Вести
Успешно завршено 37мото традиционално искачување на Титов Врв 2018


Настанот започна со официјалното свечено отворање во 19:00 часот, на 26 мај, кое се одржа во холот на хотелот Попова Шапка. На свеченото отворање збор зеде претседателот на Планинарски Клуб Љуботен – Јован Божиноски, кој ги поздрави сите планинари и учесници и им посака мирно и безбедно искачување. Настанот официјално го отвори Амбасадорот на Кралството Холандија, господинот Воутер Пломп, кој искажа особена чест што присуствува на овој настан и е дел од искачувањето на Титов Врв во организација на Планинарски Клуб Љуботен.
По завршувањето на свеченото отворање, сите водичи/ координатори на групи беа повикани на состанок, каде што неколку членови на П.К. Љуботен им ги презентираа и објаснија сите детали, информации и обврски поврзани со искачувањето на Титов Врв, а исто така им беа и доделени дипломи за учество на сите планинарски клубови.
Истовремено, сите учесници имаа можност да ја погледнат изложбата за Планинарските домови на Шар Планина, која содржеше слики од архивата на П.К. Љуботен.

На првиот ден од настанот, 26 мај, пристигнаа 200 учесници, кои беа сместени во сместувачките капацитети на Попова Шапка – хотелите Попова Шапка и Тетекс, планинарските домови Љуботен и Смрека. Најголем дел од овие учесници беа планинарски клубови од Босна и Херцеговина, Србија, Косово, Хрватска и дел од Македонија.
Искачувањето официјално започна на 27 мај, во 06:30 со тргнување на групата кон Титов Врв од инфо штандот на Планинарски клуб Љуботен, по претходно маркираната наведена „Вакуфска патека”. На инфо штандот пред поаѓањето на групата, сите учесниците можеа официјално да се пријават на настанот со пополнување на Формулар за пријава. На штандот можеа да се добијат и сите потребни информации и податоци во врска со настанот, програмата и искачувањето. Во колоната се движеа членовите на Планинарски Клуб Љуботен, кои беа распоредени вдолж целата патека и кои на себе носеа акредитации за организатори.
На патеката беа поставени три пункта. На првиот пункт беа поставени медицинско лице и теренски возила; на вториот беа поставени лица кои го обезбедуваа снежниот дел од патеката, а на третиот пункт беа поставени лица кои ги насочуваа планинарите кон врвот и доделуваа налепници за учество на настанот. Настанот се заврши во 16:00 часот, со пристигнување на учесниците на платото пред хотел Попова Шапка, каде што беа пречекани од членовите на Планинарски клуб Љуботен со топол чај. На самото искачување, учество зедоа дури 800 учесници, од кои 764 се искачија до врвот. Бројката на официјално пријавени планинарски клубови е 14 од Македонија, а 17 од регионот.
И оваа година традиционалното искачување беше дел од прославата за Денот на Европа, организирано од страна на Канцеларијата на Европска Унија во Македонија.
Планинарски Клуб Љуботен ја поддржа иницијативата на ПЕД Аргентус Моунт за реконструкција на кулата на Титов Врв, со тоа што сите учесници ги информираше за акцијата за пренесување на песок, од местото каде што беше поставен на патеката под врвот, па се до самиот врв. Планинарски Клуб Љуботен јавно им се заблагодари на сите учесници кои покрај учеството во традиционалното искачување на Титов Врв, зедоа и учество во оваа акција.
Настанот беше спонзориран и поддржан од ТТК Банка како генерален спонзор, а и од останати спонзори и поддржувачи како ЕЛЕМ ТУРС, Пријателите на Шара, Македонско Еколошко Друштво, Полициска Станица Попова Шапка, Оли Фарм, АБ Медика, Алкалоид Скопје, Кожувчанка, Авто Конект, Винер Казино, Цересит, Божиноски Инженеринг, ПАН, Дарбо Груп.
