Флора-фауна
Делењето на кошаркарската правда како секојдневие и пасија – Александар Давидов


Александар, како се најдовте во судиските води? Која е Вашата приказна?
Потекнувам од фамилија во која кошарката е секојдневие па не е ни чудно што јас и мојата сестра сме големи љубители на овој спорт.
Мојата приказна како кошаркарски судија започнува точно на 03.02.2007 во Хотел ТИМС, каде што успешно го положив тестот од познавање на правилата во организација на Судиската Комисија на Град Скопје. За веднаш подоцна да бидам номиниран на првиот официјален натпревар помеѓу екипите на КК Ангели – КК Пелистер во Јунироска конкуренција заедно со Поповски Мојсо. Веднаш после мојата прва одлука се роди љубов кон судењето која трае и до ден денеска.
Како изгледа еден Ваш ден, со какви се предизвици се соочувате?
Еден мој вообичаен ден изгледа сосма едноставно – ако можам така да се изразам.
Секое утро станувам во пет или шест часот, зависно дали сум номиниран на натпревар надвор од границите на нашата држава или не.
Утрото ми започнува со 10 минутна јога за активирање на телото, потоа користам техники на дишење и медитација. Ако истиот ден сум номиниран на натпревар, одам да трчам петнаесетина минути со многу благо темпо. Следи доручек со колегите, состанок околу натпреварот, попладневна прошетка, одмор и по што следи натпреварот.
Доколку пак немам натпревар, по завршувањето на мојот утрински ритуал доаѓам на работното место, ги запишувам и организирам работните обврски бидејки сум во редовен работен однос во АЛКАЛОИД АД. Кога ќе дојдам дома вообичаено со својата сопруга и ќерка го користиме времето за меѓусобно уживање, потоа следи тренинг и во доцните часови анализа на екипите и подготовка за тековниот натпревар.

Што би издвоиле од Вашата досегашна кариера?
Секој натпревар, буквално секој. Како што умее да напомене еден мој колега – СЕКОЈ НАТПРЕВАР Е ПРЕМИЕРА било дали е натпревар од домашното првенство или натпревар од меѓународен карактер. Секој натпревар е прилика за напредок и можност да се научи нешто ново.
Ако треба да бирам, што ми е особено тешко, би ги издвоил:
- Финалната серија во Македонското првенство помеѓу екипите на МЗТ СКОПЈЕ – РАБОТНИЧКИ.
- Полуфинале и Финале во Балканската Лига.
- Неофицијалното Светско Првенство за мажи до 16 години во Сакарија, Турција
- Учеството на Медитеранските Игри во Тарагона, Шпанија со 3х3.
- Супер куп на Јадранска Лига во Бања Лука, Босна и Херцеговина.
- Европското Првенство до 20 години Мажи во Софија, Бугарија.
- Европското Првенство до 16 години Мажи во Сарајево, Босна и Херцеговина.
Секое едно полуфинале и финале во младинските конкуренции на ниво на РМ, верувајте ги има многу.
Кој успех или момент ви е особено драг?
Верувајте секој момент што е поврзан со судењето ми е драг и од секоја ситуација може да се извлече некаква поука која ми помага да созреам како кошаркарски судија но и како човек.
За мене особено драг момент кој сметам дека претставува пресвртница во мојата кариера е добивањето на наградата за НАЈПЕРСПЕКТИВЕН СУДИЈА на ГРАД СКОПЈЕ во 2013 год.
Од тој момент добив поголем мотив, волја и ентузијазам да се впуштам уште попрофесионално во судиските води за веднаш потоа да следи покана за партиципација на Неофицијалното Светско Првенство за мажи до 16 години во Сакарија, Турција – мојата прва ФИБА Клиника од вкупно три за конечно во 2017 година да се стекнам со рангот МЕЃУНАРОДЕН КОШАРКАРСКИ СУДИЈА.
