Флора-фауна
Време е за босилек


Оваа зачинска билка е вистинско летно освежување за вашите оброци, но и извор на сериозни нутри благодати доколку ја направите дел од секојдневното мени. Моментално пазарите се преплавени со расади од различни типови босилек, па ако не засадивте досега, се уште не е доцна да си набавите едно или повеќе стебленца.
Доколку немате услови и сепак решивте да купувате снопчиња по потреба, најдобро е босилекот да го чувате надвор од фрижидер, во чаша со ладна вода и далеку од директна светлина, со што најдолго ќе го одржите свеж и погоден за исхрана.
Oсвен вкус, босилекот додава и доза здравје во јадењето. Како и другите зелени листести растенија, изобилува со витамин К, важен за коагулацијата на крвта, искористувањето на калциумот во коските, а во последно време се поврзува и со намалување на ризикот од појава на дијабетес.
Како што пишувавме и претходно босилекот покажува антиинфламаторни карактерстки кои според истражувањата се споредуваат со оние на диклофенакот (моќен антиревматик и нестероиден антиинфламаторен лек). Ефектот на босилекот се должи на високите дози на еугенол, кој му ја дава карактеристичната арома и е активна антивоспалителна состојка. Со тоа босилекот помага при зглобно и мускулно воспаление.
Големите количини на ароматични масла дополнително делуваат како антимикробни агенси со тоа што го намалуваат бројот на микроорганизми во храната која ја подготвувате во комбинација на босилек. Исто така користењето на босилек во секојдневната кујна, заедно со другите зачински билки, може биде стратегија за намалување на внесот на готварска сол, особено полезно за лица кои патат од висок крвен притисок.
Предлог рецепти со босилек (клик на сликите):



vreme e za bosilek ovaa zachinska bilka e vistinsko letno osvezhuvanje za vashite obroci, no i izvor na seriozni nutri blagodati dokolku ja napravite del od sekojdnevnoto meni. momentalno pazarite se preplaveni so rasadi od razlichni tipovi bosilek, pa ako ne zasadivte dosega, se ushte ne e docna da si nabavite edno ili povekje steblenca. dokolku nemate uslovi i sepak reshivte da kupuvate snopchinja po potreba, najdobro e bosilekot da go chuvate nadvor od frizhider, vo chasha so ladna voda i daleku od direktna svetlina, so shto najdolgo kje go odrzhite svezh i pogoden za ishrana. osven vkus, bosilekot dodava i doza zdravje vo jadenjeto. kako i drugite zeleni listesti rastenija, izobiluva so vitamin k , vazhen za koagulacijata na krvta, iskoristuvanjeto na kalciumot vo koskite, a vo posledno vreme se povrzuva i so namaluvanje na rizikot od pojava na dijabetes. kako shto pishuvavme i prethodno bosilekot pokazhuva antiinflamatorni karakterstki koi spored istrazhuvanjata se sporeduvaat so onie na diklofenakot (mokjen antirevmatik i nesteroiden antiinflamatoren lek). efektot na bosilekot se dolzhi na visokite dozi na eugenol , koj mu ja dava karakteristichnata aroma i e aktivna antivospalitelna sostojka. so toa bosilekot pomaga pri zglobno i muskulno vospalenie. golemite kolichini na aromatichni masla dopolnitelno deluvaat kako antimikrobni agensi so toa shto go namaluvaat brojot na mikroorganizmi vo hranata koja ja podgotvuvate vo kombinacija na bosilek. isto taka koristenjeto na bosilek vo sekojdnevnata kujna, zaedno so drugite zachinski bilki, mozhe bide strategija za namaluvanje na vnesot na gotvarska sol, osobeno polezno za lica koi patat od visok krven pritisok. predlog recepti so bosilek (klik na slikite):
Објава← Назад кон архивата