Вести
Килиан Жорнет го урна 36-годишниот рекорд на стазата „Боб Грахам”


Кругот на Боб Грахам е една од најстарите и најпознатите планинарски рути (трансверзали) во Англија што претставува конектирање на 42 околни врвови во националниот парк Лејк Дистрикт на северозападот од Англија.
Историјата на трансверзалите во овој предел датира уште од 1864 година кога извесен Рев Елиот направил качување на околните врвови од долината Вестдејл за 8,5 часа. Во подоцниот период следеле слични подвизи на некои локални фаци, но за вистински историски момент се смета кога во 1932 година, 42 годишниот хотелиер од гратчето Кесвик по име Боб Грахам, успева да ги поврзе сите повисоки врвови и ридови (42 на број) од оваа област во една единствена патека со старт и финиш во Кесвик за 23 часа и 39 минути.

Трансверзалата е долга 106 километри (66 милји) и иако истата не оди на голема височина, во текот на сите 42 врвови се акумулира висинска разлика од огромни 8200 метри. Згора на ова, тука се и другите потешкотии кои потекнуваат од самата природа и опкружување кое во најголем дел е каменесто со стрмни и диви предели, а во најголем дел и со отсуство на патека.
Рутата на неколку локации ги пресекува главните патишта во областа, нешто што овозможува да се дојде до логистичка поддршка за храна, течности и поткрепа, а уште во 1932 година при првото минување, Боб Грахам знаел дека подвигот нема да може да го исполни сам, па затоа викнал неколку пријатели за поддршка. По завршувањето, тој за прв пат го воведува терминот pacer („пејсер” – pace во превод значи темпо, а pacer – човек што ти помага во држење на темпото).

Поради самата природа и тежина на трансверзалата, а и поради следниот воен период, минале скоро 30 години додека патеката не видела подобрување на времето од страна на Алан Хитон од Клејтон успева да заврши за 22 часа и 18 минути. Во следниот период патеката се здобива со се поголема заинтересираност од локалците, а во 1972 година се формира клубот „Боб Грахам 24” каде се впишуваат оние кои ги искачиле тие 42 врвови (или повеќе околни) за помалку од 24 часа. Рекордот во клубот изнесува 77 искачени врвови за 24 часа.
Нешто што до овој викенд, цели 36 години стоеше нечепнато, а од многумина и беше сметано за невозможно за победување, беше рекордот на оригиналната патека кој го има поставено Били Бланд на 19 јули 1982 година со време од 13 часа 53 минути. Били Бланд своевремено претставува еден од најдобрите атлетичари и планински тркачи во Англија, а во летниот период 1982 успева да го заврти целиот круг за дотогаш непоимливо време.

Оваа временска рамка стоеше цели 36 години додека овој викенд еден од најдобрите светски тркачи Килиан Жорнет не успеа да го сруши рекордот за дури цел час трчајќи со време од 12 часа 52 минути. Она што е уште поинтересно е тоа што пред три месеци шпанецот заработи скршеница на ногата која како да не го оддалечи од неговата форма, за тој да се врати со одличен настап на трката Алања – Монте Роса – Алања, но и со победа на маратонот на Мон Блан.
После овие два настапи следеше обидот за Боб Грахам кој за почеток не беше следен со голема медиумска застапеност, но откако се виде дека Килиан ја зголемува временската разлика од рекордот, целиот Лејк Дистрикт и атлетската јавност во Англија и светот го свртеа вниманието.