Исто така од страна на Судиската Комисија на Град Скопје бев прогласен за НАЈДОБАР СУДИЈА во 2017 год.
Потоа следеа номинациите за Европските првенства, поканата за Супер Куп и Јадранската Лига и тн.

Како ја гледате иднината на македонското судење?
Македонија од секогаш имала квалитет судиски кадар, од времето на Југославија па до ден – денеска. Во моментов сме 8 Меѓународни судии што како бројка доволно говори за нашиот квалитет и авторитет ширум меѓународните терени.
Како за илустрација на тоа би се осврнал на 2016 и 2017 година кој јас ги сметам за најуспешни во историјата на македонското судење.
Во 2016 и 2017 Александар Милојевиќ со голема успешност ја делеше правдата во Лигата на Шампиони (Најквалитетното ФИБА Натпреварување ).
Беше дел од судискиот тим на Европското првенство во 2017, што за прв пат во нашата историјата добивме “Неутрален” судија, покрај него и Антонио Угринов беше претставник во улога на делегат.
Во 2016 Игор Митровски беше дел од полуфиналната судиска 3-ка во Полуфиналето на ЕВРОКУПОТ ( 2ро по квалитет натпреварување во Европа ), дел од судискиот тим на FINAL 8 младинскиот турнир на ЕВРОЛИГА кој е во склоп на самиот FINAL 4 во Берлин, дел од судиската 3ка на финалниот натпревар во АБА Лигата помеѓу Цедевита – Ц. Ѕвезда.
Судењето оди во нагорна линија па не гледам зошто во блиска иднина бројот на меѓународни судии не би се зголемил исто така покрај Милојевиќ и Митровски кој имаат почувствувано како е да се суди во Евролига – Македонија да добие и трет судија во Евролигата во блиска иднина.

delenjeto na kosharkarskata pravda kako sekojdnevie i pasija – aleksandar davidov aleksandar, kako se najdovte vo sudiskite vodi? koja e vashata prikazna? poteknuvam od familija vo koja kosharkata e sekojdnevie pa ne e ni chudno shto jas i mojata sestra sme golemi ljubiteli na ovoj sport. mojata prikazna kako kosharkarski sudija zapochnuva tochno na 03.02.2007 vo hotel tims, kade shto uspeshno go polozhiv testot od poznavanje na pravilata vo organizacija na sudiskata komisija na grad skopje. za vednash podocna da bidam nominiran na prviot oficijalen natprevar pomegju ekipite na kk angeli – kk pelister vo juniroska konkurencija zaedno so popovski mojso. vednash posle mojata prva odluka se rodi ljubov kon sudenjeto koja trae i do den deneska. kako izgleda eden vash den, so kakvi se predizvici se soochuvate? eden moj voobichaen den izgleda sosma ednostavno – ako mozham taka da se izrazam. sekoe utro stanuvam vo pet ili shest chasot, zavisno dali sum nominiran na natprevar nadvor od granicite na nashata drzhava ili ne. utroto mi zapochnuva so 10 minutna joga za aktiviranje na teloto, potoa koristam tehniki na dishenje i meditacija. ako istiot den sum nominiran na natprevar, odam da trcham petnaesetina minuti so mnogu blago tempo. sledi doruchek so kolegite, sostanok okolu natprevarot, popladnevna proshetka, odmor i po shto sledi natprevarot. dokolku pak nemam natprevar, po zavrshuvanjeto na mojot utrinski ritual doagjam na rabotnoto mesto, gi zapishuvam i organiziram rabotnite obvrski bidejki sum vo redoven raboten odnos vo alkaloid ad. koga kje dojdam doma voobichaeno so svojata sopruga i kjerka go koristime vremeto za megjusobno uzhivanje, potoa sledi trening i vo docnite chasovi analiza na ekipite i podgotovka za tekovniot