Вести
Херои!


Претходниве 5 дена стекнав 25 необични пријатели од Израел, секој од нив со желба многу посилна од телото. Третина од нив беа слепи и рака под рака со останатите се искачија на врвови над 2.000м низ трите наши национални паркови.
Поминавме повеќе од 50км по Македонските планини и во 3 последователни дена по сонце и дожд ги искачивме Меденица (2.163м), Магаро (2.255м), а по бескрајните камени реки и Пелистер (2.601м). Само на Пелистер искачивме 1.300м висинска разлика и пешачевме 12 часа. Гледаш и не им веруваш на своите очи, а си сведок дека овие луѓе не гледаа, а веруваа!

Пред да тргнам колегите ме прашаа “а зошто воопшто одат кога неможат да видат ништо од врвот?”. Одговорот не ми беше конкретен но длабоко во себе знаев дека мора да имаат добра причина. Сега ми е се многу појасно. Ние гледаме и поради предрасудите не веруваме, а овие луѓе не гледаат но имаат силна верба.
Под секој врв им ја подигнувавме главата да го замислат барем аголот на патеката пред нив. Би сакала да можам да им ги позајмам очиве да видат каде успеаа да се искачат. Да планинариш со вакво друштво е неповторлино доживување и во ниеден момент немаш право да се пожалиш бидејќи од старт си во предност. Секој од нас имаше свој врв, внатрешна борба, но и задоволство на крајот од денот, а моето задоволство беше да ги видам нивните солзи радосници. Турата беше специјална во полна смисла на зборот. Секој ден полн со куп емоции, а планината ни помогна сите да се вратиме како подобри луѓе. Оние кои беа слепи поради еднаквиот третман и можноста да бидат дел од тимот, а другите затоа што доброто што го правиш се враќа многукратно.

По патот, убавина која дури и слепите ја гледаат. Бескрајни комбинации од мириси, звуци и изненадувања. До сега во Македонија не е направена ваква тура но верувавме и го прифативме предизвикот. Идејата на креаторите на оваа тура, Александар од Ride Macedonia и Yoram Hen, израелскиот авантуристички гуру, беше да создадат уникатно доживување во кое ќе бидат вклучени сите сетила. Така и беше…
Среќна сум што имав можност да бидам дел од личните приказни и да научам за нивните секојдневни предизвици. Ги споделивме сликите, научив дека постои фејсбук верзија за слепи и останавме во контакт за да ги споделиме следните предизвици.
Пријатели мои, да можев, би Ви ги дала очиве барем на момент за да видите што успеавте да постигнете!

heroi! prethodnive 5 dena steknav 25 neobichni prijateli od izrael, sekoj od niv so zhelba mnogu posilna od teloto. tretina od niv bea slepi i raka pod raka so ostanatite se iskachija na vrvovi nad 2.000m niz trite nashi nacionalni parkovi. pominavme povekje od 50km po makedonskite planini i vo 3 posledovatelni dena po sonce i dozhd gi iskachivme medenica (2.163m), magaro (2.255m), a po beskrajnite kameni reki i pelister (2.601m). samo na pelister iskachivme 1.300m visinska razlika i peshachevme 12 chasa. gledash i ne im veruvash na svoite ochi, a si svedok deka ovie lugje ne gledaa, a veruvaa! pred da trgnam kolegite me prashaa “a zoshto voopshto odat koga nemozhat da vidat nishto od vrvot?”. odgovorot ne mi beshe konkreten no dlaboko vo sebe znaev deka mora da imaat dobra prichina. sega mi e se mnogu pojasno. nie gledame i poradi predrasudite ne veruvame, a ovie lugje ne gledaat no imaat silna verba. pod sekoj vrv im ja podignuvavme glavata da go zamislat barem agolot na patekata pred niv. bi sakala da mozham da im gi pozajmam ochive da vidat kade uspeaa da se iskachat. da planinarish so vakvo drushtvo e nepovtorlino dozhivuvanje i vo nieden moment nemash pravo da se pozhalish bidejkji od start si vo prednost. sekoj od nas imashe svoj vrv, vnatreshna borba, no i zadovolstvo na krajot od denot, a moeto zadovolstvo beshe da gi vidam nivnite solzi radosnici. turata beshe specijalna vo polna smisla na zborot. sekoj den poln so kup emocii, a planinata ni pomogna site da se vratime kako podobri lugje. onie koi bea slepi poradi ednakviot tretman i mozhnosta da bidat del od timot, a drugite zatoa shto dobroto shto go pravish se vrakja mnogukratno. po patot, ubavina koja duri i slepite ja gledaat. beskrajni kombinacii od mirisi, zvuci i iznenaduvanja. do sega vo makedonija ne e napravena vakva tura no veruvavme i go prifativme predizvikot. idejata na kreatorite na ovaa tura, aleksandar od ride macedonia i yoram hen, izraelskiot avanturistichki guru, beshe da sozdadat unikatno dozhivuvanje vo koe kje bidat vklucheni site setila. taka i beshe… srekjna sum shto imav mozhnost da bidam del od lichnite prikazni i da naucham za nivnite sekojdnevni predizvici. gi spodelivme slikite, nauchiv deka postoi fejsbuk verzija za slepi i ostanavme vo kontakt za da gi spodelime slednite predizvici. prijateli moi, da mozhev, bi vi gi dala ochive barem na moment za da vidite shto uspeavte da postignete!
Објава← Назад кон архивата