Вести
Водно-Матка Маратон – Авантурата продолжува, пријавувањето е отворено


Тркачите ќе имаат можност да одберат некоја од двете планински трки со должина од 26 и 42 километри – маратон и полумаратон, и да се обидат да се надминат себеси на исклучително тешките но прекрасни планински патеки низ Водно и Матка. Стартот е предвиден од месноста „Полиција” во населбата Водно, а финишот на врвот Крстовар – планинарскиот дом Даре Џамбаз.
Временскиот лимит за минување на полумаратонот ќе биде 7 часа, а за маратонот 11 со тоа што на 27-тиот километар (Матка) ќе биде предвиден дополнителен временски лимит.
Трката е отворена за сите љубители на планината и движењето, а патеките минуваат низ едни од најинтересните делови и погледи на пределот како и бројните културно-историски локалитети во околината – вкупно 7 цркви и манастири, покрај реката Треска и езерото Матка, селото Горно Нерези итн.
Целта на настанот е да се придонесе во развојот на планинското трчање и спортовите во природа во Македонија, да се промовира активниот животен стил и рекреирањето на планина, скопскиот регион да се етаблира во светските календари за планинско трчање, но и да се покаже желбата за заштита на овој природен регион и едно од последните чисти места за спортување од понатамошна узурпација и уништување.
Повеќе информации може да пронајдете на веб-сајтот vodnomatka.mk, а пријавувањето е веќе отворено.

vodno-matka maraton – avanturata prodolzhuva, prijavuvanjeto e otvoreno trkachite kje imaat mozhnost da odberat nekoja od dvete planinski trki so dolzhina od 26 i 42 kilometri – maraton i polumaraton , i da se obidat da se nadminat sebesi na iskluchitelno teshkite no prekrasni planinski pateki niz vodno i matka. startot e predviden od mesnosta „policija” vo naselbata vodno, a finishot na vrvot krstovar – planinarskiot dom dare djambaz. vremenskiot limit za minuvanje na polumaratonot kje bide 7 chasa, a za maratonot 11 so toa shto na 27-tiot kilometar (matka) kje bide predviden dopolnitelen vremenski limit. trkata e otvorena za site ljubiteli na planinata i dvizhenjeto, a patekite minuvaat niz edni od najinteresnite delovi i pogledi na predelot kako i brojnite kulturno-istoriski lokaliteti vo okolinata – vkupno 7 crkvi i manastiri, pokraj rekata treska i ezeroto matka, seloto gorno nerezi itn. celta na nastanot e da se pridonese vo razvojot na planinskoto trchanje i sportovite vo priroda vo makedonija, da se promovira aktivniot zhivoten stil i rekreiranjeto na planina, skopskiot region da se etablira vo svetskite kalendari za planinsko trchanje, no i da se pokazhe zhelbata za zashtita na ovoj priroden region i edno od poslednite chisti mesta za sportuvanje od ponatamoshna uzurpacija i unishtuvanje. povekje informacii mozhe da pronajdete na veb-sajtot vodnomatka.mk , a prijavuvanjeto e vekje otvoreno.
Објава← Назад кон архивата