Друго
Став за Денот без автомобили


Скопје (поточно поширокиот центар на градот) е еднаш до неколку пати годишно (ненамерно) слободен од автомобили, при одржување на Скопскиот маратон, при одредени концерти или протести. Бенефитите за градот, за оние кои умеат да ги видат, во тие денови се очигледни! Намалена бука, намалено загадување, безбедни улици за точаци, за деца, за миленици…
Денот без автомобили (оној намерниот) треба да е прослава на здравиот транспорт на целиот град!
Макар на еден ден граѓаните да пробаат како е да се живее во град со помалку активни коли на улиците. Макар на ден градот треба да дише, а луѓето да се превезуваат пеш, на точак или со јавен превоз. Денот треба да ги поттикне граѓаните да замислат поинаква стварност.
За тоа да го обезбеди градот треба да затвори клучни градски сообраќајници за автомобилски сообраќај во текот на речиси целиот ден (или барем поголем број саати). А за ваквиот потег да не наиде на негодување од страна на граѓаните, треба сите граѓани добро и навремено да се информирани за значењето на денот, неговите цели и активностите кои ги презема градот. Покрај добрата информираност за активностите кои ќе се случуваат во текот на самиот ден (улиците ослободени од коли често стануваат простор за најразлични активности организирани од градот или самоорганизирани од граѓаните), за граѓаните да дадат поддршка на еден ваков ден , важно е да бидат убедени дека градот се движи во вистинска насока на одржливост со транспортните политики. Поточно, реалната промена (во инфраструктурата) и симболичната (преку ваквите настани) мора паралелно да се случуваат.
Во Скопје Денот без автомобили се слави од 2002 година, а сè уште постојат граѓани кои не знаат што е тоа Ден без автомобили или пак на денот на самото случување негодуваат и им свират на велосипедистите поради едночасовното затворање на улици за велосипедската парада. Сметаме дека граѓаните не се доволно запознати со значењето на овој ден, но исто така и дека не се посветува доволно внимание на денот од страна на градските власти. Доколку вистински се истретира и испромовира, сигурни сме дека ќе наиде на поголема поддршка. Очекуваме во 2016-та или барем во 2017-та да го доживееме првиот вистински Ден без автомобили во Скопје. Некои градови ваков ден организираат еднаш годишно, некои секој месец, некои секој викенд… Ние сметаме дека за почеток Скопје може 1 ден од 365 без коли!
За таа цел упативме допис до надлежните од Град Скопје кој како документ го има на линкот, а како текст во продолжение:
——————————
До: Град Скопје
Почитувани,
Во пресрет на овогодинешниот настан Mobility Week кој ќе се одржи од 16-22 Септември 2016 би сакале да го споделиме нашиот став и барање. Сметаме дека дискусијата и анализата на проблемите во врска со урбаниот велосипедизам во Македонија се од особена важност, но време e да се преземе конкретна активност.
Скопје учествуваше на овој настан за прв пат во 2002 и организира велосипедска парада години со ред, за жал без значителни резултати. И после толку години голем дел од населението не е добро информирано за одржувањето и значењето на Денот без автомобили, не е изградена свест и поддршка, можеби баш поради краткото траење на настанот (парада од 1-2 часа), недоволната промоција и сведувањето на Денот без автомобили на велосипедска парада со автомобили. Сметаме дека после 14 години учество на Скопје во Европската недела на мобилност, време е за вистински Ден без автомобили.
По примерот на Љубљана, Лисабон, Лондон и Копенхаген од минатогодишниот Mobility Week, бараме да се одржи Car – Free Day (Ден без автомобили) и во Скопјe. Денот без автомобили подразбира забрана за движење на автомобили во поголем дел од денот на клучни сообраќајници. Toj треба да биде промовиран како прослава на здравиот транспорт на целиот град и треба да бидат повикани сите граѓани да се приклучат со изборот на транспорт (пешачење, возење велосипед, јавен превоз) во текот на целиот ден, а не само стотици учесници на едночасовна парада после која автомобилите повторно царуваат низ цел град.
Улиците се јавни простори кои не постојат само за да бидат употребувани од автомобили. „Денот без автомобили” ќе им дозволи на граѓаните да видат нова страна од својот град, а локалните власти ќе ја охрабрат употребата на одржливи модели на транспорт. Исто така, ќе ја подигнат свеста за влијанието кое изборот на транспорт го има на околината. Тој ден улиците ќе дишат.
На „Денот без автомобили” треба да му претходи внимателно планирање и организирање, од логистички аспект, но пред сè и информирање на граѓаните што е можно порано за одржувањето и за причините на овој настан. Доколку ја прифатите оваа идеја, НаТочак ќе помогне во промоција на овој настан, мобилизирање на учесници и едуцирање на граѓаните преку медиумите со кои располагаме.
