Друго
Беа Џонсон во Скопје: Како до една тегла ѓубре годишно?


Осмислен како прва во низата активности коишто ќе имаат за цел да го доближат концептот „нула отпад” до просечниот македонски потрошувач и да охрабрат негова практична примена во овдешниот контекст, настанот е составен од две предавања кои ќе ги одржи Беа Џонсон, една од најгласните поборнички за ослободување од стегите на консумеризмот и за (по)едноставно живеење.
Оваа Французинка која живее во Калифорнија, денес ја сметаат за вистинско гуру за нула отпад! Има и зошто – од 2008 година наваму, таа успева, заедно со своето семејство, да произведе само една тегла ѓубре годишно! Преку својот веб-сајт и исклучително продаваната книга „Дом без ѓубре” (Zero Waste Home), која досега е преведена на 14 јазици, таа отпочна глобално движење и неуморно ги инспирира луѓето низ светот да му се спротивстават на непотребниот отпад и така да живеат (по)едноставно.
Нејзиното начело гласи „речи не, редуцирај, реупотреби, рециклирај, компостирај, и тоа само по тој редослед”. Ги поткопува предрасудите, покажувајќи преку сопствениот пример дека живеењето без отпад не само што (може да бид)е живеење со стил, туку и носи значајни здравствени придобивки, како и заштеда во време и пари. За живеењето во духот на „нула отпад” зборувала во бројни телевизиски емисии, како и на универзитети, корпоративни и TEDx настани и конференции низ целиот свет, вклучувајќи ги Гугл, Епл, Европскиот парламент и ООН.

Нејзиното гостување во Македонија е во рамки на нејзината европска турнеја која се надоврзува на досегашните пет, односно на низата од над 150 говори во повеќе од 20 земји на пет континенти. Кај нас, таа ќе одржи две бесплатни предавања и тоа, на Универзитетот Американ Колеџ – Скопје во 16.00 часот и во „Јавна соба” во 19.00 часот. Поради ограничениот број на места, пријавувањето е задолжително преку веб-сајтот http://odnuladonula.mk
Предводена од „Од нула до нула”, организацијата на настанот ја помогнаа Друштвото за управување со отпад од пакување „Пакомак”, Асоцијацијата за развој на нови опции – АРНО, Здружението за креативно талкање „Самоник” и креативниот колектив „Ококори”. Неопходната финансиска поддршка засега ја обезбедија колективниот постапувач со отпадни батерии, акумулатори, електричен и електронски отпад „Нула Отпад доо – Скопје”, првата овластена и лиценцирана компанија за собирање, транспортирање, складирање, третман и филтрирање на отпадните масла и масти за јадење од растително потекло „Суниленс” и колективниот постапувач со електричен и електронски отпад „Екон Електрон”.
Прифатен од сè повеќе луѓе како филозофија на живеење, концептот „нула отпад” му пркоси на систематизираниот процес на произведување, консумирање и фрлање кој вртоглаво брзо ја задоволува и уште повеќе разгорува човечката ненаситност на сметка на човечкото достоинство, природните ресурси и животната средина. Живеењето со една тегла ѓубре годишно се чини како идеално решение за сеприсутното ѓубре кај нас, со чие намалување сигурно би се намалиле аларматното загадување на почвите, водите и воздухот и исклучително високите стапки на малигни и респираторни заболувања.
Токму затоа, неформалната група на граѓан(к)и „Од нула до нула” тргнува од нула за да стигне до нула отпад и заедно со партнерите да ја подигне свеста за отпадот како голем фактор на загадување и за улогата на поединецот во подобрувањето на квалитетот на животот и на животната средина.
