Вести
Интервју со Игор Јакимовски


Член на повеќе атлетски клубови, вработен во АРМ и со многу успеси зад себе Игор ја полни својата спортска биографија. Учесник на 2 воени олимпијади, повеќекратен шампион во АРМ, државен првак во планинско трчање и спортист на годината во АРМ за 2012 година. Нешто подетално ќе дознаете во неговото прво интервју за karas4training.com
К4Т: Кажи ни нешто повеќе за тебе и тоа како почна да стануваш зависник на атлетиката?
ИГОР: Со атлетиката започнав да се занимавам од средношколските денови и бележев доста успеси на уличните кросеви. На државно ниво првите мои натпревари ги имав додека студирав на Воената Академија, меѓутоа од 1999 година направив пауза од активното занимавање со атлетиката за да продолжам дури во 2005 година со активното учество на многу натпревари на домашна сцена, а исто така и на меѓународна сцена. Всушност моите најдобри резултати ги постигнав во периодот од 2010 до 2012 година.
К4Т: Што те мотивира постојано да тренираш да се натпреваруваш и да си во форма, сепак ти не си професионален натпреварувач?
ИГОР: Најголема мотивација за натпреварувањето е секако можноста да ги поместам сопствените граници. Со моите 36 години јас во моментов се чувствувам најдобро и најздраво и тоа е резултат на непрекинатата работа и напорно тренирање во изминатите 7години. Секако и дека најголем мотив да се натпреварувам и да освојувам успеси е мојот најверен навивач ,мојот син Дамјан кој секогаш доаѓа и навива за мене на натпреварите.
К4Т: Од кога работиш во АРМ ?
ИГОР: Во АРМ работам од 2000 година како офицер.
К4Т: Покажуваат ли претпоставените разбирање за твојата пасија?
ИГОР: Од моите претпоставени секако дека имам разбирање и секогаш ми излегуваат во пресрет кога имам натпревари. Впрочем моите успеси и многу освоени први места поединечно и екипно за мојата единица и армија се секако аргумент повеќе за моите претпоставени да имаат потполно разбирање за мене.

К4Т: Како се држиме на Армиските натпревари со другите армии и каде се си настапувал под знамето на АРМ?
ИГОР:На Армиските натпревари каде што учествуваме досега котираме солидно. На последниот полумаратон одржан во Апатин Р.Србија пред 2 месеца го освоивме 3-то место од 8 екипи од армиите од регионот и го забележавме најголемиот успех до сега. Се надеваме во иднина дека ќе постигнеме уште подобри резултати.
Во изминатите сезони за АРМ имам настапено на две воени олимпијади – Индија 2007 и Бразил 2011година, две светски првенства во крос, Тунис 2006 и Швајцарија 2008 година, регионални воени првенства во крос,планинско трчање, полумаратон и маратон во Швајцарија, Германија, Словенија, БиХ , Србија и Хрватска.
К4Т: Како ти поминува работниот ден, кога тренираш?
ИГОР:Секој работен ден во АРМ ,за сите припадници има предвидено по 2 наставни часа за спорт кои всушност јас ги користам за тренинг. Доколку некој ден сум слободен или пак се работи за неработен ден ,тренирам на неколку познати локации каде што тренираат и останатите атлетичари.
К4Т: Кое ти е омиленото место за тренинг?
ИГОР: Омилено место за тренинг е кејот на реката Вардар и една моја маршута во моето место на живеење во должина од 13,5км која поврзува 5 населени места.
К4Т: Што најчесто е на твоето дневно мени и користиш ли суплементација?
ИГОР: Доручекот е најчесто Шејк од Хербалајф, за време на ручекот задолжително јадам супа, конзумирам исклучиво риба, леб во минимални количини и нормално салата од свеж заленчук. А за вечера комбинирам шејк или само овошје. Дополнително земам мултивитамини од хербалајф.
К4Т: Кој патики ти се омилени и користиш ли пулсометри и помагала во тренингот?
ИГОР: Сум користел многу патики за трчање од многу марки, но досега најдобар впечаток од перформансите имам од моделите на Асикс. Користам и ГАРМИН форрунер 205 и сум презадоволен од него.
К4Т: Омилена дисциплина?
ИГОР: Омилени дисциплини ми се полумаратон и планинско трчање
К4Т: Имаш ли спонзор?
ИГОР:Веќе трета сезона ме спонзорираат обложувалниците Спортлајф

К4Т: Кажи нешто што е интересно и специфично за тебе? ИГОР:Учествувам на манифестацијата Водици од 1994 година до сега непрекинато. Наредната 2013 ќе го имам своето 20-то учество. До сега го немам фатено крстот, но тоа што учествувам и сум здрав ми е најголема награда од бога и доволно за мене. Секој кој што сака да учествува на водици нека биде сигурен дека нема да има никаков проблем тој ден, бидејки никој до сега не се разболел на тој ден.
К4Т: Кој други спортови ти лежат при срце?
ИГОР:Играм редовно Билијард. Популарна Американска осмица во билијард клуб Триумф во населба Аеродром, тоа ме исполнува истотака.
К4Т: Нешто убаво за крај до читателите?
ИГОР:Трчајте и уживајте во најмасовниот планетарен спорт АТЛЕТИКАТА никогаш не е доцна да почнете, мојот пример доволно зборува за упорноста и истрајноста. На 36 години ги постигнав најдобрите резултати и не планиран тука да застанам. Секогаш за Македонија и АРМ.

