Флора-фауна
Мотивациона статија за размрдување


Кампувајте
Одвојте некој викенд за кампување во природа. Не е битно каде, дали во шума, покрај река, на планина или на плажа, спојот со природата (а воедно и дисконектирањето од градот) ќе ви дојде како мелем на душата. Големи количини на чист воздух, слушање на тишина, зезање покрај оган па и вртење на некоја скара со пријателите дефинитивно ќе ви ги наполнат и така редовно исцрпените батерии.

Одете на планина
Зимата како попречувачки фактор за планинарење може многу едноставно да се реши. Ако не сте доволно физички подготвени и опремени, планината во зима од оправдани технички причини можете да ја изоставите (ќе ви раскажуваат тие што биле па вас ќе ви течат лиги, но нејсе, што е тука е). Но, навистина е глупо да не искачите некој врв и во наредните три годишни времиња. Е, тогаш нема кој да ве спречи. Мотивирајте се, спремете некој сендвич, облечете се добро и преспијте во некој планинарски дом, а можеби и на некој врв. Перфектно!

Одберете некој нов спорт
Не иде секој ден да се јаде грав нели. Направете промена во активностите што ги рекреирате преку неделата. Почнете со некој нов спорт како сквош, пливање, јога, извозете некоја планинска патека со велосипед или било која друга активност, но само бидете задоволни и среќни со тоа што го спортувате.

Авантура, авантура, авантура
Кој како си го сфаќа терминот одмор, но дремењето по плажи и пиење на пиво по цел ден некогаш знае да биде и досадно. Направете си некој мал трип од вашиот одмор. Прошетајте низ некои села, езера, научете да скијате, јавајте на коњ, возете велосипед кај ќе стигнете, веслајте кајчиња и фркнете некој денар повеќе за параглајдер ако ви е по ќеиф. Сето ова ќе ве направи поживи!
Се надевам дека дел од овие препораки ќе ви влезат бар и потсвесно во вашиот ум и ќе се манифестираат во далеку посреќна и поубава година. Така и Вие самите ќе станете попродуктивни и позадоволни.
motivaciona statija za razmrduvanje kampuvajte odvojte nekoj vikend za kampuvanje vo priroda. ne e bitno kade, dali vo shuma, pokraj reka, na planina ili na plazha, spojot so prirodata (a voedno i diskonektiranjeto od gradot) kje vi dojde kako melem na dushata. golemi kolichini na chist vozduh, slushanje na tishina, zezanje pokraj ogan pa i vrtenje na nekoja skara so prijatelite definitivno kje vi gi napolnat i taka redovno iscrpenite baterii. odete na planina zimata kako poprechuvachki faktor za planinarenje mozhe mnogu ednostavno da se reshi. ako ne ste dovolno fizichki podgotveni i opremeni, planinata vo zima od opravdani tehnichki prichini mozhete da ja izostavite (kje vi raskazhuvaat tie shto bile pa vas kje vi techat ligi, no nejse, shto e tuka e). no, navistina e glupo da ne iskachite nekoj vrv i vo narednite tri godishni vreminja. e, togash nema koj da ve sprechi. motivirajte se, spremete nekoj sendvich, oblechete se dobro i prespijte vo nekoj planinarski dom, a mozhebi i na nekoj vrv. perfektno! odberete nekoj nov sport ne ide sekoj den da se jade grav neli. napravete promena vo aktivnostite shto gi rekreirate preku nedelata. pochnete so nekoj nov sport kako skvosh, plivanje, joga, izvozete nekoja planinska pateka so velosiped ili bilo koja druga aktivnost, no samo bidete zadovolni i srekjni so toa shto go sportuvate. avantura, avantura, avantura koj kako si go sfakja terminot odmor, no dremenjeto po plazhi i pienje na pivo po cel den nekogash znae da bide i dosadno. napravete si nekoj mal trip od vashiot odmor. proshetajte niz nekoi sela, ezera, nauchete da skijate, javajte na konj, vozete velosiped kaj kje stignete, veslajte kajchinja i frknete nekoj denar povekje za paraglajder ako vi e po kjeif. seto ova kje ve napravi pozhivi! se nadevam deka del od ovie preporaki kje vi vlezat bar i potsvesno vo vashiot um i kje se manifestiraat vo daleku posrekjna i poubava godina. taka i vie samite kje stanete poproduktivni i pozadovolni.
Објава← Назад кон архивата