Флора-фауна
Шеќерен вовед

Покрај протеините и мастите, јагленохидратите се органски компоненти кои секојдневно ги внесуваме и претставуваат важен дел од нашата диета. Попознати како сахариди или шеќери тие се наоѓаат во растителниот свет како основни структурни супстанци додека кај анималниот свет и луѓето тие имаат улога на енергетски хранливи материи.
Состав и синтеза
Биохемиски тие претставуваат органски соединенија кои се примарно или секундарно оксидирани поливалентни алифатични алкохоли. Во зависност од тоа дали содржат алдехидна или кетонска група тие се делат на алдози и кетози.
Се создаваат при процесот на фотосинтеза кој се одвива во растенијата и фитопланктоните каде во сложен биохемиски процес (многу посложен од вашите дневни обврски) со помош на сончевата светлина, воздухот и многу други попратни елементи се формира јагленохидрат, а се ослободува кислород.
Во овој сложен биолошки процес растенијата покрај тоа што го ослободуваат витално важниот кислород во нашата атмосфера, тие исто така ги произведуваат јагленохидратите кои човекот и животните ги искористуваат како енергетски потенцијал.
Класификација
Јагленохидратите се класифицираат во четири групи: моносахариди, дисахариди, олигосахариди и полисахариди во зависност на различни критериуми. Тие се наоѓаат во многубројни продукти како што се: овошјето и зеленчукот, особено житарките, млекото и млечните продукти, медот, лебот и тестенините итн.
Функција
Во организмот на човекот тие извршуваат бројни улоги. Полисахаридите служат за складирање на енергија во облик на гликоген, моносахаридите претставуваат прв избор на организмот за енергетските потреби особено на мозокот кој добива енергија исклучително од гликозата, рибозата претставува основна компонента во бројни коензими и е основа на генетската молекула РНА како и дезоксирибозата кај ДНА. Сахаридите и нивните деривати се составен дел на многу биомолекули кои претставуваат важни елементи на имуниот систем, коагулацијата, растот, развојот и фертилизацијата.
shekjeren voved pokraj proteinite i mastite, jaglenohidratite se organski komponenti koi sekojdnevno gi vnesuvame i pretstavuvaat vazhen del od nashata dieta. popoznati kako saharidi ili shekjeri tie se naogjaat vo rastitelniot svet kako osnovni strukturni supstanci dodeka kaj animalniot svet i lugjeto tie imaat uloga na energetski hranlivi materii. sostav i sinteza biohemiski tie pretstavuvaat organski soedinenija koi se primarno ili sekundarno oksidirani polivalentni alifatichni alkoholi. vo zavisnost od toa dali sodrzhat aldehidna ili ketonska grupa tie se delat na aldozi i ketozi. se sozdavaat pri procesot na fotosinteza koj se odviva vo rastenijata i fitoplanktonite kade vo slozhen biohemiski proces (mnogu poslozhen od vashite dnevni obvrski) so pomosh na sonchevata svetlina, vozduhot i mnogu drugi popratni elementi se formira jaglenohidrat, a se osloboduva kislorod. vo ovoj slozhen bioloshki proces rastenijata pokraj toa shto go osloboduvaat vitalno vazhniot kislorod vo nashata atmosfera, tie isto taka gi proizveduvaat jaglenohidratite koi chovekot i zhivotnite gi iskoristuvaat kako energetski potencijal. klasifikacija jaglenohidratite se klasificiraat vo chetiri grupi: monosaharidi, disaharidi, oligosaharidi i polisaharidi vo zavisnost na razlichni kriteriumi. tie se naogjaat vo mnogubrojni produkti kako shto se: ovoshjeto i zelenchukot, osobeno zhitarkite, mlekoto i mlechnite produkti, medot, lebot i testeninite itn. funkcija vo organizmot na chovekot tie izvrshuvaat brojni ulogi. polisaharidite sluzhat za skladiranje na energija vo oblik na glikogen, monosaharidite pretstavuvaat prv izbor na organizmot za energetskite potrebi osobeno na mozokot koj dobiva energija iskluchitelno od glikozata, ribozata pretstavuva osnovna komponenta vo brojni koenzimi i e osnova na genetskata molekula rna kako i dezoksiribozata kaj dna. saharidite i nivnite derivati se sostaven del na mnogu biomolekuli koi pretstavuvaat vazhni elementi na imuniot sistem, koagulacijata, rastot, razvojot i fertilizacijata.
Објава← Назад кон архивата