Вести
Интервју со екс тенисерката Зденка Виденова


К4Т – Кога започна да тренираш тенис?
ЗВ – Мојата љубов кон тенисот се појави уште кога бев многу мала, на околу 6 години. Постојано ги пратев тениските мечеви на телевизија и посакував еден ден и јас да станам позната како Мартина Навратилова, Штефи Граф. Моите родтители, како за се во животот, ме поддржаа и ми ја остварија големата желба. Се зачленив во Тенискиот Клуб ЈУГ од каде започна мојата тениска приказна. Во 1993 година професионално му се посветив на тенисот, на спортскиот дисциплиниран начин на живот, поради што, резултатите беа неизбежни.
К4Т – Кој е највпечатливиот период од твојата кариера и зошто?
ЗВ – Секој период во мојот живот поминат со тенисот е посебен. Стекнав нови искуства и навики кои сеуште се дел од мене, пријатели кои ми се многу драги и со кои сакам да поминувам време евоцирајќи спомени за периодот кога заедно победувавме и губевме, заедничките патувања и првенства надвор од Република Македонија, кога нè служеше среќата, но и моментите кога нè напушташе.
Но, највпечатливиот период од мојата кариера беше 1999 година, како најплодна во поглед на тенисот, бидејќи немав изгубено ниту еден меч. Исто така, оваа година ја означи и заокружи мојата кариера во Р.Македонија.

К4Т – Кој удар ти е заштитен знак?
ЗВ – Морам да ја истакнам мојата нескромност, но сервисот и форхендот ми беа специјалност.
К4Т – Имаше ли идоли кои ти беа пример?
ЗВ – Како и секој спортист, така и јас имав свои идоли, веќе ги споменав, за мене незаменливите Мартина Навратилова и Штефи Граф.


К4Т – Дали сеуште играш и/или следиш тенис?
ЗВ – Рекреативно му посветувам внимание на тенисот, сакам да одиграм добар меч со некои од моите колеги тенисери/ки. Исклучително задоволство ми причинува и кога ме бараат дел од моите пријатели кои се аматери во тенисот за добра игра и забава, со кои имаме поминато супер моменти на тенискиот терен. Тогаш се неизбежни моите тренерски способности, па дури и луди наредби за изведување на неколку склекови заради изгубен гем. Ќе ги поздравам моите “противници” Асен, Александар, Марина и Филип. Уживам играјќи тенис, во овој период рекреативно, со мислите навраќајќи се на убавите времиња од мојот живот. На прашањето дали следам тенис-големо ДА. Во друштво на мојот татко заедно навиваме и ја коментираме играта, со чаша пиво и тон на телевизорот до максимум.
К4Т – Кои се придобивките што ги имаш од тенисот?
ЗВ – Сите моменти поминати на терен, дисциплината, многу труд за постигнување успеси, самостојно донесување на одлуки, радост, тага, моите пријателства, мојата публика која присуствуваше на секој од моите мечеви… сето тоа направи да бидам истрајна, јака и стабилна личност. Да не заборавам да го споменам и моето надоградување како човек и спортист за време на школувањето и тренирањето во Америка. Драгоцено е моето искуство, кое ми помогна да израснам во ова што сум денес.


К4Т – Како се одвиваше твојата кариера во Америка?
ЗВ – Првите две години од мојот престој во Америка се школував во Tyler Junior College каде 2000 и 2001 година заедно со моите колешки бевме Champions во Women’s All-American Division 1 Tennis Team National Junior College Athletic Association.
По трансферот во Virginia Tech во 2003 година, ја добив наградата Most Valuable Performer, каде и покрај моето отсуство од тренинзите поради повреда, го постигнав вториот највисок резултат во постигнати победи во историјата на Virginia Tech.
К4Т – Зошто се одлучи за образование, а не за професионален тенис?
ЗВ – Како добар играч, за да се издвоиш од останатите не е потребен само талент туку и многу напорна работа, време и посветеност. Кога дојде моментот да продолжам да тренирам на повисоко професионално ниво се соочив со потешкотии во школувањето. Бев сама, надвор од мојот дом, опкружена со луѓе кои имаа поинаков менталитет од мојот. Додека се двоумев дали да продожам со тенис или со образование, ниту родителите ниту мојот брат не можеа да делуваат на мене, бидејќи тие настојуваа и веруваа дека ќе успеам да ги усогласам и двете работи. Меѓутоа, мојата одлука беше конечна и тоа претставуваше крај на мојата тениска кариера.