natprevar. shto bi izdvoile od vashata dosegashna kariera? sekoj natprevar, bukvalno sekoj. kako shto umee da napomene eden moj kolega – sekoj natprevar e premiera bilo dali e natprevar od domashnoto prvenstvo ili natprevar od megjunaroden karakter. sekoj natprevar e prilika za napredok i mozhnost da se nauchi neshto novo. ako treba da biram, shto mi e osobeno teshko, bi gi izdvoil: finalnata serija vo makedonskoto prvenstvo pomegju ekipite na mzt skopje – rabotnichki. polufinale i finale vo balkanskata liga. neoficijalnoto svetsko prvenstvo za mazhi do 16 godini vo sakarija, turcija uchestvoto na mediteranskite igri vo taragona, shpanija so 3h3. super kup na jadranska liga vo banja luka, bosna i hercegovina. evropskoto prvenstvo do 20 godini mazhi vo sofija, bugarija. evropskoto prvenstvo do 16 godini mazhi vo sarajevo, bosna i hercegovina. sekoe edno polufinale i finale vo mladinskite konkurencii na nivo na rm, veruvajte gi ima mnogu. koj uspeh ili moment vi e osobeno drag? veruvajte sekoj moment shto e povrzan so sudenjeto mi e drag i od sekoja situacija mozhe da se izvleche nekakva pouka koja mi pomaga da sozream kako kosharkarski sudija no i kako chovek. za mene osobeno drag moment koj smetam deka pretstavuva presvrtnica vo mojata kariera e dobivanjeto na nagradata za najperspektiven sudija na grad skopje vo 2013 god. od toj moment dobiv pogolem motiv, volja i entuzijazam da se vpushtam ushte poprofesionalno vo sudiskite vodi za vednash potoa da sledi pokana za participacija na neoficijalnoto svetsko prvenstvo za mazhi do 16 godini vo sakarija, turcija – mojata prva fiba klinika od vkupno tri za konechno vo 2017 godina da se steknam so rangot megjunaroden kosharkarski sudija. isto taka od strana na sudiskata komisija na grad skopje bev proglasen za najdobar sudija vo 2017 god. potoa sledea nominaciite za evropskite prvenstva, pokanata za super kup i jadranskata liga i tn. kako ja gledate idninata na makedonskoto sudenje? makedonija od sekogash imala kvalitet sudiski kadar, od vremeto na jugoslavija pa do den – deneska. vo momentov sme 8 megjunarodni sudii shto kako brojka dovolno govori za nashiot kvalitet i avtoritet shirum megjunarodnite tereni. kako za ilustracija na toa bi se osvrnal na 2016 i 2017 godina koj jas gi smetam za najuspeshni vo istorijata na makedonskoto sudenje. vo 2016 i 2017 aleksandar milojevikj so golema uspeshnost ja deleshe pravdata vo ligata na shampioni (najkvalitetnoto fiba natprevaruvanje ). beshe del od sudiskiot tim na evropskoto prvenstvo vo 2017, shto za prv pat vo nashata istorijata dobivme “neutralen” sudija, pokraj nego i antonio ugrinov beshe pretstavnik vo uloga na delegat. vo 2016 igor mitrovski beshe del od polufinalnata sudiska 3-ka vo polufinaleto na evrokupot ( 2ro po kvalitet natprevaruvanje vo evropa ), del od sudiskiot tim na final 8 mladinskiot turnir na evroliga koj e vo sklop na samiot final 4 vo berlin, del od sudiskata 3ka na finalniot natprevar vo aba ligata pomegju cedevita – c. dzvezda. sudenjeto odi vo nagorna linija pa ne gledam zoshto vo bliska idnina brojot na megjunarodni sudii ne bi se zgolemil isto taka pokraj milojevikj i mitrovski koj imaat pochuvstvuvano kako e da se sudi vo evroliga – makedonija da dobie i tret sudija vo evroligata vo bliska idnina.
Објава← Назад кон архивата