Вести
Прво издание на „Водно-Матка Треил Маратон” – Оние кои целат високо стигнуваат далеку


Првата трка на 40 километри и 2800 метри вкупно искачување стартуваше во 8 часот наутро од месноста „Полиција” во населбата Водно и на истата стартуваа 85 учесници од 11 држави кои имаа исклучително тежок предизвик. Патеката минуваше низ Средно Водно, Марково Крувче, врвот Крстовар, целиот гребен на Водно до врвот Кале (Кота), потоа следи спуштање до Матка, искачување до Св. Недела, Св. Никола Шишевски, Горно Нерези за да финишираат на врвот Крстовар во планинарскиот дом „Даре Џамбаз”.

Најбрзи на стазата во машка конкуренција беа Александар Стојкоски од Македонија со фантастично време од 4:47:53, втор беше Дејан Тодевски со време од 5:14:22, а трет заврши Александар Симјаноски со 5:33:43.
Во женска конкуренција прва беше Мери Мирческа со време од 6:26:57, втора финишираше Веселка Великова од Бугарија со 6:38:01, а трета беше Сања Најдовски со 6:43:08.
За маратонската трка предвидени беа 10 часа за финиширање, а во лимитот не успеаа да влезат единствено 4 учесници што го прави процентот на успешност голем со оглед на условите и тежината на патеката.
На полу маратонската дистанца стартуваа 226 учесници од 10 држави и истата трка имаше многу понеизвесен финиш. Најбрзи во машка конкуренција беа Александар Спасов од Бугарија за 2:13:28, со задоцнување од само 30 секунди беше нашиот Марјан Бонев со време од 2:14:07, а трет Александар Кирковски со време од 2:15:50.
Кај девојките прва беше Ирене ван Ас од Холандија со време од 3:10:14, втора беше нашата Ана Велкова 3:34:38, а на третото место заврши Дора Кузманова од Бугарија 3:37:06. На оваа трка финишираа 222 луѓе.

Иако временските прилики во деновите кои претходеа и за време на трката не беа сјајни, сепак тоа не претставуваше поголем проблем трката да се организира на професионално ниво и не ги спречи луѓето да се вклучат во една поинаква и интересна авантура, да се предизвикаат себеси, да бидат активни и да уживаат во прекрасната природа. На настанот, покрај организацискиот тим, беа ангажирани околу 50 волонтери, а 20-тина луѓе ја обезбедија трката од медицински и планинско-спасувачки аспект.
Идејата на организаторот е настанот да прерасне во еден од водечките спортски планински настани кои имаат за цел да ги шират позитивните етички и морални вредности кои треба да се почитуваат во планина како фер-плејот, солидарноста, почитта кон другите и природата и еднаквоста.





prvo izdanie na „vodno-matka treil maraton” – onie koi celat visoko stignuvaat daleku prvata trka na 40 kilometri i 2800 metri vkupno iskachuvanje startuvashe vo 8 chasot nautro od mesnosta „policija” vo naselbata vodno i na istata startuvaa 85 uchesnici od 11 drzhavi koi imaa iskluchitelno tezhok predizvik. patekata minuvashe niz sredno vodno, markovo kruvche, vrvot krstovar, celiot greben na vodno do vrvot kale (kota), potoa sledi spushtanje do matka, iskachuvanje do sv. nedela, sv. nikola shishevski, gorno nerezi za da finishiraat na vrvot krstovar vo planinarskiot dom „dare djambaz”. najbrzi na stazata vo mashka konkurencija bea aleksandar stojkoski od makedonija so fantastichno vreme od 4:47:53, vtor beshe dejan todevski so vreme od 5:14:22, a tret zavrshi aleksandar simjanoski so 5:33:43. vo zhenska konkurencija prva beshe meri mircheska so vreme od 6:26:57, vtora finishirashe veselka velikova od bugarija so 6:38:01, a treta beshe sanja najdovski so 6:43:08. za maratonskata trka predvideni bea 10 chasa za finishiranje, a vo limitot ne uspeaa da vlezat edinstveno 4 uchesnici shto go pravi procentot na uspeshnost golem so ogled na uslovite i tezhinata na patekata. na polu maratonskata distanca startuvaa 226 uchesnici od 10 drzhavi i istata trka imashe mnogu poneizvesen finish. najbrzi vo mashka konkurencija bea aleksandar spasov od bugarija za 2:13:28, so zadocnuvanje od samo 30 sekundi beshe nashiot marjan bonev so vreme od 2:14:07, a tret aleksandar kirkovski so vreme od 2:15:50. kaj devojkite prva beshe irene van as od holandija so vreme od 3:10:14, vtora beshe nashata ana velkova 3:34:38, a na tretoto mesto zavrshi dora kuzmanova od bugarija 3:37:06. na ovaa trka finishiraa 222 lugje. iako vremenskite priliki vo denovite koi prethodea i za vreme na trkata ne bea sjajni, sepak toa ne pretstavuvashe pogolem problem trkata da se organizira na profesionalno nivo i ne gi sprechi lugjeto da se vkluchat vo edna poinakva i interesna avantura, da se predizvikaat sebesi, da bidat aktivni i da uzhivaat vo prekrasnata priroda. na nastanot, pokraj organizaciskiot tim, bea angazhirani okolu 50 volonteri, a 20-tina lugje ja obezbedija trkata od medicinski i planinsko-spasuvachki aspekt. idejata na organizatorot e nastanot da prerasne vo eden od vodechkite sportski planinski nastani koi imaat za cel da gi shirat pozitivnite etichki i moralni vrednosti koi treba da se pochituvaat vo planina kako fer-plejot, solidarnosta, pochitta kon drugite i prirodata i ednakvosta.
Објава← Назад кон архивата