Вести
Сè е подготвено за четвртата АлШар авантура


Ова беше потврдено и на денешната прес конференција, со која организацискиот одбор на здружението Тиквешки Точакџии и официјално го најави четвртото издание на еден од најдобрите аутдор фестивали во Македонија. Во присуство на голем број од поддржувачите и спонзорите на настанот, претставници од полициската станица од општа надлежност Кавадарци, против пожарната единица, Црвен крст, планинарското друштво „Орле”, медиумите, организаторите и годинава потенцираа дека целта на настанот во ниту еден момент не е натпреварувачка, туку во целост рекреативна и забавна, нагласувајќи дека безбедноста на сите учесници на настанот е најважното нешто и годинава. Новиот датум носи и далеку повисоки температури, без оглед на планинските предели, па освен дополнителните пунктови каде што ќе може да се дополни вода, организаторите информираа дека добро е секој учесник да носи дополнителна количина на вода со себе.
Најавувајќи ја програмата, претседателот на здружението Тиквешки Точакџии, Живко Гурев најави дека првите два дена ќе бидат наменети за пристигнување на учесниците, поставување на шаторите, проверка на стазите, но и за многу, многу дружење и музика. Во возбудливиот викенд ќе не воведат културно уметничкото друштво „Тиквеш” и групата „Чардак” чии петочни настапи се предвидени за во 20:30, односно во 21 часот. Веќе во сабота не очекува музичка програма на кавадаречките рок бендови, BadAssAll, Leksikon, M.A.D.M8’s и 4U Band кои ќе имаат свои анплагд концерти, а за крај, завесата пред најважниот фестивалски ден ќе ја спушти DJ Славе Келешовски.

Мирисот на кавадаречката пешија традиционално ќе го разбуди кампот, но и ќе ги пречека сите гости на видиковецот над селото Мрежичко, за веќе во 7 и 30 со интонирањето на македонската химна и официјално да биде означен почетокот на денот во кој фестивалската кулминација ќе го достигне својот максимум. Официјалното отворање на АлШар 2019 е закажано за во 10 часот, а годинава честта да го отвори истиот ќе ја има Васил Јанкула, момчето кое и покрај церебралната парализа со трицикл изработен специјално за него помина 800 километри за 8 дена, во придружба со децата од центарот за деца со посебни потреби од Кавадарци.
Лазар Трајков, член на организацискиот одбор на настанот ја опиша новата голема стаза како импресионирачка, не штедејќи комплименти за истата. „Годинава сакавме да понудиме нешто ново и поразлично. Оваа патека која води покрај окната на рудникот Алшар кои ја кријат тајната за настанокот на светот, по граничната линија со Грција и преминот Пуљевац, низ живописните предели исполнети со недопрени потоци и рекички, немириснати цветови и нескинати диви јагоди, својот екстрем го достигнува во речиси десет километарскиот тунел од преплетени гранки кои и во зенитот на сонцето скржаво ја пропуштаат светлината” – рече меѓу другото Трајков пред присутните.