uspeshno zavrsheno 37moto tradicionalno iskachuvanje na titov vrv 2018 nastanot zapochna so oficijalnoto svecheno otvoranje vo 19:00 chasot, na 26 maj, koe se odrzha vo holot na hotelot popova shapka. na svechenoto otvoranje zbor zede pretsedatelot na planinarski klub ljuboten – jovan bozhinoski, koj gi pozdravi site planinari i uchesnici i im posaka mirno i bezbedno iskachuvanje. nastanot oficijalno go otvori ambasadorot na kralstvoto holandija, gospodinot vouter plomp, koj iskazha osobena chest shto prisustvuva na ovoj nastan i e del od iskachuvanjeto na titov vrv vo organizacija na planinarski klub ljuboten. po zavrshuvanjeto na svechenoto otvoranje, site vodichi/ koordinatori na grupi bea povikani na sostanok, kade shto nekolku chlenovi na p.k. ljuboten im gi prezentiraa i objasnija site detali, informacii i obvrski povrzani so iskachuvanjeto na titov vrv, a isto taka im bea i dodeleni diplomi za uchestvo na site planinarski klubovi. istovremeno, site uchesnici imaa mozhnost da ja poglednat izlozhbata za planinarskite domovi na shar planina, koja sodrzheshe sliki od arhivata na p.k. ljuboten. na prviot den od nastanot, 26 maj, pristignaa 200 uchesnici, koi bea smesteni vo smestuvachkite kapaciteti na popova shapka – hotelite popova shapka i teteks, planinarskite domovi ljuboten i smreka. najgolem del od ovie uchesnici bea planinarski klubovi od bosna i hercegovina, srbija, kosovo, hrvatska i del od makedonija. iskachuvanjeto oficijalno zapochna na 27 maj, vo 06:30 so trgnuvanje na grupata kon titov vrv od info shtandot na planinarski klub ljuboten, po prethodno markiranata navedena „vakufska pateka”. na info shtandot pred poagjanjeto na grupata, site uchesnicite mozhea oficijalno da se prijavat na nastanot so popolnuvanje na formular za prijava. na shtandot mozhea da se dobijat i site potrebni informacii i podatoci vo vrska so nastanot, programata i iskachuvanjeto. vo kolonata se dvizhea chlenovite na planinarski klub ljuboten, koi bea rasporedeni vdolzh celata pateka i koi na sebe nosea akreditacii za organizatori. na patekata bea postaveni tri punkta. na prviot punkt bea postaveni medicinsko lice i terenski vozila; na vtoriot bea postaveni lica koi go obezbeduvaa snezhniot del od patekata, a na tretiot punkt bea postaveni lica koi gi nasochuvaa planinarite kon vrvot i dodeluvaa nalepnici za uchestvo na nastanot. nastanot se zavrshi vo 16:00 chasot, so pristignuvanje na uchesnicite na platoto pred hotel popova shapka, kade shto bea prechekani od chlenovite na planinarski klub ljuboten so topol chaj. na samoto iskachuvanje, uchestvo zedoa duri 800 uchesnici, od koi 764 se iskachija do vrvot. brojkata na oficijalno prijaveni planinarski klubovi e 14 od makedonija, a 17 od regionot. i ovaa godina tradicionalnoto iskachuvanje beshe del od proslavata za denot na evropa, organizirano od strana na kancelarijata na evropska unija vo makedonija. planinarski klub ljuboten ja poddrzha inicijativata na ped argentus mount za rekonstrukcija na kulata na titov vrv, so toa shto site uchesnici gi informirashe za akcijata za prenesuvanje na pesok, od mestoto kade shto beshe postaven na patekata pod vrvot, pa se do samiot vrv. planinarski klub ljuboten javno im se zablagodari na site uchesnici koi pokraj uchestvoto vo tradicionalnoto iskachuvanje na titov vrv, zedoa i uchestvo vo ovaa akcija. nastanot beshe sponzoriran i poddrzhan od ttk banka kako generalen sponzor, a i od ostanati sponzori i poddrzhuvachi kako elem turs, prijatelite na shara, makedonsko ekoloshko drushtvo, policiska stanica popova shapka, oli farm, ab medika, alkaloid skopje, kozhuvchanka, avto konekt, viner kazino, ceresit, bozhinoski inzhenering, pan, darbo grup.
Објава← Назад кон архивата