Вести
Лина Ѓорческа: „Нема поубаво чувство од успехот за кој сами сте заслужни”


1. Oд мали нозе започнавте да тренирате тенис, но од каде желбата токму за овој спорт?
Со тенис почнав на шест години во Тетово. Брат ми е главниот виновник за тоа. Тој веќе подолг период тренираше тенис, па така, покрај него и јас почнав. Ги правев истите вежби што ги правеше и тој. Најпосле и јас почнав да одам на тренинзи.
2. Ми се чини дека релативно брзо почнавте да се искачувате на ВТА листата и достигнавте многу значајни резултати во спортската кариера. Дали се сложувате?
Па, искрено мислам дека може и побрзо да се направат значајни резултати и има доста такви примери, меѓутоа со оглед на тоа какви услови и помош имаме во Македонија, дефинитивно е доста брзо. Отсекогаш сум велела дека за сè во животот, не само за тенис, најдобро е постепено да се напредува – чекор по чекор. Доколку сме упорни во тоа што го правиме сè ќе си дојде на свое место.
3. Што значи за Вас „да се достигне плафонот”? Дали е тоа одлична позиција на ВТА листата или нешто далеку повисоко?
Еве вака кратко ќе ви кажам, ќе бидам скромна – сите сакаме да бидеме први во светот, но јас и со топ 50 на ВТА листата ќе бидам задоволна. Индивидуален спорт е, еден од најпопуларните и има премногу натпреварувачи кои имаат иста цел. Така што, јас и за досегашниот успех сум горда на себе и ви ветувам дека ќе има уште подобри резултати .
4. На кој начин тенисот го промени Вашиот живот?
Имам доста поразличен живот од моите врсници, исполнет со премногу патувања и запознавање различни луѓе од сите страни на светот. Бидејќи е индивидуален спорт, ме научи да бидам многу одговорна личност и да созреам многу порано. Точно дека секој ден сум на тренинзи и дека немам време и можност секојдневно да бидам по дискотеки, што нели е соодветно за девојки на моја возраст, но искрено и не ми е жал. Напротив – уживам во тоа што го правам.

5. Кој е Вашиот идол во македонскиот женски спорт? Или во светскиот?
Имам огромна почит за сите спортистки од Македонија. Знам како е да бидеш спортист кај нас и навистина сите ги почитувам. Од светски рамки, еве поточно од тенисот, ќе ја издвојам Серена Вилијамс која е легенда во нашиот спорт и е пример за тоа како треба да изгледа еден спортист на терен – секогаш борбена и покрај тоа што толку години е број еден.
. Колку и во што сметате дека македонскиот тенис се разликува или е сличен со тенисот што се игра надвор? По што се издвојуваат тенисер/-ките со поголем ранг на ВТА листата?
Нема некои разлики во начинот на игра, но во условите, популарноста и финансиите од државата, федерацијата… мислам дека сме многу години поназад од сите држави во светот, а и во регионот. Тенисерите на врвот на листата се издвојуваат со тоа што имаат, што би се рекло, „ветер во грб” поточно помош од институциите и од спонзори, константност на јаките турнири, а со самото тоа и огромно искуство .
7. Каде се гледате себеси за 5-10 години?
За пет години ќе бидам во најзрелите играчки години, со многу повеќе искуство и како што ви кажав, се гледам во топ 50 во светот. А за 10 години е многу рано, ќе треба повторно да ме прашате за некоја година.

