Вести
Спортист со епилепсија


Епилепсијата е една од најзачестените болести или пореметувања во неврологијата која заради своите карактеристики претставува сериозен медицински и социјален проблем. Епилептичниот напад е видлив симптом и во зависност од тоа во кој дел од мозокот се јавува пореметувањето може да се манифестира со грчеви во мускулите, пореметување на допирот, мирисот, видот или слухот како и пореметување на свеста.
Презаштитеност, социјална изолација, депресија и страв кај лицата со епилепсија претставуваат пречка за водење активен живот.
Речиси секогаш постои загриженост дека учеството во спортска активност ќе испровоцира епилептичен напад или дека нападот за време на спортска активност ќе го зголеми ризикот од повреда. Сето ова води кон поголемо внимание кон ризиците од учеството во спортски активности за разлика од придобивките.
Придобивките од учеството во спортски активности за лицето со епилепсија се физички и психички. Од лично долгогодишно искуство со спорт и присуство на епилепсија во мојот живот, можам да заклучам дека спортот речиси секогаш е повод за пријатни искуства, пријателство, физичко здравје, социјална интеграција и психичка стабилност кои поволно влијаат кај лицата со епилепсија.

Но дали спортот е дозволен и кои се опасностите што ги носи, при таквата состојба, се дилеми што секој ги има. Околу забраната за спортување се зборува уште при првата посета на доктор, чија улога е да ги запознае лицата со епилепсија и нивните блиски со ризиците кои спортувањето може да ги донесе но и придобивките за кои што треба да се размисли.
Освен поединечните афинитети кон некој спорт, при одбирањето на правилната физичка активност во предвид треба да се земат повеќе фактори со што би се заштитиле себеси. Поради тоа што епилепсијата се манифестира кај секоја индивидуа различно, задолжително е да се размисли околу степенот на контрола на нападите, честотата на појавување на нападите, физичките можности и подготвеност, несаканите дејства од антиепилептиците кои се примаат во моментот и други фактори во околината кои би можеле да предизвикаат напад (пр.трепкачки светла).