bea djonson vo skopje: kako do edna tegla gjubre godishno? osmislen kako prva vo nizata aktivnosti koishto kje imaat za cel da go doblizhat konceptot „nula otpad” do prosechniot makedonski potroshuvach i da ohrabrat negova praktichna primena vo ovdeshniot kontekst, nastanot e sostaven od dve predavanja koi kje gi odrzhi bea djonson, edna od najglasnite pobornichki za osloboduvanje od stegite na konsumerizmot i za (po)ednostavno zhiveenje. ovaa francuzinka koja zhivee vo kalifornija, denes ja smetaat za vistinsko guru za nula otpad! ima i zoshto – od 2008 godina navamu, taa uspeva, zaedno so svoeto semejstvo, da proizvede samo edna tegla gjubre godishno! preku svojot veb-sajt i iskluchitelno prodavanata kniga „dom bez gjubre” (zero waste home), koja dosega e prevedena na 14 jazici, taa otpochna globalno dvizhenje i neumorno gi inspirira lugjeto niz svetot da mu se sprotivstavat na nepotrebniot otpad i taka da zhiveat (po)ednostavno. nejzinoto nachelo glasi „rechi ne, reduciraj, reupotrebi, recikliraj, kompostiraj, i toa samo po toj redosled”. gi potkopuva predrasudite, pokazhuvajkji preku sopstveniot primer deka zhiveenjeto bez otpad ne samo shto (mozhe da bid)e zhiveenje so stil, tuku i nosi znachajni zdravstveni pridobivki, kako i zashteda vo vreme i pari. za zhiveenjeto vo duhot na „nula otpad” zboruvala vo brojni televiziski emisii, kako i na univerziteti, korporativni i tedx nastani i konferencii niz celiot svet, vkluchuvajkji gi gugl, epl, evropskiot parlament i oon. nejzinoto gostuvanje vo makedonija e vo ramki na nejzinata evropska turneja koja se nadovrzuva na dosegashnite pet, odnosno na nizata od nad 150 govori vo povekje od 20 zemji na pet kontinenti. kaj nas, taa kje odrzhi dve besplatni predavanja i toa, na univerzitetot amerikan koledj – skopje vo 16.00 chasot i vo „javna soba” vo 19.00 chasot. poradi ogranicheniot broj na mesta, prijavuvanjeto e zadolzhitelno preku veb-sajtot http://odnuladonula.mk predvodena od „od nula do nula”, organizacijata na nastanot ja pomognaa drushtvoto za upravuvanje so otpad od pakuvanje „pakomak”, asocijacijata za razvoj na novi opcii – arno, zdruzhenieto za kreativno talkanje „samonik” i kreativniot kolektiv „okokori”. neophodnata finansiska poddrshka zasega ja obezbedija kolektivniot postapuvach so otpadni baterii, akumulatori, elektrichen i elektronski otpad „nula otpad doo – skopje”, prvata ovlastena i licencirana kompanija za sobiranje, transportiranje, skladiranje, tretman i filtriranje na otpadnite masla i masti za jadenje od rastitelno poteklo „sunilens” i kolektivniot postapuvach so elektrichen i elektronski otpad „ekon elektron”. prifaten od sè povekje lugje kako filozofija na zhiveenje, konceptot „nula otpad” mu prkosi na sistematiziraniot proces na proizveduvanje, konsumiranje i frlanje koj vrtoglavo brzo ja zadovoluva i ushte povekje razgoruva chovechkata nenasitnost na smetka na chovechkoto dostoinstvo, prirodnite resursi i zhivotnata sredina. zhiveenjeto so edna tegla gjubre godishno se chini kako idealno reshenie za seprisutnoto gjubre kaj nas, so chie namaluvanje sigurno bi se namalile alarmatnoto zagaduvanje na pochvite, vodite i vozduhot i iskluchitelno visokite stapki na maligni i respiratorni zaboluvanja. tokmu zatoa, neformalnata grupa na gragjan(k)i „od nula do nula” trgnuva od nula za da stigne do nula otpad i zaedno so partnerite da ja podigne svesta za otpadot kako golem faktor na zagaduvanje i za ulogata na poedinecot vo podobruvanjeto na kvalitetot na zhivotot i na zhivotnata sredina.
Објава← Назад кон архивата