Флора-фауна
Респираторна физиотерапија при хронична обструктивна белодробна болест (ХОББ)


ХОББ се карактеризира со опструкција на респираторните патишта која не е потполно реверзибилна. Респираторната опструкција не се менува значајно и обично е долгорочно прогресивна состојба. Болеста најчесто е предизвикана од пушење на цигари но истотака влијаат и други фактори, како што е професионалната изложеност на токсични гасови и испарувања.
Оваа болест се јавува кај 34 случаи на 1000 и вообичаено кај лица над 65-годишна возраст. Во моментов ХОББ е четврта водечка болест по смртност на светско ниво , но се смета дека до 2020 година ќе го заземе првото место според светската здравствена организација.
Во научни студии во повеќе земји е утврдено дека луѓето што живееат во големите градови почесто заболуваат од ХОББ, во споредба со руралните средини. Еден од главните симптоми кај пациентите со ХОББ е кашлицата, која всушност е одбранбен механизам на дишните патишта, кој ги штити од несаканите инхалирани честички, како и значаен метод на чистење на продуцираниот слуз во нив. Кашлицата кај пациентите со ХОББ често се јавува во утринските часови. Другиот главен симптом е диспнеата (краток здив), кој се смета за најсигнификантен знак на оваа болест.

Пациентите со напредната форма на ХОББ често развиваат респираторна слабост која се манифестира со појава на цијаноза на слузниците и кожата, како резултат на недостаток на кислород во крвта. Вишокот на јаглеродниот диоксид во крвта причинува главоболка, сонливост или грчеви. Како компликација на напредната ХОББ се и промените на срцето познати како хронично белодробно срце кои се резултат на неговата зголемената работа т.е поради поголемиот напор за да ја уфрли крвта во болнопроменетите патишта на бели дробови.
Златен стандард за дијагностицирање на ХОББ е спирометријата со која се потврдува евентуалното присуство на опструкција на воздушните патишта, но истотака во поставувањето на дијагнозата учествува и клиничката проценка, базирана на комбинација од историјата на пациентот, и физикалниот преглед.
ХОББ продуцира симптоми, попреченост и влошен квалитет на живот кои може да реагираат на фармаколошка терапија но нејзиното дејство е незначително доколку таа не биде комбинирана со респираторна физиотерапија.
Респираторна физиотерапија со фармаколошка подршка го зголемува ефектот на третманот на опструкцијата на воздушните патишта. Во лекувањето на ХОББ може да се користи интравенозна терапија со бронходилататори, мукосекретолитици, деконгестиви и антибиотици, но важно е да се напомене дека овој третман не е комплетен доколку не се комбинира со респираторна физиотерапија.
Примената на овие фармаколошки решенија може да биде и поразличен и поефективен доколку пацинетот ги прима преку инхалациона терапија со соодветни инхалатори со што самата терапија делува на локално ниво и се подобрува и забрзува нивното дејство.

Инхалационата терапија со аеросоли во комбинација со вежби за дишење и експекторација помага за ефективно внесување на аеросолните честички во дишните патишта и нивно таложење со што се размекнува бронхиалниот секрет т.е се предизвикува локално фармако – динамско дејство и помага во подобрување проодноста на дишните патишта со евакуација на насобраниот белодробен секрет со што се предизвикува и редукција на диспнеата.
Во лекувањето на пациентите кај кои дошло до респираторна слабост, а тоа се пациенти во четвртиот стадиум на болеста и притоа вредностите на парцијалниот притисок и сатурацијата со кислород се ниски, потребно е да се употреби терапија со кислород. Терапијата со кислород (Оксигено терапија) се препорачува да трае над 15 часа во тек на денот, со ниски протоци 1,5 до 2 литри во минута. Оксигено терапијата е дел од респираторната физиотерапија која содржи и респираторни вежби за длабоко вдишување, издишување, и искашлување со помош на постурална дренажа и инхалациона терапија.
Сите овие елементи на респираторната физиотерапија се водечки во третманот на ХОББ имајки предвид нивната ефективност веднаш по нивното спроведување. Физиотерапевтот и пациентот се партнери во овој процес, најчесто пациентите кои подолго време живеат со болеста и се свесни за својата состојба се едуцираат за самостојно и редовно спроведување на респираторните вежби за корегирање на респираторната механика и соодветна физичка активност со што директно влијаат на квалитетот на својот живот.
Во периодот на егзецербација на состојбата кај овие пациенти треба да се примени и неинвазивна механичка вентилација (НИВ) со различни модуси на вентилација ЦПАП или БИПАП со кои може да се влијае на решавање на критичната состојба на пацинетот и да се избегнат последиците .