Сепак, за огромна почит е и претходното време на Били кое е поставено во период кога може да се каже дека не се знаело скоро ништо за овој тип на атлетски подвизи, за исхраната и тренинзите. Били Бланд на негови 70 години го извозе својот велосипед до одредена точка од патеката за да го поздрави Килиан, а истотака тој го чекаше на финишот за да му честита.
„Благодарам Били, јас имав подобри услови и подобри „пејсери” од тебе, но и твојата инспирација за да го дадам максимумот! И покрај сето ова, подвигот беше тоооолку многу тежок!!” – изјави Килиан.
Женското најдобро време на патеката го држи Јасмин Парис со 15 часа и 24 минути поставен во 2016 година. Досега, околу 2000 луѓе ја имаат поминато патеката.
kilian zhornet go urna 36-godishniot rekord na stazata „bob graham” krugot na bob graham e edna od najstarite i najpoznatite planinarski ruti (transverzali) vo anglija shto pretstavuva konektiranje na 42 okolni vrvovi vo nacionalniot park lejk distrikt na severozapadot od anglija. istorijata na transverzalite vo ovoj predel datira ushte od 1864 godina koga izvesen rev eliot napravil kachuvanje na okolnite vrvovi od dolinata vestdejl za 8,5 chasa. vo podocniot period sledele slichni podvizi na nekoi lokalni faci, no za vistinski istoriski moment se smeta koga vo 1932 godina, 42 godishniot hotelier od gratcheto kesvik po ime bob graham, uspeva da gi povrze site povisoki vrvovi i ridovi (42 na broj) od ovaa oblast vo edna edinstvena pateka so start i finish vo kesvik za 23 chasa i 39 minuti. transverzalata e dolga 106 kilometri (66 milji) i iako istata ne odi na golema visochina, vo tekot na site 42 vrvovi se akumulira visinska razlika od ogromni 8200 metri. zgora na ova, tuka se i drugite poteshkotii koi poteknuvaat od samata priroda i opkruzhuvanje koe vo najgolem del e kamenesto so strmni i divi predeli, a vo najgolem del i so otsustvo na pateka. rutata na nekolku lokacii gi presekuva glavnite patishta vo oblasta, neshto shto ovozmozhuva da se dojde do logistichka poddrshka za hrana, technosti i potkrepa, a ushte vo 1932 godina pri prvoto minuvanje, bob graham znael deka podvigot nema da mozhe da go ispolni sam, pa zatoa viknal nekolku prijateli za poddrshka. po zavrshuvanjeto, toj za prv pat go voveduva terminot pacer („pejser” – pace vo prevod znachi tempo, a pacer – chovek shto ti pomaga vo drzhenje na tempoto). poradi samata priroda i tezhina na transverzalata, a i poradi sledniot voen period, minale skoro 30 godini dodeka patekata ne videla podobruvanje na vremeto od strana na alan hiton od klejton uspeva da zavrshi za 22 chasa i 18 minuti. vo sledniot period patekata se zdobiva so se pogolema zainteresiranost od lokalcite, a vo 1972 godina se formira klubot „bob graham 24” kade se vpishuvaat onie koi gi iskachile tie 42 vrvovi (ili povekje okolni) za pomalku od 24 chasa. rekordot vo klubot iznesuva 77 iskacheni vrvovi za 24 chasa. neshto shto do ovoj vikend, celi 36 godini stoeshe nechepnato, a od mnogumina i beshe smetano za nevozmozhno za pobeduvanje, beshe rekordot na originalnata pateka koj go ima postaveno bili bland na 19 juli 1982 godina so vreme od 13 chasa 53 minuti. bili bland svoevremeno pretstavuva eden od najdobrite atletichari i planinski trkachi vo anglija, a vo letniot period 1982 uspeva da go zavrti celiot krug za dotogash nepoimlivo vreme. ovaa vremenska ramka stoeshe celi 36 godini dodeka ovoj vikend eden od najdobrite svetski trkachi kilian zhornet ne uspea da go srushi rekordot za duri cel chas trchajkji so vreme od 12 chasa 52 minuti. ona shto e ushte pointeresno e toa shto pred tri meseci shpanecot zaraboti skrshenica na nogata koja kako da ne go oddalechi od negovata forma, za toj da se vrati so odlichen nastap na trkata alanja – monte rosa – alanja, no i so pobeda na maratonot na mon blan. posle ovie dva nastapi sledeshe obidot za bob graham koj za pochetok ne beshe sleden so golema mediumska zastapenost, no otkako se vide deka kilian ja zgolemuva vremenskata razlika od rekordot, celiot lejk distrikt i atletskata javnost vo anglija i svetot go svrtea vnimanieto. sepak, za ogromna pochit e i prethodnoto vreme na bili koe e postaveno vo period koga mozhe da se kazhe deka ne se znaelo skoro nishto za ovoj tip na atletski podvizi, za ishranata i treninzite. bili bland na negovi 70 godini go izvoze svojot velosiped do odredena tochka od patekata za da go pozdravi kilian, a istotaka toj go chekashe na finishot za da mu chestita. „blagodaram bili, jas imav podobri uslovi i podobri „pejseri” od tebe, no i tvojata inspiracija za da go dadam maksimumot! i pokraj seto ova, podvigot beshe toooolku mnogu tezhok!!” – izjavi kilian. zhenskoto najdobro vreme na patekata go drzhi jasmin paris so 15 chasa i 24 minuti postaven vo 2016 godina. dosega, okolu 2000 lugje ja imaat pominato patekata.
Објава← Назад кон архивата