К4Т – Каков придонес во општеството имаше преку тенисот?
ЗВ – Па не знам колкав е лично мојот придонес во општеството како тенисерка. Секаде гордо кажував дека сум македонка и настојував да слушнат за Република Македонија онаму каде што имав прилика да престојувам повеќе од еден час од мојот живот.
К4Т – Кои луѓе најмногу те подржуваа во тениската кариера?
ЗВ – Пред се, лично јас верував во себе и во мојата кариера како тенисерка, што придонесе за постигнување на високи резултати. Огромна поддршка од самиот почеток имав од моите родители и брат ми Мирко. Тука ќе ги споменам моите тренери во Македонија Г-динот Дане, мојот тренер Владимир Крстиќ и секако моите тренери во Америка John Peterson и Lisa Hart кои ми помогнаа постојано да се надградувам и успешно да ги совладам тешките моменти во мојата кариера.


К4Т – Кои беа пречките со кои се соочуваше за време на твојата кариера?
ЗВ – Најголема и најчеста пречка се финансиите. Недостатокот на доволно спонзори за учество на неколку важни турнири надвор од Р. Македонија. Заради тоа и денес постои недостаток од талентирани и спремни тенисери дури и на турнири кои се организираат во земји близу нашата.
К4Т – Според тебе, што е потребно да се создаде македонскиот Ѓоковиќ или македонската Шарапова?
ЗВ – Мислам дека сега условите за тренирање се подобруваат. Изградени се стотина тениски терени кои се достапни за сите. Младите можат да ги посетуваат и таму да ги истакнуваат своите наклонетости кон тенисот. Доколку спонзорите повеќе инвестираат во талентот, мислам дека ќе се појави некој од Македонија што ќе го победи Ѓоковиќ или некоја македонска Шарапова што ќе растури на женските турнири.
К4Т – Што мислиш дека е потребно за да се промовира тенисот во Македонија?
ЗВ – Како што веќе спомнав, првиот чекор е веќе постигнат, а тоа е градењето на тениски терени. Но за да се одговори ова прашање, сметам дека би ми било потребно повеќе време, бидејќи темата бара поопсежна анализа.

