Вести
Поставено ново најдобро време на патеката Џон Мјур


Само неколку недели откако заврши на првата позиција во страшно добра конкуренција на 170-километарската Ултра Треил ду Мон Блан, Французинот Франсоа Деан проба да постави ново најдобро време за минување на доста подоглата планинска трансферзала наречена по борецот за заштита на природните богатства – поготово во САД – Џон Мјур.

Патеката Џон Мјур Треил претставува долга планинска трансферзала во планинскиот венец Сиера Невада близу Калифорнија. Истата е со должина од околу 350 километри и минува низ повеќе високи превои и врвови (над 3500 метри), а скоро во целост, таа се протега на надморска височина од над 2400 метри – главно сместена во длабока дивина.
Во нејзината должина од врвот Витни до националниот парк Јосемити таа искачува и спушта околу 14000 висински метри. Во нејзина поголема должина (околу 260 км), патеката претставува дел од 4600 километри долгата Пацифик Крест Треил – една од најдолгите трансферзали во светот.


Франсоа Деан овој викенд заедно со неговиот цел тим на логистика и пејсери (луѓе кои го придружуваат на одредени делници од патеката и го поставуваат темпото на движење) беше во обид да го подобри претходното најдобро време на Леор Пантилат од 2014 година кое изнесуваше 3 дена 7 часа и 36 минути.
31-годишниот Французин успеа да ја измине целата патека за 2 дена 19 часа и 26 минути, што е за околу 12 часа подобро од претходниот рекорд – резултат кој веројатно ќе поседи одреден период додека некој друг не го предизвика.
Овој септември и Дарси Писеу го постави и женското најдобро време на патеката кое изнесува 3 дена 7 часа и 57 минути.

postaveno novo najdobro vreme na patekata djon mjur samo nekolku nedeli otkako zavrshi na prvata pozicija vo strashno dobra konkurencija na 170-kilometarskata ultra treil du mon blan, francuzinot fransoa dean proba da postavi novo najdobro vreme za minuvanje na dosta podoglata planinska transferzala narechena po borecot za zashtita na prirodnite bogatstva – pogotovo vo sad – djon mjur. patekata djon mjur treil pretstavuva dolga planinska transferzala vo planinskiot venec siera nevada blizu kalifornija. istata e so dolzhina od okolu 350 kilometri i minuva niz povekje visoki prevoi i vrvovi (nad 3500 metri), a skoro vo celost, taa se protega na nadmorska visochina od nad 2400 metri – glavno smestena vo dlaboka divina. vo nejzinata dolzhina od vrvot vitni do nacionalniot park josemiti taa iskachuva i spushta okolu 14000 visinski metri. vo nejzina pogolema dolzhina (okolu 260 km), patekata pretstavuva del od 4600 kilometri dolgata pacifik krest treil – edna od najdolgite transferzali vo svetot. fransoa dean ovoj vikend zaedno so negoviot cel tim na logistika i pejseri (lugje koi go pridruzhuvaat na odredeni delnici od patekata i go postavuvaat tempoto na dvizhenje) beshe vo obid da go podobri prethodnoto najdobro vreme na leor pantilat od 2014 godina koe iznesuvashe 3 dena 7 chasa i 36 minuti. 31-godishniot francuzin uspea da ja izmine celata pateka za 2 dena 19 chasa i 26 minuti, shto e za okolu 12 chasa podobro od prethodniot rekord – rezultat koj verojatno kje posedi odreden period dodeka nekoj drug ne go predizvika. ovoj septemvri i darsi piseu go postavi i zhenskoto najdobro vreme na patekata koe iznesuva 3 dena 7 chasa i 57 minuti.
Објава← Назад кон архивата