Третманот на пациентите со ХОББ е комплексен и во нивното лекување треба да бидат инволвирани специјалисти (пулмолог , физиотерапевт и нутриоционист) кои директно треба да соработуваа во индивидуалниот третман на пацинетот . Само соодветната комбинација од третмани и совети од различните специјалисти може да влијае на успешноста на лекувањето на пацинетите со ХОББ.
respiratorna fizioterapija pri hronichna obstruktivna belodrobna bolest (hobb) hobb se karakterizira so opstrukcija na respiratornite patishta koja ne e potpolno reverzibilna. respiratornata opstrukcija ne se menuva znachajno i obichno e dolgorochno progresivna sostojba. bolesta najchesto e predizvikana od pushenje na cigari no istotaka vlijaat i drugi faktori, kako shto e profesionalnata izlozhenost na toksichni gasovi i isparuvanja. ovaa bolest se javuva kaj 34 sluchai na 1000 i voobichaeno kaj lica nad 65-godishna vozrast. vo momentov hobb e chetvrta vodechka bolest po smrtnost na svetsko nivo , no se smeta deka do 2020 godina kje go zazeme prvoto mesto spored svetskata zdravstvena organizacija. vo nauchni studii vo povekje zemji e utvrdeno deka lugjeto shto zhiveeat vo golemite gradovi pochesto zaboluvaat od hobb, vo sporedba so ruralnite sredini. eden od glavnite simptomi kaj pacientite so hobb e kashlicata, koja vsushnost e odbranben mehanizam na dishnite patishta, koj gi shtiti od nesakanite inhalirani chestichki, kako i znachaen metod na chistenje na produciraniot sluz vo niv. kashlicata kaj pacientite so hobb chesto se javuva vo utrinskite chasovi. drugiot glaven simptom e dispneata (kratok zdiv), koj se smeta za najsignifikanten znak na ovaa bolest. pacientite so naprednata forma na hobb chesto razvivaat respiratorna slabost koja se manifestira so pojava na cijanoza na sluznicite i kozhata, kako rezultat na nedostatok na kislorod vo krvta. vishokot na jaglerodniot dioksid vo krvta prichinuva glavobolka, sonlivost ili grchevi. kako komplikacija na naprednata hobb se i promenite na srceto poznati kako hronichno belodrobno srce koi se rezultat na negovata zgolemenata rabota t.e poradi pogolemiot napor za da ja ufrli krvta vo bolnopromenetite patishta na beli drobovi. zlaten standard za dijagnosticiranje na hobb e spirometrijata so koja se potvrduva eventualnoto prisustvo na opstrukcija na vozdushnite patishta, no istotaka vo postavuvanjeto na dijagnozata uchestvuva i klinichkata procenka, bazirana na kombinacija od istorijata na pacientot, i fizikalniot pregled. hobb producira simptomi, poprechenost i vloshen kvalitet na zhivot koi mozhe da reagiraat na farmakoloshka terapija no nejzinoto dejstvo e neznachitelno dokolku taa ne bide kombinirana so respiratorna fizioterapija. respiratorna fizioterapija so farmakoloshka podrshka go zgolemuva efektot na tretmanot na opstrukcijata na vozdushnite patishta. vo lekuvanjeto na hobb mozhe da se koristi intravenozna terapija so bronhodilatatori, mukosekretolitici, dekongestivi i antibiotici, no vazhno e da se napomene deka ovoj tretman ne e kompleten dokolku ne se kombinira so respiratorna fizioterapija. primenata na ovie farmakoloshki reshenija mozhe da bide i porazlichen i poefektiven dokolku pacinetot gi prima preku inhalaciona terapija so soodvetni inhalatori so shto samata terapija deluva na lokalno nivo i se podobruva i zabrzuva nivnoto dejstvo. inhalacionata terapija so aerosoli vo kombinacija so vezhbi za dishenje i ekspektoracija pomaga za efektivno vnesuvanje na aerosolnite chestichki vo dishnite patishta i nivno talozhenje so shto se razmeknuva bronhialniot sekret t.e se predizvikuva lokalno farmako – dinamsko dejstvo i pomaga vo podobruvanje proodnosta na dishnite patishta so evakuacija na nasobraniot belodroben sekret so shto se predizvikuva i redukcija na dispneata. vo lekuvanjeto na pacientite kaj koi doshlo do respiratorna slabost, a toa se pacienti vo chetvrtiot stadium na bolesta i pritoa vrednostite na parcijalniot pritisok i saturacijata so kislorod se niski, potrebno e da se upotrebi terapija so kislorod. terapijata so kislorod (oksigeno terapija) se preporachuva da trae nad 15 chasa vo tek na denot, so niski protoci 1,5 do 2 litri vo minuta. oksigeno terapijata e del od respiratornata fizioterapija koja sodrzhi i respiratorni vezhbi za dlaboko vdishuvanje, izdishuvanje, i iskashluvanje so pomosh na posturalna drenazha i inhalaciona terapija. site ovie elementi na respiratornata fizioterapija se vodechki vo tretmanot na hobb imajki predvid nivnata efektivnost vednash po nivnoto sproveduvanje. fizioterapevtot i pacientot se partneri vo ovoj proces, najchesto pacientite koi podolgo vreme zhiveat so bolesta i se svesni za svojata sostojba se educiraat za samostojno i redovno sproveduvanje na respiratornite vezhbi za koregiranje na respiratornata mehanika i soodvetna fizichka aktivnost so shto direktno vlijaat na kvalitetot na svojot zhivot. vo periodot na egzecerbacija na sostojbata kaj ovie pacienti treba da se primeni i neinvazivna mehanichka ventilacija (niv) so razlichni modusi na ventilacija cpap ili bipap so koi mozhe da se vlijae na reshavanje na kritichnata sostojba na pacinetot i da se izbegnat posledicite . tretmanot na pacientite so hobb e kompleksen i vo nivnoto lekuvanje treba da bidat involvirani specijalisti (pulmolog , fizioterapevt i nutriocionist) koi direktno treba da sorabotuvaa vo individualniot tretman na pacinetot . samo soodvetnata kombinacija od tretmani i soveti od razlichnite specijalisti mozhe da vlijae na uspeshnosta na lekuvanjeto na pacinetite so hobb.
Објава← Назад кон архивата