuvame! srdechno, timot na pk ljuboten
Објава← Назад кон архивата