Пиколино
Како да ја разбудите и негувате креативноста на вашето дете?


Креативноста не е наследна карактеристика и не е талент кој само некои деца го поседуваат. Секое дете може да биде креативно доколку родителите вложуваат труд и создаваат услови за тоа да ја користи својата имагинација.
Преку следниве совети ќе му помогнете на вашето дете да ја развие својата креативност:
1. Забавувајте се со игра „боја на денот”. Изберете боја на денот, на пример црвена. Сè што ќе правите тој ден, препорачливо е да ја вклучува оваа боја.
2. Максимално одглумете улога. Независно oд улогата, адаптирајте го и гласот на својата улога и искористете реквизити кои ви се при рака. На овој начин ќе го поттикнете и вашето дете да го направи истото. Децата од претшколска возраст кои минуваат повеќе време глумејќи различни улоги се покреативни.
3. На детските прашања одговарајте со прашања. Децата по природа се љубопитни и поставуваат илјадници прашања. Нема ништо лошо веднаш да му го дадете точниот одговор, но на ваков начин со поставување прашање на прашање ќе го охрабрите да даде свое видување за непознатиот збор.
4. Поттикнете го да ги користи петте сетила. Заврзете му ги очите на вашето дете и побарајте преку допир да погоди каков предмет сте ставиле пред него. Или пак, поставете му предизвик да погоди каква храна сте ставиле во неговата уста додека му се врзани очите и затнат носот. Додека сте на прошетка, прашувајте го какви ароми се чувствуваат во воздухот околу вас.
5. Поставувајте му „отворени” прашања. Отворените прашања кои немаат стандарден одговор го поттикнуваат детето да размислува надвор од кутијата и да ја вежба својата креативност за да смисли соодветен одговор.
6. Кога детето ќе ви рече „Види што нацртав/направив”, покажете интерес. Покажувајте интерес и со ентузијазам прашувајте го за инспирацијата и процесот на творење. Кога детето ќе почувствува дека неговата уметност е ценета, тоа со задоволство ќе продолжи да ја развива.
7. Подржете го и ако направи грешка. Грешките се составен дел од процесот на учење, но многу деца се плашат од нив, бидејќи често се проследени со исмејување. А стравот е голем непријател на креативноста. Децата кои се плашат од грешки, не размислуваат креативно. Не дозволувајте вашето дете да се разочарува. Кога ќе погреши нешто, дајте му можност да си ја поправи грешката или помогнете му да извлече поука. Истражувањата покажуваат дека повеќе учиме кога грешиме отколку кога нашите напори завршуваат со успех.
8. Зголемете му ја самодовербата и самопочита. Самоуверените деца полесно се изразуваат. Кога детето се почитува себеси, се гордее со своите размислувања и не ги крие во себе.
9. Посетувајте театарски претстави, галерии, фестивали… Културните настани ги мотивираат децата да ги истражуваат своите таленти и да ги развиваат своите способности.
10. Ограничете го времето поминато пред ТВ или компјутер. Во денешно време невозможно е целосно да го држите детето подалеку од екраните. Но, ваша задача е да го ограничите времето поминато на компјутер или пред телевизор. Предлагајте им на децата други активности со кои ќе си го пополнуваат слободното време – разгледување сликовници, читање, боење, создавање фигури од пластелин, виткање оригами и слично.
11. Дозволете му само да донесува одлуки. Поттикнете го детето самото да ја избере облеката, самото да одлучи што ќе јаде за вечера или кои предмети ќе ги вклучи во својата игра. Ако е поголемо, можете да му дозволите самото да ја декорира својата соба, или барем дел од неа.
12. Мотивирајте го да измислува приказни. Побарајте од вашето дете да измислува приказни или да довршува бајки кои вие ќе ги започнете. Така ќе си ја развива креативноста на забавен начин, а резултатот честопати ќе биде хумористичен и ќе ви измамува насмевки.
Поттикнувајте ја љубопитноста на вашите деца, зголемувајте ја нивната самодоверба, покажувајте ентузијазам и охрабрувајте ги да ја изразуваат креативноста.