intervju so igor jakimovski chlen na povekje atletski klubovi, vraboten vo arm i so mnogu uspesi zad sebe igor ja polni svojata sportska biografija. uchesnik na 2 voeni olimpijadi, povekjekraten shampion vo arm, drzhaven prvak vo planinsko trchanje i sportist na godinata vo arm za 2012 godina. neshto podetalno kje doznaete vo negovoto prvo intervju za karas4training.com k4t : kazhi ni neshto povekje za tebe i toa kako pochna da stanuvash zavisnik na atletikata? igor : so atletikata zapochnav da se zanimavam od srednoshkolskite denovi i belezhev dosta uspesi na ulichnite krosevi. na drzhavno nivo prvite moi natprevari gi imav dodeka studirav na voenata akademija, megjutoa od 1999 godina napraviv pauza od aktivnoto zanimavanje so atletikata za da prodolzham duri vo 2005 godina so aktivnoto uchestvo na mnogu natprevari na domashna scena, a isto taka i na megjunarodna scena. vsushnost moite najdobri rezultati gi postignav vo periodot od 2010 do 2012 godina. k4t : shto te motivira postojano da trenirash da se natprevaruvash i da si vo forma, sepak ti ne si profesionalen natprevaruvach? igor : najgolema motivacija za natprevaruvanjeto e sekako mozhnosta da gi pomestam sopstvenite granici. so moite 36 godini jas vo momentov se chuvstvuvam najdobro i najzdravo i toa e rezultat na neprekinatata rabota i naporno treniranje vo izminatite 7godini. sekako i deka najgolem motiv da se natprevaruvam i da osvojuvam uspesi e mojot najveren navivach ,mojot sin damjan koj sekogash doagja i naviva za mene na natprevarite. k4t : od koga rabotish vo arm ? igor : vo arm rabotam od 2000 godina kako oficer. k4t : pokazhuvaat li pretpostavenite razbiranje za tvojata pasija? igor : od moite pretpostaveni sekako deka imam razbiranje i sekogash mi izleguvaat vo presret koga imam natprevari. vprochem moite uspesi i mnogu osvoeni prvi mesta poedinechno i ekipno za mojata edinica i armija se sekako argument povekje za moite pretpostaveni da imaat potpolno razbiranje za mene. k4t: kako se drzhime na armiskite natprevari so drugite armii i kade se si nastapuval pod znameto na arm? igor :na armiskite natprevari kade shto uchestvuvame dosega kotirame solidno. na posledniot polumaraton odrzhan vo apatin r.srbija pred 2 meseca go osvoivme 3-to mesto od 8 ekipi od armiite od regionot i go zabelezhavme najgolemiot uspeh do sega. se nadevame vo idnina deka kje postigneme ushte podobri rezultati. vo izminatite sezoni za arm imam nastapeno na dve voeni olimpijadi – indija 2007 i brazil 2011godina, dve svetski prvenstva vo kros, tunis 2006 i shvajcarija 2008 godina, regionalni voeni prvenstva vo kros,planinsko trchanje, polumaraton i maraton vo shvajcarija, germanija, slovenija, bih , srbija i hrvatska. k4t: kako ti pominuva rabotniot den, koga trenirash? igor: sekoj raboten den vo arm ,za site pripadnici ima predvideno po 2 nastavni chasa za sport koi vsushnost jas gi koristam za trening. dokolku nekoj den sum sloboden ili pak se raboti za neraboten den ,treniram na nekolku poznati lokacii kade shto treniraat i ostanatite atletichari. k4t : koe ti e omilenoto mesto za trening? igor : omileno mesto za trening e kejot na rekata vardar i edna moja marshuta vo moeto mesto na zhiveenje vo dolzhina od 13,5km koja povrzuva 5 naseleni mesta. k4t : shto najchesto e na tvoeto dnevno meni i koristish li suplementacija? igor : doruchekot e najchesto shejk od herbalajf, za vreme na ruchekot zadolzhitelno jadam supa, konzumiram iskluchivo riba, leb vo minimalni kolichini i normalno salata od svezh zalenchuk. a za vechera kombiniram shejk ili samo ovoshje. dopolnitelno zemam multivitamini od herbalajf. k4t : koj patiki ti se omileni i koristish li pulsometri i pomagala vo treningot? igor : sum koristel mnogu patiki za trchanje od mnogu marki, no dosega najdobar vpechatok od performansite imam od modelite na asiks. koristam i garmin forruner 205 i sum prezadovolen od nego. k4t : omilena disciplina? igor : omileni disciplini mi se polumaraton i planinsko trchanje k4t : imash li sponzor? igor :vekje treta sezona me sponzoriraat oblozhuvalnicite sportlajf k4t: kazhi neshto shto e interesno i specifichno za tebe? igor: uchestvuvam na manifestacijata vodici od 1994 godina do sega neprekinato. narednata 2013 kje go imam svoeto 20-to uchestvo. do sega go nemam fateno krstot, no toa shto uchestvuvam i sum zdrav mi e najgolema nagrada od boga i dovolno za mene. sekoj koj shto saka da uchestvuva na vodici neka bide siguren deka nema da ima nikakov problem toj den, bidejki nikoj do sega ne se razbolel na toj den. k4t: koj drugi sportovi ti lezhat pri srce? igor: igram redovno bilijard. popularna amerikanska osmica vo bilijard klub triumf vo naselba aerodrom, toa me ispolnuva istotaka. k4t: neshto ubavo za kraj do chitatelite? igor: trchajte i uzhivajte vo najmasovniot planetaren sport atletikata nikogash ne e docna da pochnete, mojot primer dovolno zboruva za upornosta i istrajnosta. na 36 godini gi postignav najdobrite rezultati i ne planiran tuka da zastanam. sekogash za makedonija i arm.
Објава← Назад кон архивата