8. На кој начин сметате дека придонесувате и во иднина ќе придонесувате за женскиот тенис и воопшто за спортот и спортските активности во нашата држава?
Мислам дека сум доста добар пример дека без никаква помош освен од семејството и со не баш добри услови успеав да бидам прв играч кој учествувал на сите гранд слам турнири. Оние што се занимаваат со спорт и што следат тенис, знаат колку е тешко да се дојде до гранд слам. Исто така мислам дека придонесувам и за популаризација на женскиот тенис во државата.
9. Што би им порачале на младинките и младинците кои сакаат да тренираат тенис?
Би им порачала на сите, па и на оние што не сакаат професионално да се занимаваат со тенис, да пробаат да играат затоа што пред сè е многу интересен спорт, а и доста здрав бидејќи се активираат сите можни мускули на телото. А секако ги охрабрувам и оние кои сакаат професионално да се занимаваат затоа што ќе го прошетаат целиот свет, ќе запознаат многу луѓе и секогаш ќе бидат во топ форма :)) На почетокот е секогаш тешко бидејќи сте сами на теренот, но кога ќе почнат да победуваат и да освојуваат турнири, а сами се заслужни за тоа, нема поубаво чувство .
10. Кој е Вашиот нареден подвиг?
Кратко и јасно: влез во главен турнир на Гренд слем
lina gjorcheska: „nema poubavo chuvstvo od uspehot za koj sami ste zasluzhni” 1. od mali noze zapochnavte da trenirate tenis, no od kade zhelbata tokmu za ovoj sport? so tenis pochnav na shest godini vo tetovo. brat mi e glavniot vinovnik za toa. toj vekje podolg period trenirashe tenis, pa taka, pokraj nego i jas pochnav. gi pravev istite vezhbi shto gi praveshe i toj. najposle i jas pochnav da odam na treninzi. 2. mi se chini deka relativno brzo pochnavte da se iskachuvate na vta listata i dostignavte mnogu znachajni rezultati vo sportskata kariera. dali se slozhuvate? pa, iskreno mislam deka mozhe i pobrzo da se napravat znachajni rezultati i ima dosta takvi primeri, megjutoa so ogled na toa kakvi uslovi i pomosh imame vo makedonija, definitivno e dosta brzo. otsekogash sum velela deka za sè vo zhivotot, ne samo za tenis, najdobro e postepeno da se napreduva – chekor po chekor. dokolku sme uporni vo toa shto go pravime sè kje si dojde na svoe mesto. 3. shto znachi za vas „da se dostigne plafonot”? dali e toa odlichna pozicija na vta listata ili neshto daleku povisoko? eve vaka kratko kje vi kazham, kje bidam skromna – site sakame da bideme prvi vo svetot, no jas i so top 50 na vta listata kje bidam zadovolna. individualen sport e, eden od najpopularnite i ima premnogu natprevaruvachi koi imaat ista cel. taka shto, jas i za dosegashniot uspeh sum gorda na sebe i vi vetuvam deka kje ima ushte podobri rezultati . 4. na koj nachin tenisot go promeni vashiot zhivot? imam dosta porazlichen zhivot od moite vrsnici, ispolnet so premnogu patuvanja i zapoznavanje razlichni lugje od site strani na svetot. bidejkji e individualen sport, me nauchi da bidam mnogu odgovorna lichnost i da sozream mnogu porano. tochno deka sekoj den sum na treninzi i deka nemam vreme i mozhnost sekojdnevno da bidam po diskoteki, shto neli e soodvetno za devojki na moja vozrast, no iskreno i ne mi e zhal. naprotiv – uzhivam vo toa shto go pravam. 5. koj e vashiot idol vo makedonskiot zhenski sport? ili vo svetskiot? imam ogromna pochit za site sportistki od makedonija. znam kako e da bidesh sportist kaj nas i navistina site gi pochituvam. od svetski ramki, eve potochno od tenisot, kje ja izdvojam serena vilijams koja e legenda vo nashiot sport i e primer za toa kako treba da izgleda eden sportist na teren – sekogash borbena i pokraj toa shto tolku godini e broj eden. . kolku i vo shto smetate deka makedonskiot tenis se razlikuva ili e slichen so tenisot shto se igra nadvor? po shto se izdvojuvaat teniser/-kite so pogolem rang na vta listata? nema nekoi razliki vo nachinot na igra, no vo uslovite, popularnosta i finansiite od drzhavata, federacijata… mislam deka sme mnogu godini ponazad od site drzhavi vo svetot, a i vo regionot. teniserite na vrvot na listata se izdvojuvaat so toa shto imaat, shto bi se reklo, „veter vo grb” potochno pomosh od instituciite i od sponzori, konstantnost na jakite turniri, a so samoto toa i ogromno iskustvo . 7. kade se gledate sebesi za 5-10 godini? za pet godini kje bidam vo najzrelite igrachki godini, so mnogu povekje iskustvo i kako shto vi kazhav, se gledam vo top 50 vo svetot. a za 10 godini e mnogu rano, kje treba povtorno da me prashate za nekoja godina. 8. na koj nachin smetate deka pridonesuvate i vo idnina kje pridonesuvate za zhenskiot tenis i voopshto za sportot i sportskite aktivnosti vo nashata drzhava? mislam deka sum dosta dobar primer deka bez nikakva pomosh osven od semejstvoto i so ne bash dobri uslovi uspeav da bidam prv igrach koj uchestvuval na site grand slam turniri. onie shto se zanimavaat so sport i shto sledat tenis, znaat kolku e teshko da se dojde do grand slam. isto taka mislam deka pridonesuvam i za popularizacija na zhenskiot tenis vo drzhavata. 9. shto bi im porachale na mladinkite i mladincite koi sakaat da treniraat tenis? bi im porachala na site, pa i na onie shto ne sakaat profesionalno da se zanimavaat so tenis, da probaat da igraat zatoa shto pred sè e mnogu interesen sport, a i dosta zdrav bidejkji se aktiviraat site mozhni muskuli na teloto. a sekako gi ohrabruvam i onie koi sakaat profesionalno da se zanimavaat zatoa shto kje go proshetaat celiot svet, kje zapoznaat mnogu lugje i sekogash kje bidat vo top forma :)) na pochetokot e sekogash teshko bidejkji ste sami na terenot, no koga kje pochnat da pobeduvaat i da osvojuvaat turniri, a sami se zasluzhni za toa, nema poubavo chuvstvo . 10. koj e vashiot nareden podvig? kratko i jasno: vlez vo glaven turnir na grend slem
Објава← Назад кон архивата