Вести
Горан Кузмановски направи успешен Еверестинг на Копаоник


Што е „Еверестинг”
Тоа е неформален формат на спортска активност – најчесто велосипедизам, трчање или пешачење каде предизвикот е да се направи вкупно искачување од над 8848 висински метри, односно височината на Еверест, во еден единствен обид.
Правилата се едноставни. Одбирате еден рид, планина или брдо со одредена височина и правите повторувани искачувања (и спуштања) сè додека не ја постигнете оваа бројка – мерено со некој прецизен уред кој поседува алтиметар и барометар.
Притоа, важно е да се запази дека рутата по која се прави предизвикот е истата, односно не се отстапува при ниту едно од искачувањата и спуштањата, и многу важно е сето ова да се направи во еден единствен обид без разлика колку време е потребно за истиот. Паузи за одмор при предизвикот се дозволени (земање на храна, пијалок и мал одмор), но важно е да нема пауза за спиење во текот на активноста односно предизвикот да биде во еден обид.

Историја
Првиот Еверестинг бил направен од внукот на Џорџ Малори, познатиот британски планинар кој заедно со Ендру Ирвин во 1924 година прават обид за прво искачување на Еверест но загинуваат некаде на северо-источниот гребен. Двојката за последен пат била забележана на 250 метри под врвот, но до ден денес не се знае дали тие успеале да го искачат Еверест. Повеќе од 30 години подоцна, Едмунд Хилари и Тензинг Норгеј конечно успеваат да го направат првото успешно и потврдено искачување на Еверест.
Внукот на Џорџ Малори, кој го носи неговото име, во 1994 година се качува на планината Дона Буанг (близу Мелбурн) 8 пати и го поставува првиот Еверестинг во историјата. Подоцна, Енди ван Берген инспириран од обидот на Малори ги цементира правилата на Еверестинг и оттогаш предизвикот е на некој начин официјализиран.

Подвигот на Горан Кузмановски
Овој викенд на 26.05.2018, Горан Кузмановски успеа да направи успешен Еверестинг на Копаоник – поточно на делницата од селото Рудница до Копаоник. Оваа делница е позната по тоа што минатата година во август на истата беше поставен првиот српски Еверестинг од Владимир Савич – познат и истакнат српски триатлонец кој држи некои од најдобрите времиња во триатлон и Ајорнмен.
Седумкратното повторување на рутата Савич го направи за 18 часа и 7 минути, додека нашиот Кузмановски успеа истото да го направи за значително пократко време од 15 часа и 50 минути и со тоа да го подобри времето на патеката за 2 часа и 15 минути. Вкупната измината должина е 285 километри.
Логистичка поддршка беше обезбедена од Илина Попова.
Детали за рутата може да најдете на Страва профилот на Горан на следниот линк.




goran kuzmanovski napravi uspeshen everesting na kopaonik shto e „everesting” toa e neformalen format na sportska aktivnost – najchesto velosipedizam, trchanje ili peshachenje kade predizvikot e da se napravi vkupno iskachuvanje od nad 8848 visinski metri, odnosno visochinata na everest, vo eden edinstven obid. pravilata se ednostavni. odbirate eden rid, planina ili brdo so odredena visochina i pravite povtoruvani iskachuvanja (i spushtanja) sè dodeka ne ja postignete ovaa brojka – mereno so nekoj precizen ured koj poseduva altimetar i barometar. pritoa, vazhno e da se zapazi deka rutata po koja se pravi predizvikot e istata, odnosno ne se otstapuva pri nitu edno od iskachuvanjata i spushtanjata, i mnogu vazhno e seto ova da se napravi vo eden edinstven obid bez razlika kolku vreme e potrebno za istiot. pauzi za odmor pri predizvikot se dozvoleni (zemanje na hrana, pijalok i mal odmor), no vazhno e da nema pauza za spienje vo tekot na aktivnosta odnosno predizvikot da bide vo eden obid. istorija prviot everesting bil napraven od vnukot na djordj malori, poznatiot britanski planinar koj zaedno so endru irvin vo 1924 godina pravat obid za prvo iskachuvanje na everest no zaginuvaat nekade na severo-istochniot greben. dvojkata za posleden pat bila zabelezhana na 250 metri pod vrvot, no do den denes ne se znae dali tie uspeale da go iskachat everest. povekje od 30 godini podocna, edmund hilari i tenzing norgej konechno uspevaat da go napravat prvoto uspeshno i potvrdeno iskachuvanje na everest. vnukot na djordj malori, koj go nosi negovoto ime, vo 1994 godina se kachuva na planinata dona buang (blizu melburn) 8 pati i go postavuva prviot everesting vo istorijata. podocna, endi van bergen inspiriran od obidot na malori gi cementira pravilata na everesting i ottogash predizvikot e na nekoj nachin oficijaliziran. podvigot na goran kuzmanovski ovoj vikend na 26.05.2018, goran kuzmanovski uspea da napravi uspeshen everesting na kopaonik – potochno na delnicata od seloto rudnica do kopaonik. ovaa delnica e poznata po toa shto minatata godina vo avgust na istata beshe postaven prviot srpski everesting od vladimir savich – poznat i istaknat srpski triatlonec koj drzhi nekoi od najdobrite vreminja vo triatlon i ajornmen. sedumkratnoto povtoruvanje na rutata savich go napravi za 18 chasa i 7 minuti, dodeka nashiot kuzmanovski uspea istoto da go napravi za znachitelno pokratko vreme od 15 chasa i 50 minuti i so toa da go podobri vremeto na patekata za 2 chasa i 15 minuti. vkupnata izminata dolzhina e 285 kilometri. logistichka poddrshka beshe obezbedena od ilina popova. detali za rutata mozhe da najdete na strava profilot na goran na sledniot link .
Објава← Назад кон архивата