Половина час по стартот на големата велосипедска тура ќе стартуваат и малата велосипедска и големата планинарска тура, а во 11 часот ќе започне и малата планинарска тура за кои и годинава ќе бидат задолжени членовите на планинарското друштво Орле.
Се очекува првите учесници во кампот да пристигнат околу 14 часот, каде што традиционално на сите учесници со купен купон за учество ќе биде обезбеден ручек. Се разбира, во текот на целиот ден во централната фестивалска зона ќе има забавна програма, која ќе заврши со извлекување на подароците од спонзорите.
Овде можете да го погледнете видеото од минатата Алшар авантура.
sè e podgotveno za chetvrtata alshar avantura ova beshe potvrdeno i na deneshnata pres konferencija, so koja organizaciskiot odbor na zdruzhenieto tikveshki tochakdjii i oficijalno go najavi chetvrtoto izdanie na eden od najdobrite autdor festivali vo makedonija. vo prisustvo na golem broj od poddrzhuvachite i sponzorite na nastanot, pretstavnici od policiskata stanica od opshta nadlezhnost kavadarci, protiv pozharnata edinica, crven krst, planinarskoto drushtvo „orle”, mediumite, organizatorite i godinava potenciraa deka celta na nastanot vo nitu eden moment ne e natprevaruvachka, tuku vo celost rekreativna i zabavna, naglasuvajkji deka bezbednosta na site uchesnici na nastanot e najvazhnoto neshto i godinava. noviot datum nosi i daleku povisoki temperaturi, bez ogled na planinskite predeli, pa osven dopolnitelnite punktovi kade shto kje mozhe da se dopolni voda, organizatorite informiraa deka dobro e sekoj uchesnik da nosi dopolnitelna kolichina na voda so sebe. najavuvajkji ja programata, pretsedatelot na zdruzhenieto tikveshki tochakdjii, zhivko gurev najavi deka prvite dva dena kje bidat nameneti za pristignuvanje na uchesnicite, postavuvanje na shatorite, proverka na stazite, no i za mnogu, mnogu druzhenje i muzika. vo vozbudliviot vikend kje ne vovedat kulturno umetnichkoto drushtvo „tikvesh” i grupata „chardak” chii petochni nastapi se predvideni za vo 20:30, odnosno vo 21 chasot. vekje vo sabota ne ochekuva muzichka programa na kavadarechkite rok bendovi, badassall, leksikon, m.a.d.m8’s i 4u band koi kje imaat svoi anplagd koncerti, a za kraj, zavesata pred najvazhniot festivalski den kje ja spushti dj slave keleshovski. mirisot na kavadarechkata peshija tradicionalno kje go razbudi kampot, no i kje gi precheka site gosti na vidikovecot nad seloto mrezhichko, za vekje vo 7 i 30 so intoniranjeto na makedonskata himna i oficijalno da bide oznachen pochetokot na denot vo koj festivalskata kulminacija kje go dostigne svojot maksimum. oficijalnoto otvoranje na alshar 2019 e zakazhano za vo 10 chasot, a godinava chestta da go otvori istiot kje ja ima vasil jankula, momcheto koe i pokraj cerebralnata paraliza so tricikl izraboten specijalno za nego pomina 800 kilometri za 8 dena, vo pridruzhba so decata od centarot za deca so posebni potrebi od kavadarci. lazar trajkov, chlen na organizaciskiot odbor na nastanot ja opisha novata golema staza kako impresionirachka, ne shtedejkji komplimenti za istata. „godinava sakavme da ponudime neshto novo i porazlichno. ovaa pateka koja vodi pokraj oknata na rudnikot alshar koi ja krijat tajnata za nastanokot na svetot, po granichnata linija so grcija i preminot puljevac, niz zhivopisnite predeli ispolneti so nedopreni potoci i rekichki, nemirisnati cvetovi i neskinati divi jagodi, svojot ekstrem go dostignuva vo rechisi deset kilometarskiot tunel od prepleteni granki koi i vo zenitot na sonceto skrzhavo ja propushtaat svetlinata” – reche megju drugoto trajkov pred prisutnite. polovina chas po startot na golemata velosipedska tura kje startuvaat i malata velosipedska i golemata planinarska tura, a vo 11 chasot kje zapochne i malata planinarska tura za koi i godinava kje bidat zadolzheni chlenovite na planinarskoto drushtvo orle. se ochekuva prvite uchesnici vo kampot da pristignat okolu 14 chasot, kade shto tradicionalno na site uchesnici so kupen kupon za uchestvo kje bide obezbeden ruchek. se razbira, vo tekot na celiot den vo centralnata festivalska zona kje ima zabavna programa, koja kje zavrshi so izvlekuvanje na podarocite od sponzorite. ovde mozhete da go poglednete videoto od minatata alshar avantura.
Објава← Назад кон архивата