Крушево домаќин на 19-то Европско првенство во змејарство
Станува збор за 19-то Европско првенство во змејарство класа 1 (Hanggliding) и 5-то Светско Првенство во змејарство класа 5 (Rigid wings), за чија организација Федерацијата доби зелено светло токму од Комисијата за слободно летање (CIVL) која е дел од Интернационалната Воздухопловна федерација (FAI).
По успешно реализираните предевропски натпревари во змејарство и параглајдерство кои се одржаа во Пелагонискиот Регион, летото 2015та година, Македонија ова лето ќе биде домаќин на змејарската елита од Европа и светот. Во периодот од 16-ти до 30ти јули 2016 година, небото над Крушево, Прилеп и Кривогаштани ќе биде арена за овие две значајни првенства во слободно летање. А, вие ќе имате можност да уживате во убавините на природата и да ги следите трките на најдобрите пилоти во оваа дисциплина на слободно летање.
Натпреварите ќе се одржуваат над целиот пелагониски регион, а стартните точки ќе бидат поставени во Крушево, поточно од Мечкин Камен. Благодарение на совршените услови кои ги нуди ова поднебје, пилотите во крос кантри дисциплината ќе имаат можност да прелетаат и по 200 километри во една трка. Имајќи ги предвид преубавите природни пејсажи на регионот и поволните услови за летање, учесниците во првенството ги очекува исклучително адреналинско искуство.
Овие две големи првенства ја ставаат Македонија на мапата на најпосакувани дестинации за спортистите и поддржувачите на слободно летање од Европа и ширум светот. Тоа претставува одлична можност за промоција на нашата земја не само како туристичка, туку и како дестинација со одлични услови за слободно летање, особено за вакви значајни шампионати. Но, и шанса Вие да излезете од здодевната рутина и да доживеете едно несекојдневно искуство.
krushevo domakjin na 19-to evropsko prvenstvo vo zmejarstvo stanuva zbor za 19-to evropsko prvenstvo vo zmejarstvo klasa 1 (hanggliding) i 5-to svetsko prvenstvo vo zmejarstvo klasa 5 (rigid wings), za chija organizacija federacijata dobi zeleno svetlo tokmu od komisijata za slobodno letanje (civl) koja e del od internacionalnata vozduhoplovna federacija (fai). po uspeshno realiziranite predevropski natprevari vo zmejarstvo i paraglajderstvo koi se odrzhaa vo pelagoniskiot region, letoto 2015ta godina, makedonija ova leto kje bide domakjin na zmejarskata elita od evropa i svetot. vo periodot od 16-ti do 30ti juli 2016 godina, neboto nad krushevo, prilep i krivogashtani kje bide arena za ovie dve znachajni prvenstva vo slobodno letanje. a, vie kje imate mozhnost da uzhivate vo ubavinite na prirodata i da gi sledite trkite na najdobrite piloti vo ovaa disciplina na slobodno letanje. natprevarite kje se odrzhuvaat nad celiot pelagoniski region, a startnite tochki kje bidat postaveni vo krushevo, potochno od mechkin kamen. blagodarenie na sovrshenite uslovi koi gi nudi ova podnebje, pilotite vo kros kantri disciplinata kje imaat mozhnost da preletaat i po 200 kilometri vo edna trka. imajkji gi predvid preubavite prirodni pejsazhi na regionot i povolnite uslovi za letanje, uchesnicite vo prvenstvoto gi ochekuva iskluchitelno adrenalinsko iskustvo. ovie dve golemi prvenstva ja stavaat makedonija na mapata na najposakuvani destinacii za sportistite i poddrzhuvachite na slobodno letanje od evropa i shirum svetot. toa pretstavuva odlichna mozhnost za promocija na nashata zemja ne samo kako turistichka, tuku i kako destinacija so odlichni uslovi za slobodno letanje, osobeno za vakvi znachajni shampionati. no, i shansa vie da izlezete od zdodevnata rutina i da dozhiveete edno nesekojdnevno iskustvo.