Исхрана
Колку и како се потиш додека пливаш?


Како и секоја друга физичка активност која ја подигнува работната температура на телото и ги забрзува физиолошките процеси, така и пливањето резултира со потење. Разликата кај овој спорт е тоа што околината во која се одвива ги прикрива сите објективни знаци на потењето – не можеме да го почуствуваме како што истото се чувствува при активности активности на суво, водата нè држи оладени и немаме големо подигнување на температурата на телото, а сувоста на устата не е присутна.
Сепак, ова не значи дека телото не губи течности и дека пролонгираните физички активности во вода не бараат соодветно хидрирање. Напротив, како и кај секој спорт, активноста предизвикува потењето кое, пак, сосебе носи не само загуба на течности туку и загуба на соли (електролити) кои се важни за нормалното функционирање на сите делови од телото. Поради ова причина, истотака нормално е и да се очекува пад во формата доколку навремено не се надоместат овие течности и соли.

Колку течност се губи при зголемена физичка активност?
Овие бројки честопати знаат и тоа како да варираат, но еве неколку испитани работи. Истражувањата покажале дека на собна температура телото поти 200 мл. пот на еден час. Оваа бројка се зголемува на 700 мл. на час доколку се започне со вежбање.
Секако, овие бројки се зголемуваат со зголемување на надворешната температура и со интензитетот, нешто што треба да го имате на ум.
Кај пливањето, температурата на водата е надворешниот медиум кој влијае на потењето, па колку е таа постудена толку тоа ќе биде помало и обратно. Неколку истражувања покажале дека во текот на еден тренинг во времетраење од 60 до 90 минути, пливачите изгубиле околу 500 до 800 мл. течности од телото, што дава до знаење дека еден тренинг со слично времетраење би требало да биде пропратен со внесување на околу половина литар течност.
При поинтензивни како и при подолги тренинзи, секако дека е потребно да се зголеми внесот на течности, а во овој случај најдобро е водата да се замени со некаков електролитен (изотоничен раствор) кој во себе содржи адекватно ниво на соли кои ќе ги надоместат изгубените минерали од телото.
Истото важи и за пијалокот по тренингот. Подобро е истиот да биде изотоничен бидејќи тој прави подобра рехидратација на телото отколку чистата вода. Доколку штотуку започнувате со поинтензивни и подолготрајни тренинзи во вода, па и на суво, започнете со тестирање на различни варијанти на течности и пијалоци пред, за време и по вашиот тренинг.
kolku i kako se potish dodeka plivash? kako i sekoja druga fizichka aktivnost koja ja podignuva rabotnata temperatura na teloto i gi zabrzuva fizioloshkite procesi, taka i plivanjeto rezultira so potenje. razlikata kaj ovoj sport e toa shto okolinata vo koja se odviva gi prikriva site objektivni znaci na potenjeto – ne mozheme da go pochustvuvame kako shto istoto se chuvstvuva pri aktivnosti aktivnosti na suvo, vodata nè drzhi oladeni i nemame golemo podignuvanje na temperaturata na teloto, a suvosta na ustata ne e prisutna. sepak, ova ne znachi deka teloto ne gubi technosti i deka prolongiranite fizichki aktivnosti vo voda ne baraat soodvetno hidriranje. naprotiv, kako i kaj sekoj sport, aktivnosta predizvikuva potenjeto koe, pak, sosebe nosi ne samo zaguba na technosti tuku i zaguba na soli ( elektroliti ) koi se vazhni za normalnoto funkcioniranje na site delovi od teloto. poradi ova prichina, istotaka normalno e i da se ochekuva pad vo formata dokolku navremeno ne se nadomestat ovie technosti i soli. kolku technost se gubi pri zgolemena fizichka aktivnost? ovie brojki chestopati znaat i toa kako da variraat, no eve nekolku ispitani raboti. istrazhuvanjata pokazhale deka na sobna temperatura teloto poti 200 ml. pot na eden chas. ovaa brojka se zgolemuva na 700 ml. na chas dokolku se zapochne so vezhbanje. sekako, ovie brojki se zgolemuvaat so zgolemuvanje na nadvoreshnata temperatura i so intenzitetot, neshto shto treba da go imate na um. kaj plivanjeto, temperaturata na vodata e nadvoreshniot medium koj vlijae na potenjeto, pa kolku e taa postudena tolku toa kje bide pomalo i obratno. nekolku istrazhuvanja pokazhale deka vo tekot na eden trening vo vremetraenje od 60 do 90 minuti, plivachite izgubile okolu 500 do 800 ml. technosti od teloto, shto dava do znaenje deka eden trening so slichno vremetraenje bi trebalo da bide propraten so vnesuvanje na okolu polovina litar technost. pri pointenzivni kako i pri podolgi treninzi, sekako deka e potrebno da se zgolemi vnesot na technosti, a vo ovoj sluchaj najdobro e vodata da se zameni so nekakov elektroliten (izotonichen rastvor) koj vo sebe sodrzhi adekvatno nivo na soli koi kje gi nadomestat izgubenite minerali od teloto. istoto vazhi i za pijalokot po treningot. podobro e istiot da bide izotonichen bidejkji toj pravi podobra rehidratacija na teloto otkolku chistata voda. dokolku shtotuku zapochnuvate so pointenzivni i podolgotrajni treninzi vo voda, pa i na suvo, zapochnete so testiranje na razlichni varijanti na technosti i pijaloci pred, za vreme i po vashiot trening.
Објава← Назад кон архивата