Вести
Македонецот Димовски на врвот на КОК [King of Kings]


Пофални зборови за професионалниот настап и перфектната техничка изведба во рингот пристигнаа и од претседателот на КОК, господинот Донатас Симанаитис но и искусниот кик боксер во тешка категорија од светски ранг Потурак Џевад кој пак ја освои титулата КОК Европски шампион.
Димовски подготовките ги започна со на далеку познатиот професионален мајстор за боречки спортови и вештини, Златко Неделковски, човекот кој котира на самиот врв во светот на Кик Боксот.
Соработката вроди со плод па Димовски првата борба во која се соочи со Саша Јовановиќ од Словенија ја заврши со нокаут во третата рунда, додека иста судбина ја дочека и неговиот втор противник, само 20 минути подоцна, овој пат кик боксерот Санид Имамовиќ од Босна и Херцеговина кој беше поразен со нокаут во првата рунда.
Со ова Димовски се искачи на врвот на КОК и го отвори патот за предизвик за освојување на титулата КОК Светски Шампион.
Александар Димовски – Димса и тренерот Златко Неделковски презадоволни од постигнатиот успех само кратко истакнаа:
“Меѓусебната соработна започна во име на спортскиот дух, без предрасуди, Неделковски е познат како перфектен светски Кик Бокс мајстор и искусен кик боксер како што е Димовски, што пак идеално се вклопи со предизвикот да се постигне успех на спортски настан од ваков калибар. Се имаше тешки и темелни подготовки во кои пред се се работеше за чистина во техниката. Иако реално во спортот не се кажуваат јавно очекувањата, искрено се надевавме дека успехот е на самиот дофат.
По првата борба имавме само 20-тина минути за одмор и почеток на втората, за која иако бевме подготвени излеговме на рингот со резерва. Победата само го потврди фактот дека кога успешен спортист и докажан тренер ќе се спојат – небото е граница.
Истата ќе продолжи и во предизвикот за КОК Светската титула.” – кратко од Сараево ни истакнаа Димовски и Неделковски.

makedonecot dimovski na vrvot na kok [king of kings] pofalni zborovi za profesionalniot nastap i perfektnata tehnichka izvedba vo ringot pristignaa i od pretsedatelot na kok, gospodinot donatas simanaitis no i iskusniot kik bokser vo teshka kategorija od svetski rang poturak djevad koj pak ja osvoi titulata kok evropski shampion. dimovski podgotovkite gi zapochna so na daleku poznatiot profesionalen majstor za borechki sportovi i veshtini, zlatko nedelkovski, chovekot koj kotira na samiot vrv vo svetot na kik boksot. sorabotkata vrodi so plod pa dimovski prvata borba vo koja se soochi so sasha jovanovikj od slovenija ja zavrshi so nokaut vo tretata runda, dodeka ista sudbina ja docheka i negoviot vtor protivnik, samo 20 minuti podocna, ovoj pat kik bokserot sanid imamovikj od bosna i hercegovina koj beshe porazen so nokaut vo prvata runda. so ova dimovski se iskachi na vrvot na kok i go otvori patot za predizvik za osvojuvanje na titulata kok svetski shampion. aleksandar dimovski – dimsa i trenerot zlatko nedelkovski prezadovolni od postignatiot uspeh samo kratko istaknaa: “megjusebnata sorabotna zapochna vo ime na sportskiot duh, bez predrasudi, nedelkovski e poznat kako perfekten svetski kik boks majstor i iskusen kik bokser kako shto e dimovski, shto pak idealno se vklopi so predizvikot da se postigne uspeh na sportski nastan od vakov kalibar. se imashe teshki i temelni podgotovki vo koi pred se se raboteshe za chistina vo tehnikata. iako realno vo sportot ne se kazhuvaat javno ochekuvanjata, iskreno se nadevavme deka uspehot e na samiot dofat. po prvata borba imavme samo 20-tina minuti za odmor i pochetok na vtorata, za koja iako bevme podgotveni izlegovme na ringot so rezerva. pobedata samo go potvrdi faktot deka koga uspeshen sportist i dokazhan trener kje se spojat – neboto e granica. istata kje prodolzhi i vo predizvikot za kok svetskata titula.” – kratko od saraevo ni istaknaa dimovski i nedelkovski.
Објава← Назад кон архивата