Вести
Баргиел успеа да го скија К2 во рекорден ден на врвот


К2 со неговите 8611 метри надморска височина е вториот највисок врв во светот и еден од технички најтешките и најопасните за искачување и спуштање. Досега имало неколку обиди за качување и спуштање со скии, но подвигот никогаш не бил успешно направен и истиот има несреќна историја. Во 2017 година младиот ски алпинист од полско Закопане, Анджеј Баргиел, го направи првиот обид, но беше спречен поради лоши временски услови.
Сепак, тој и неговиот тим имаа повеќе среќа оваа сезона кога откако помина неколку недели во масивот Каракорум, на 19 јули тој и неговата логистика тргнаа према врвот. Целта беше да се искачи во „временскиот прозорец” околу 21-22 јули, што на крајот се покажа како успешен обид за Анджеј, но и за уште 30 други искачувачи.

Ова воедно претставува и рекорд за најмногубројни успешни искачувања на врвот во еден ден (вкупно 31), со подобрување на претходната бројка од 28 луѓе поставена во 2012 година – пренесува Експлорерсвеб.
Иако се уште се очекуваат повеќе официјални фотографии и видеа од искачувањето и спуштањето на Баргиел, на неговиот официјален Фејсбук профил се објавени некои фотографии од спуштањето кое било направено преку комбинација на неколку рути за да се опфатат повеќе снежни делови на инаку доста карпестиот врв.

Рутата за спуштање одела преку класичната насока на Абруци гребенот, па преку Баскиската насока за да се направи конекција преку траверсот на Меснер и да се заврши преку Полската рута на Кукучка и Пјоторовски.
Баргиел е 13-тиот Полјак што го искачува К2, а оваа година во исполнување на мисијата тој имаше помош од неговиот брат Бартоломеј Баргиел, Јануш Голаб, Пиотр Павлус, Марек Огиен и тим на високо искусни Шерпаси.

bargiel uspea da go skija k2 vo rekorden den na vrvot k2 so negovite 8611 metri nadmorska visochina e vtoriot najvisok vrv vo svetot i eden od tehnichki najteshkite i najopasnite za iskachuvanje i spushtanje. dosega imalo nekolku obidi za kachuvanje i spushtanje so skii, no podvigot nikogash ne bil uspeshno napraven i istiot ima nesrekjna istorija. vo 2017 godina mladiot ski alpinist od polsko zakopane, andzhej bargiel, go napravi prviot obid, no beshe sprechen poradi loshi vremenski uslovi. sepak, toj i negoviot tim imaa povekje srekja ovaa sezona koga otkako pomina nekolku nedeli vo masivot karakorum, na 19 juli toj i negovata logistika trgnaa prema vrvot. celta beshe da se iskachi vo „vremenskiot prozorec” okolu 21-22 juli, shto na krajot se pokazha kako uspeshen obid za andzhej, no i za ushte 30 drugi iskachuvachi. ova voedno pretstavuva i rekord za najmnogubrojni uspeshni iskachuvanja na vrvot vo eden den (vkupno 31), so podobruvanje na prethodnata brojka od 28 lugje postavena vo 2012 godina – prenesuva eksplorersveb. iako se ushte se ochekuvaat povekje oficijalni fotografii i videa od iskachuvanjeto i spushtanjeto na bargiel, na negoviot oficijalen fejsbuk profil se objaveni nekoi fotografii od spushtanjeto koe bilo napraveno preku kombinacija na nekolku ruti za da se opfatat povekje snezhni delovi na inaku dosta karpestiot vrv. rutata za spushtanje odela preku klasichnata nasoka na abruci grebenot, pa preku baskiskata nasoka za da se napravi konekcija preku traversot na mesner i da se zavrshi preku polskata ruta na kukuchka i pjotorovski. bargiel e 13-tiot poljak shto go iskachuva k2, a ovaa godina vo ispolnuvanje na misijata toj imashe pomosh od negoviot brat bartolomej bargiel, janush golab, piotr pavlus, marek ogien i tim na visoko iskusni sherpasi.
Објава← Назад кон архивата