Флора-фауна
Можеби е подобро да си прилегнеш наместо да одиш на тренинг


Сме биле во ситуација кога ама ич не ви се станува од кревет за да одите на тренинг пред работа, или кога сте во дилема дали да дремнете насместо да одите на договорената сесија трчање на кеј. Иако тренингот и редовната физичка активност се основни за многу позитивни и благородни здравствени состојби, сепак, некогаш можеби е подобро да отспиете и одморите како што треба, наместо да се напнувате на тренинг. Го разработуваме делот на сон версус тренинг.
Факт е дека квалитетниот и адекватен сон и одмор на телото и умот претставува еден од клучните елементи за здравјето на човекот, па секое негово нарушување знае повеќестепено и негативно да влијае на нашиот организам.
Во многу наврати се потврдила конекцијата помеѓу пролонгираните сесии на лош сон со пад на имуниот систем и пореметување на хормоналниот баланс на телото, а мозокот заедно со целиот нервен систем несомено пати од овој недостаток. Сепак, да видиме како лошиот сон може да ви го саботира и тренингот и физичката активност?

Неефективни тренинзи и повреди
Поради тоа што преку сонот се остваруваат едни од најважните процеси на опоравување на мускулоскелетниот и нервен систем по напорни тренинзи и спортски активности, веднаш можеме да заклучиме дека ова несомнено ќе доведе до лоши и неефективни тренинзи отпосле.
Истотака, намалувањето на когнитивните способности на умот – вниманието, фокусот и времето на реакција при изведување на вежбите или тренингот станува уште поголемо откако сме недоволно одморени. Затоа отсуството на правилен сон и одмор на телото и умот индиректно може да доведе до повеќе повреди за време на тренинзите.
Доколку навистина сакате да останете здрави и фит, сонот и одморот е приоритет.
Помалку сон – поголем процент на масти во телото
Овде зборуваме за хормоните Грелин и Лептин кои го регулираат чуството на глад и ситост во телото. Грелин ни го зголемува апетитот, а Лептин се лачи кога телото има внесено храна и затоа имаме чуство на ситост. Слабиот сон го зголемува лачењето на Грелин, а го намалува нивото на Лептин па затоа сме многу повеќе стрвни и гладни откако имаме лош сон.
Ова е претставено и преку неколку истражувања. Испитаниците кои во просек спиеле по 6 часа на ден имале 27% поголеми шанси да бидат здебелени, а оние кои спиеле само 5 часа имале дури 75% поголеми шанси.
Слабиот сон си оди рака под рака со мрсниот бурек наутро
Според една студија од 2016 година, недостатокот на сон допринесува луѓето да консумираат повеќе калории во следниот ден. Резултатите покажале дека овие луѓе одбираат храна која е 9% покалорична отколку изборот што го прават кога се добро одморени, а истотака, недостатокот на сон се поврзува и со складирањето на масти и формирањето на масно ткиво околу појасот – депо место кое најтешко се отстранува.
Ова се поврзува со високите нивоа на хормонот кортизол кои се детектирани кај испитаниците.
Поради овие неколку причини, некои нутриционисти сметаат дека сонот е исто толку важен за здравјето на човекот, колку и тренинзите и физичката активност.
mozhebi e podobro da si prilegnesh namesto da odish na trening sme bile vo situacija koga ama ich ne vi se stanuva od krevet za da odite na trening pred rabota, ili koga ste vo dilema dali da dremnete nasmesto da odite na dogovorenata sesija trchanje na kej. iako treningot i redovnata fizichka aktivnost se osnovni za mnogu pozitivni i blagorodni zdravstveni sostojbi, sepak, nekogash mozhebi e podobro da otspiete i odmorite kako shto treba, namesto da se napnuvate na trening. go razrabotuvame delot na son versus trening. fakt e deka kvalitetniot i adekvaten son i odmor na teloto i umot pretstavuva eden od kluchnite elementi za zdravjeto na chovekot, pa sekoe negovo narushuvanje znae povekjestepeno i negativno da vlijae na nashiot organizam. vo mnogu navrati se potvrdila konekcijata pomegju prolongiranite sesii na losh son so pad na imuniot sistem i poremetuvanje na hormonalniot balans na teloto, a mozokot zaedno so celiot nerven sistem nesomeno pati od ovoj nedostatok. sepak, da vidime kako loshiot son mozhe da vi go sabotira i treningot i fizichkata aktivnost? neefektivni treninzi i povredi poradi toa shto preku sonot se ostvaruvaat edni od najvazhnite procesi na oporavuvanje na muskuloskeletniot i nerven sistem po naporni treninzi i sportski aktivnosti, vednash mozheme da zakluchime deka ova nesomneno kje dovede do loshi i neefektivni treninzi otposle. istotaka, namaluvanjeto na kognitivnite sposobnosti na umot – vnimanieto, fokusot i vremeto na reakcija pri izveduvanje na vezhbite ili treningot stanuva ushte pogolemo otkako sme nedovolno odmoreni. zatoa otsustvoto na pravilen son i odmor na teloto i umot indirektno mozhe da dovede do povekje povredi za vreme na treninzite. dokolku navistina sakate da ostanete zdravi i fit, sonot i odmorot e prioritet. pomalku son – pogolem procent na masti vo teloto ovde zboruvame za hormonite grelin i leptin koi go reguliraat chustvoto na glad i sitost vo teloto. grelin ni go zgolemuva apetitot, a leptin se lachi koga teloto ima vneseno hrana i zatoa imame chustvo na sitost. slabiot son go zgolemuva lachenjeto na grelin, a go namaluva nivoto na leptin pa zatoa sme mnogu povekje strvni i gladni otkako imame losh son. ova e pretstaveno i preku nekolku istrazhuvanja. ispitanicite koi vo prosek spiele po 6 chasa na den imale 27% pogolemi shansi da bidat zdebeleni, a onie koi spiele samo 5 chasa imale duri 75% pogolemi shansi. slabiot son si odi raka pod raka so mrsniot burek nautro spored edna studija od 2016 godina, nedostatokot na son doprinesuva lugjeto da konsumiraat povekje kalorii vo sledniot den. rezultatite pokazhale deka ovie lugje odbiraat hrana koja e 9% pokalorichna otkolku izborot shto go pravat koga se dobro odmoreni, a istotaka, nedostatokot na son se povrzuva i so skladiranjeto na masti i formiranjeto na masno tkivo okolu pojasot – depo mesto koe najteshko se otstranuva. ova se povrzuva so visokite nivoa na hormonot kortizol koi se detektirani kaj ispitanicite. poradi ovie nekolku prichini, nekoi nutricionisti smetaat deka sonot e isto tolku vazhen za zdravjeto na chovekot, kolku i treninzite i fizichkata aktivnost.
Објава← Назад кон архивата