Вести
Жената која уништи машки рекорд на трка долга 430 километри

На 13 јануари стартуваше една од најтешките ултра трки во Европа, Спајн Рејс, која се одвива по ‘рбетот на Пенините во централна Англија. Станува збор за трка со должина од 429 километри и околу 13.500 метри висинско искачување, за кои имате лимит од 7 дена, или во превод една цела недела на отворено низ променлив терен од калливи долини и снежни врвови. Да го споменеме и фактот дека контролните точки се наоѓаат на раздалеченост во просек од 70 километри, што значи дека сосебе си носите и голем дел од храна и облека.
Она што оваа година ја направи поинаква од другите е тоа што Спајн Рејс има жена победник во генерален пласман. Јасмин Парис е позната во британските ултра кругови, затоа што често застанува на женскиот подиум на локалните трки. Но нејзиниот резултат на Спајн Рејс е дефинитивно едно од нејзините најголеми постигнувања.
Не само што ги победи сите останати учесници, туку дополнително го сруши и машкиот рекорд на Еоин Кит поставен во 2016 година (95 часа и 17 минути) за цели 12 часа, односно нејзиното време изнесува 83 часа и 12 минути. Конкуренцијата се состоеше од 136 други натпреварувачи од кои 125 мажи.
И секако за приказната на Јасмин биде уште поинтересна, сето ова го направи измолзувајќи млеко на контролните точки за нејзината ќеркичка Рован, која има 14 месеци. Во припремниот период, Јасмин имала обид да ја одвикне малечката од мајчино млеко, но 2 вирусни инфекции кои се накалемиле една на друга, ја искомплицирале ситуација за Рован да може да јаде нешто друго.
Така Јасмин морала да дои до последен момент, а измолзувањето и било неопходно за да не се здобие со маститис за време на трката. Првите 24 часа биле најтешки, а понатаму заради огромниот напор, продукцијата на млеко се намалила, што било олеснителна околност, објаснува во интервјуто за Гардијан.

Што се однесува до тренинзите Јасмин ги вклопувала во секојдневниот живот исполнет со обврски кон детето и работата, со тоа што станувала секое утро во 4 часот и тренирала на околните брда додека сите други спиеле. Секако упорноста и влогот на крај се исплателе со тоа оваа мајка, жена и атлета на крајот стигна на подиумот 20 часа пред вториот финишер.
Жена победник во генерален пласман, особено на вакви тешки, брутални и долготрајни натпревари и не е така ново. Да се навратиме и на феноменалната Кортни Даувалтер минатата година на трката Моаб 240, која можните 112 часа за финиширање на долгите 240 километри, ги компримира во 58 часа и со тоа се качи на победничкиот подиум, речиси 10 часа пред првиот маж.
Иако се уште нема доволно истражувања кои се посветени на споредбата помеѓу женската и машката издржливост на трки подолги од 200 милји, сепак познавачите на тематиката сметаат дека како што расте дистанцата така биолошката предност на мажите се намалува.
zhenata koja unishti mashki rekord na trka dolga 430 kilometri na 13 januari startuvashe edna od najteshkite ultra trki vo evropa, spajn rejs, koja se odviva po ‘rbetot na peninite vo centralna anglija. stanuva zbor za trka so dolzhina od 429 kilometri i okolu 13.500 metri visinsko iskachuvanje, za koi imate limit od 7 dena, ili vo prevod edna cela nedela na otvoreno niz promenliv teren od kallivi dolini i snezhni vrvovi. da go spomeneme i faktot deka kontrolnite tochki se naogjaat na razdalechenost vo prosek od 70 kilometri, shto znachi deka sosebe si nosite i golem del od hrana i obleka. ona shto ovaa godina ja napravi poinakva od drugite e toa shto spajn rejs ima zhena pobednik vo generalen plasman. jasmin paris e poznata vo britanskite ultra krugovi, zatoa shto chesto zastanuva na zhenskiot podium na lokalnite trki. no nejziniot rezultat na spajn rejs e definitivno edno od nejzinite najgolemi postignuvanja. ne samo shto gi pobedi site ostanati uchesnici, tuku dopolnitelno go srushi i mashkiot rekord na eoin kit postaven vo 2016 godina (95 chasa i 17 minuti) za celi 12 chasa, odnosno nejzinoto vreme iznesuva 83 chasa i 12 minuti. konkurencijata se sostoeshe od 136 drugi natprevaruvachi od koi 125 mazhi. i sekako za prikaznata na jasmin bide ushte pointeresna, seto ova go napravi izmolzuvajkji mleko na kontrolnite tochki za nejzinata kjerkichka rovan, koja ima 14 meseci. vo pripremniot period, jasmin imala obid da ja odvikne malechkata od majchino mleko, no 2 virusni infekcii koi se nakalemile edna na druga, ja iskomplicirale situacija za rovan da mozhe da jade neshto drugo. taka jasmin morala da doi do posleden moment, a izmolzuvanjeto i bilo neophodno za da ne se zdobie so mastitis za vreme na trkata. prvite 24 chasa bile najteshki, a ponatamu zaradi ogromniot napor, produkcijata na mleko se namalila, shto bilo olesnitelna okolnost, objasnuva vo intervjuto za gardijan . shto se odnesuva do treninzite jasmin gi vklopuvala vo sekojdnevniot zhivot ispolnet so obvrski kon deteto i rabotata, so toa shto stanuvala sekoe utro vo 4 chasot i trenirala na okolnite brda dodeka site drugi spiele. sekako upornosta i vlogot na kraj se isplatele so toa ovaa majka, zhena i atleta na krajot stigna na podiumot 20 chasa pred vtoriot finisher. zhena pobednik vo generalen plasman, osobeno na vakvi teshki, brutalni i dolgotrajni natprevari i ne e taka novo. da se navratime i na fenomenalnata kortni dauvalter minatata godina na trkata moab 240, koja mozhnite 112 chasa za finishiranje na dolgite 240 kilometri, gi komprimira vo 58 chasa i so toa se kachi na pobednichkiot podium, rechisi 10 chasa pred prviot mazh. iako se ushte nema dovolno istrazhuvanja koi se posveteni na sporedbata pomegju zhenskata i mashkata izdrzhlivost na trki podolgi od 200 milji, sepak poznavachite na tematikata smetaat deka kako shto raste distancata taka bioloshkata prednost na mazhite se namaluva.
Објава← Назад кон архивата