Вести
Меѓукултурен камп во движење


Целта на кампот беше да се доближи улогата на неформалното учење / образование во однос на меѓукултурниот дијалог и да се создадат простори и услови за младите при разбирањето и надминувањето на постоечките стереотипи и предрасуди, да бидат отворени и мотивирани да соработуваат за подобро, поправедно и повеќе инклузивно општество.
Извидничкото семејство кое брои повеќе од 40 милиони млади од 160 држави во светот им овозможува на младите различни перспективи и погледи на светот и како да работат и да живеат заедно користејќи го извидничкиот метод на работа. Живееме во меѓукултурно општество каде младите имаат право да знаат и да учествуваат во процесот на градење и подобрување на истото и да заземат активна улога во пренесување на добри практики.

Ова наложува потреба од поинаков пристап и концепт кој ќе биде атрактивен и иновативен и ќе ги поттикне младите да почнат да размислуваат на поинаков и поотворен начин во однос на прифаќање на различностите како единствени.
Преку овој петдневен камп во природа ја подигнавме свеста за меѓукултурен дијалог и негово пренесување преку живеење во заеднички камп и користење на сите (за природа достапни) ресурси. Како резултат од настанот произлегоа активни и обучени млади кои ќе се залагаат да го пренесат наученото и ќе шират и пренесуваат позитивни практики на своите врсници.
Настанот се организираше во соработка со извидничка организација од Кичево и Дневниот центар за деца Роми од улица. Имено на кампот не само што беа организирани низа работилници на темата меѓукултура туку и самите учесници делеа живеалиште и сами ја подготвуваа храната.
Како дел од кампот, покрај неколкуте хајкови, тие користеа алтернативен превоз за стигнување на камп локациите, односно јаваа коњи. Сметаме дека најдобри резултати од сите теории за различни култури се постигнуваат преку практична имплементација и ставање себе си во поинакви улоги и ситуации.
Настанот беше поддржан од Фондацијата Отворено општество – Македонија.

megjukulturen kamp vo dvizhenje celta na kampot beshe da se doblizhi ulogata na neformalnoto uchenje / obrazovanie vo odnos na megjukulturniot dijalog i da se sozdadat prostori i uslovi za mladite pri razbiranjeto i nadminuvanjeto na postoechkite stereotipi i predrasudi, da bidat otvoreni i motivirani da sorabotuvaat za podobro, popravedno i povekje inkluzivno opshtestvo. izvidnichkoto semejstvo koe broi povekje od 40 milioni mladi od 160 drzhavi vo svetot im ovozmozhuva na mladite razlichni perspektivi i pogledi na svetot i kako da rabotat i da zhiveat zaedno koristejkji go izvidnichkiot metod na rabota. zhiveeme vo megjukulturno opshtestvo kade mladite imaat pravo da znaat i da uchestvuvaat vo procesot na gradenje i podobruvanje na istoto i da zazemat aktivna uloga vo prenesuvanje na dobri praktiki. ova nalozhuva potreba od poinakov pristap i koncept koj kje bide atraktiven i inovativen i kje gi pottikne mladite da pochnat da razmisluvaat na poinakov i pootvoren nachin vo odnos na prifakjanje na razlichnostite kako edinstveni. preku ovoj petdneven kamp vo priroda ja podignavme svesta za megjukulturen dijalog i negovo prenesuvanje preku zhiveenje vo zaednichki kamp i koristenje na site (za priroda dostapni) resursi. kako rezultat od nastanot proizlegoa aktivni i obucheni mladi koi kje se zalagaat da go prenesat nauchenoto i kje shirat i prenesuvaat pozitivni praktiki na svoite vrsnici. nastanot se organizirashe vo sorabotka so izvidnichka organizacija od kichevo i dnevniot centar za deca romi od ulica. imeno na kampot ne samo shto bea organizirani niza rabotilnici na temata megjukultura tuku i samite uchesnici delea zhivealishte i sami ja podgotvuvaa hranata. kako del od kampot, pokraj nekolkute hajkovi, tie koristea alternativen prevoz za stignuvanje na kamp lokaciite, odnosno javaa konji. smetame deka najdobri rezultati od site teorii za razlichni kulturi se postignuvaat preku praktichna implementacija i stavanje sebe si vo poinakvi ulogi i situacii. nastanot beshe poddrzhan od fondacijata otvoreno opshtestvo – makedonija.
Објава← Назад кон архивата