Бреинобреин Европа
www.brainobrain.com.mk
kako da ja razbudite i neguvate kreativnosta na vasheto dete? kreativnosta ne e nasledna karakteristika i ne e talent koj samo nekoi deca go poseduvaat. sekoe dete mozhe da bide kreativno dokolku roditelite vlozhuvaat trud i sozdavaat uslovi za toa da ja koristi svojata imaginacija. preku slednive soveti kje mu pomognete na vasheto dete da ja razvie svojata kreativnost: 1. zabavuvajte se so igra „boja na denot”. izberete boja na denot, na primer crvena. sè shto kje pravite toj den, preporachlivo e da ja vkluchuva ovaa boja. 2. maksimalno odglumete uloga. nezavisno od ulogata, adaptirajte go i glasot na svojata uloga i iskoristete rekviziti koi vi se pri raka. na ovoj nachin kje go pottiknete i vasheto dete da go napravi istoto. decata od pretshkolska vozrast koi minuvaat povekje vreme glumejkji razlichni ulogi se pokreativni. 3. na detskite prashanja odgovarajte so prashanja. decata po priroda se ljubopitni i postavuvaat iljadnici prashanja. nema nishto losho vednash da mu go dadete tochniot odgovor, no na vakov nachin so postavuvanje prashanje na prashanje kje go ohrabrite da dade svoe viduvanje za nepoznatiot zbor. 4. pottiknete go da gi koristi pette setila. zavrzete mu gi ochite na vasheto dete i pobarajte preku dopir da pogodi kakov predmet ste stavile pred nego. ili pak, postavete mu predizvik da pogodi kakva hrana ste stavile vo negovata usta dodeka mu se vrzani ochite i zatnat nosot. dodeka ste na proshetka, prashuvajte go kakvi aromi se chuvstvuvaat vo vozduhot okolu vas. 5. postavuvajte mu „otvoreni” prashanja. otvorenite prashanja koi nemaat standarden odgovor go pottiknuvaat deteto da razmisluva nadvor od kutijata i da ja vezhba svojata kreativnost za da smisli soodveten odgovor. 6. koga deteto kje vi reche „vidi shto nacrtav/napraviv”, pokazhete interes. pokazhuvajte interes i so entuzijazam prashuvajte go za inspiracijata i procesot na tvorenje. koga deteto kje pochuvstvuva deka negovata umetnost e ceneta, toa so zadovolstvo kje prodolzhi da ja razviva. 7. podrzhete go i ako napravi greshka. greshkite se sostaven del od procesot na uchenje, no mnogu deca se plashat od niv, bidejkji chesto se prosledeni so ismejuvanje. a stravot e golem neprijatel na kreativnosta. decata koi se plashat od greshki, ne razmisluvaat kreativno. ne dozvoluvajte vasheto dete da se razocharuva. koga kje pogreshi neshto, dajte mu mozhnost da si ja popravi greshkata ili pomognete mu da izvleche pouka. istrazhuvanjata pokazhuvaat deka povekje uchime koga greshime otkolku koga nashite napori zavrshuvaat so uspeh. 8. zgolemete mu ja samodoverbata i samopochita. samouverenite deca polesno se izrazuvaat. koga deteto se pochituva sebesi, se gordee so svoite razmisluvanja i ne gi krie vo sebe. 9. posetuvajte teatarski pretstavi, galerii, festivali… kulturnite nastani gi motiviraat decata da gi istrazhuvaat svoite talenti i da gi razvivaat svoite sposobnosti. 10. ogranichete go vremeto pominato pred tv ili kompjuter. vo deneshno vreme nevozmozhno e celosno da go drzhite deteto podaleku od ekranite. no, vasha zadacha e da go ogranichite vremeto pominato na kompjuter ili pred televizor. predlagajte im na decata drugi aktivnosti so koi kje si go popolnuvaat slobodnoto vreme – razgleduvanje slikovnici, chitanje, boenje, sozdavanje figuri od plastelin, vitkanje origami i slichno. 11. dozvolete mu samo da donesuva odluki. pottiknete go deteto samoto da ja izbere oblekata, samoto da odluchi shto kje jade za vechera ili koi predmeti kje gi vkluchi vo svojata igra. ako e pogolemo, mozhete da mu dozvolite samoto da ja dekorira svojata soba, ili barem del od nea. 12. motivirajte go da izmisluva prikazni. pobarajte od vasheto dete da izmisluva prikazni ili da dovrshuva bajki koi vie kje gi zapochnete. taka kje si ja razviva kreativnosta na zabaven nachin, a rezultatot chestopati kje bide humoristichen i kje vi izmamuva nasmevki. pottiknuvajte ja ljubopitnosta na vashite deca, zgolemuvajte ja nivnata samodoverba, pokazhuvajte entuzijazam i ohrabruvajte gi da ja izrazuvaat kreativnosta. breinobrein evropa www.brainobrain.com.mk
Објава← Назад кон архивата