Со почит,
НаТочак
stav za denot bez avtomobili skopje (potochno poshirokiot centar na gradot) e ednash do nekolku pati godishno (nenamerno) sloboden od avtomobili, pri odrzhuvanje na skopskiot maraton, pri odredeni koncerti ili protesti. benefitite za gradot, za onie koi umeat da gi vidat, vo tie denovi se ochigledni! namalena buka, namaleno zagaduvanje, bezbedni ulici za tochaci, za deca, za milenici… denot bez avtomobili (onoj namerniot) treba da e proslava na zdraviot transport na celiot grad! makar na eden den gragjanite da probaat kako e da se zhivee vo grad so pomalku aktivni koli na ulicite. makar na den gradot treba da dishe, a lugjeto da se prevezuvaat pesh, na tochak ili so javen prevoz. denot treba da gi pottikne gragjanite da zamislat poinakva stvarnost. za toa da go obezbedi gradot treba da zatvori kluchni gradski soobrakjajnici za avtomobilski soobrakjaj vo tekot na rechisi celiot den (ili barem pogolem broj saati). a za vakviot poteg da ne naide na negoduvanje od strana na gragjanite, treba site gragjani dobro i navremeno da se informirani za znachenjeto na denot, negovite celi i aktivnostite koi gi prezema gradot. pokraj dobrata informiranost za aktivnostite koi kje se sluchuvaat vo tekot na samiot den (ulicite oslobodeni od koli chesto stanuvaat prostor za najrazlichni aktivnosti organizirani od gradot ili samoorganizirani od gragjanite), za gragjanite da dadat poddrshka na eden vakov den , vazhno e da bidat ubedeni deka gradot se dvizhi vo vistinska nasoka na odrzhlivost so transportnite politiki. potochno, realnata promena (vo infrastrukturata) i simbolichnata (preku vakvite nastani) mora paralelno da se sluchuvaat. vo skopje denot bez avtomobili se slavi od 2002 godina, a sè ushte postojat gragjani koi ne znaat shto e toa den bez avtomobili ili pak na denot na samoto sluchuvanje negoduvaat i im svirat na velosipedistite poradi ednochasovnoto zatvoranje na ulici za velosipedskata parada. smetame deka gragjanite ne se dovolno zapoznati so znachenjeto na ovoj den, no isto taka i deka ne se posvetuva dovolno vnimanie na denot od strana na gradskite vlasti. dokolku vistinski se istretira i ispromovira, sigurni sme deka kje naide na pogolema poddrshka. ochekuvame vo 2016-ta ili barem vo 2017-ta da go dozhiveeme prviot vistinski den bez avtomobili vo skopje. nekoi gradovi vakov den organiziraat ednash godishno, nekoi sekoj mesec, nekoi sekoj vikend… nie smetame deka za pochetok skopje mozhe 1 den od 365 bez koli! za taa cel upativme dopis do nadlezhnite od grad skopje koj kako dokument go ima na linkot , a kako tekst vo prodolzhenie: —————————— do: grad skopje pochituvani, vo presret na ovogodineshniot nastan mobility week koj kje se odrzhi od 16-22 septemvri 2016 bi sakale da go spodelime nashiot stav i baranje. smetame deka diskusijata i analizata na problemite vo vrska so urbaniot velosipedizam vo makedonija se od osobena vazhnost, no vreme e da se prezeme konkretna aktivnost. skopje uchestvuvashe na ovoj nastan za prv pat vo 2002 i organizira velosipedska parada godini so red, za zhal bez znachitelni rezultati. i posle tolku godini golem del od naselenieto ne e dobro informirano za odrzhuvanjeto i znachenjeto na denot bez avtomobili, ne e izgradena svest i poddrshka, mozhebi bash poradi kratkoto traenje na nastanot (parada od 1-2 chasa), nedovolnata promocija i sveduvanjeto na denot bez avtomobili na velosipedska parada so avtomobili. smetame deka posle 14 godini uchestvo na skopje vo evropskata nedela na mobilnost, vreme e za vistinski den bez avtomobili. po primerot na ljubljana, lisabon, london i kopenhagen od minatogodishniot mobility week, barame da se odrzhi car – free day (den bez avtomobili) i vo skopje. denot bez avtomobili podrazbira zabrana za dvizhenje na avtomobili vo pogolem del od denot na kluchni soobrakjajnici. toj treba da bide promoviran kako proslava na zdraviot transport na celiot grad i treba da bidat povikani site gragjani da se prikluchat so izborot na transport (peshachenje, vozenje velosiped, javen prevoz) vo tekot na celiot den, a ne samo stotici uchesnici na ednochasovna parada posle koja avtomobilite povtorno caruvaat niz cel grad. ulicite se javni prostori koi ne postojat samo za da bidat upotrebuvani od avtomobili. „denot bez avtomobili” kje im dozvoli na gragjanite da vidat nova strana od svojot grad, a lokalnite vlasti kje ja ohrabrat upotrebata na odrzhlivi modeli na transport. isto taka, kje ja podignat svesta za vlijanieto koe izborot na transport go ima na okolinata. toj den ulicite kje dishat. na „denot bez avtomobili” treba da mu prethodi vnimatelno planiranje i organiziranje, od logistichki aspekt, no pred sè i informiranje na gragjanite shto e mozhno porano za odrzhuvanjeto i za prichinite na ovoj nastan. dokolku ja prifatite ovaa ideja, natochak kje pomogne vo promocija na ovoj nastan, mobiliziranje na uchesnici i educiranje na gragjanite preku mediumite so koi raspolagame. so pochit, natochak
Објава← Назад кон архивата