Спортските активности исто така се групирани по висината на ризикот.
-Активности со висок ризик се генерално водени спортови и спортови кои се одвиваат на висока надморска височина. Дел од нив се: нуркање, параглајдерство, сурфање, гимнастика, качување по карпи, скијање на вода, бокс, ски скокови, планински велосипедизам и слично.
-Активности со умерен или мал ризик се сите оние кои се на отворено,во присуство на лица кои се запознаени со состојбата, во сала или игри со топка. Дел од нив се: пливање, борење, мечување, возење кајак, возење скејтборд, бадминтон, пинг-понг, балет, скијање, одбојка, сквош, куглање, кошарка, ракомет, атлетика, тенис, фитнес, аеробик, голф и многу други.
На многу важни личности од минатото и денес, им била дијагностицирана епилепсија. Како голема мотивација служи фактот дека постојат професионални спортисти кои ги оствариле своите соништа за олимписки медал, светска титула или поставување на историски рекорд без епилепсијата да претставува пречка за тоа.
За жал голем дел од лицата со епилепсија се откажуваат од спортските активности поради страв од напади, каде што епилепсијата повеќе претставува психолошка пречка одколку реална. Секој спорт има специфични опасности кои треба реално да се согледаат и испланираат соодветни заштитни мерки, во тој случај спортот би им овозможил на лицата со епилепсија подобро разбирање на своите тегоби а еднаквоста која спортот ја промовира би овозможил лицата со епилепсија да не заборават дека се нормални луѓе кои во другите аспекти на животот не се разликуваат од останатите.
Пишува: Марија Зисовска
sportist so epilepsija epilepsijata e edna od najzachestenite bolesti ili poremetuvanja vo nevrologijata koja zaradi svoite karakteristiki pretstavuva seriozen medicinski i socijalen problem. epileptichniot napad e vidliv simptom i vo zavisnost od toa vo koj del od mozokot se javuva poremetuvanjeto mozhe da se manifestira so grchevi vo muskulite, poremetuvanje na dopirot, mirisot, vidot ili sluhot kako i poremetuvanje na svesta. prezashtitenost, socijalna izolacija, depresija i strav kaj licata so epilepsija pretstavuvaat prechka za vodenje aktiven zhivot. rechisi sekogash postoi zagrizhenost deka uchestvoto vo sportska aktivnost kje isprovocira epileptichen napad ili deka napadot za vreme na sportska aktivnost kje go zgolemi rizikot od povreda. seto ova vodi kon pogolemo vnimanie kon rizicite od uchestvoto vo sportski aktivnosti za razlika od pridobivkite. pridobivkite od uchestvoto vo sportski aktivnosti za liceto so epilepsija se fizichki i psihichki. od lichno dolgogodishno iskustvo so sport i prisustvo na epilepsija vo mojot zhivot, mozham da zaklucham deka sportot rechisi sekogash e povod za prijatni iskustva, prijatelstvo, fizichko zdravje, socijalna integracija i psihichka stabilnost koi povolno vlijaat kaj licata so epilepsija. no dali sportot e dozvolen i koi se opasnostite shto gi nosi, pri takvata sostojba, se dilemi shto sekoj gi ima. okolu zabranata za sportuvanje se zboruva ushte pri prvata poseta na doktor, chija uloga e da gi zapoznae licata so epilepsija i nivnite bliski so rizicite koi sportuvanjeto mozhe da gi donese no i pridobivkite za koi shto treba da se razmisli. osven poedinechnite afiniteti kon nekoj sport, pri odbiranjeto na pravilnata fizichka aktivnost vo predvid treba da se zemat povekje faktori so shto bi se zashtitile sebesi. poradi toa shto epilepsijata se manifestira kaj sekoja individua razlichno, zadolzhitelno e da se razmisli okolu stepenot na kontrola na napadite, chestotata na pojavuvanje na napadite, fizichkite mozhnosti i podgotvenost, nesakanite dejstva od antiepilepticite koi se primaat vo momentot i drugi faktori vo okolinata koi bi mozhele da predizvikaat napad (pr.trepkachki svetla). sportskite aktivnosti isto taka se grupirani po visinata na rizikot. -aktivnosti so visok rizik se generalno vodeni sportovi i sportovi koi se odvivaat na visoka nadmorska visochina. del od niv se: nurkanje, paraglajderstvo, surfanje, gimnastika, kachuvanje po karpi, skijanje na voda, boks, ski skokovi, planinski velosipedizam i slichno. -aktivnosti so umeren ili mal rizik se site onie koi se na otvoreno,vo prisustvo na lica koi se zapoznaeni so sostojbata, vo sala ili igri so topka. del od niv se: plivanje, borenje, mechuvanje, vozenje kajak, vozenje skejtbord, badminton, ping-pong, balet, skijanje, odbojka, skvosh, kuglanje, kosharka, rakomet, atletika, tenis, fitnes, aerobik, golf i mnogu drugi. na mnogu vazhni lichnosti od minatoto i denes, im bila dijagnosticirana epilepsija. kako golema motivacija sluzhi faktot deka postojat profesionalni sportisti koi gi ostvarile svoite sonishta za olimpiski medal, svetska titula ili postavuvanje na istoriski rekord bez epilepsijata da pretstavuva prechka za toa. za zhal golem del od licata so epilepsija se otkazhuvaat od sportskite aktivnosti poradi strav od napadi, kade shto epilepsijata povekje pretstavuva psiholoshka prechka odkolku realna. sekoj sport ima specifichni opasnosti koi treba realno da se sogledaat i isplaniraat soodvetni zashtitni merki, vo toj sluchaj sportot bi im ovozmozhil na licata so epilepsija podobro razbiranje na svoite tegobi a ednakvosta koja sportot ja promovira bi ovozmozhil licata so epilepsija da ne zaboravat deka se normalni lugje koi vo drugite aspekti na zhivotot ne se razlikuvaat od ostanatite. pishuva: marija zisovska
Објава← Назад кон архивата