intervju so eks teniserkata zdenka videnova k4t – koga zapochna da trenirash tenis? zv – mojata ljubov kon tenisot se pojavi ushte koga bev mnogu mala, na okolu 6 godini. postojano gi pratev teniskite mechevi na televizija i posakuvav eden den i jas da stanam poznata kako martina navratilova, shtefi graf. moite rodtiteli, kako za se vo zhivotot, me poddrzhaa i mi ja ostvarija golemata zhelba. se zachleniv vo teniskiot klub jug od kade zapochna mojata teniska prikazna. vo 1993 godina profesionalno mu se posvetiv na tenisot, na sportskiot discipliniran nachin na zhivot, poradi shto, rezultatite bea neizbezhni. k4t – koj e najvpechatliviot period od tvojata kariera i zoshto? zv – sekoj period vo mojot zhivot pominat so tenisot e poseben. steknav novi iskustva i naviki koi seushte se del od mene, prijateli koi mi se mnogu dragi i so koi sakam da pominuvam vreme evocirajkji spomeni za periodot koga zaedno pobeduvavme i gubevme, zaednichkite patuvanja i prvenstva nadvor od republika makedonija, koga nè sluzheshe srekjata, no i momentite koga nè napushtashe. no, najvpechatliviot period od mojata kariera beshe 1999 godina, kako najplodna vo pogled na tenisot, bidejkji nemav izgubeno nitu eden mech. isto taka, ovaa godina ja oznachi i zaokruzhi mojata kariera vo r.makedonija. k4t – koj udar ti e zashtiten znak? zv – moram da ja istaknam mojata neskromnost, no servisot i forhendot mi bea specijalnost. k4t – imashe li idoli koi ti bea primer? zv – kako i sekoj sportist, taka i jas imav svoi idoli, vekje gi spomenav, za mene nezamenlivite martina navratilova i shtefi graf. k4t – dali seushte igrash i/ili sledish tenis? zv – rekreativno mu posvetuvam vnimanie na tenisot, sakam da odigram dobar mech so nekoi od moite kolegi teniseri/ki. iskluchitelno zadovolstvo mi prichinuva i koga me baraat del od moite prijateli koi se amateri vo tenisot za dobra igra i zabava, so koi imame pominato super momenti na teniskiot teren. togash se neizbezhni moite trenerski sposobnosti, pa duri i ludi naredbi za izveduvanje na nekolku sklekovi zaradi izguben gem. kje gi pozdravam moite “protivnici” asen, aleksandar, marina i filip. uzhivam igrajkji tenis, vo ovoj period rekreativno, so mislite navrakjajkji se na ubavite vreminja od mojot zhivot. na prashanjeto dali sledam tenis-golemo da. vo drushtvo na mojot tatko zaedno navivame i ja komentirame igrata, so chasha pivo i ton na televizorot do maksimum. k4t – koi se pridobivkite shto gi imash od tenisot? zv – site momenti pominati na teren, disciplinata, mnogu trud za postignuvanje uspesi, samostojno donesuvanje na odluki, radost, taga, moite prijatelstva, mojata publika koja prisustvuvashe na sekoj od moite mechevi… seto toa napravi da bidam istrajna, jaka i stabilna lichnost. da ne zaboravam da go spomenam i moeto nadograduvanje kako chovek i sportist za vreme na shkoluvanjeto i treniranjeto vo amerika. dragoceno e moeto iskustvo, koe mi pomogna da izrasnam vo ova shto sum denes. k4t – kako se odvivashe tvojata kariera vo amerika? zv – prvite dve godini od mojot prestoj vo amerika se shkoluvav vo tyler junior college kade 2000 i 2001 godina zaedno so moite koleshki bevme champions vo women’s all-american division 1 tennis team national junior college athletic association. po transferot vo virginia tech vo 2003 godina, ja dobiv nagradata most valuable performer, kade i pokraj moeto otsustvo od treninzite poradi povreda, go postignav vtoriot najvisok rezultat vo postignati pobedi vo istorijata na virginia tech. k4t – zoshto se odluchi za obrazovanie, a ne za profesionalen tenis? zv – kako dobar igrach, za da se izdvoish od ostanatite ne e potreben samo talent tuku i mnogu naporna rabota, vreme i posvetenost. koga dojde momentot da prodolzham da treniram na povisoko profesionalno nivo se soochiv so poteshkotii vo shkoluvanjeto. bev sama, nadvor od mojot dom, opkruzhena so lugje koi imaa poinakov mentalitet od mojot. dodeka se dvoumev dali da prodozham so tenis ili so obrazovanie, nitu roditelite nitu mojot brat ne mozhea da deluvaat na mene, bidejkji tie nastojuvaa i veruvaa deka kje uspeam da gi usoglasam i dvete raboti. megjutoa, mojata odluka beshe konechna i toa pretstavuvashe kraj na mojata teniska kariera. k4t – kakov pridones vo opshtestvoto imashe preku tenisot? zv – pa ne znam kolkav e lichno mojot pridones vo opshtestvoto kako teniserka. sekade gordo kazhuvav deka sum makedonka i nastojuvav da slushnat za republika makedonija onamu kade shto imav prilika da prestojuvam povekje od eden chas od mojot zhivot. k4t – koi lugje najmnogu te podrzhuvaa vo teniskata kariera? zv – pred se, lichno jas veruvav vo sebe i vo mojata kariera kako teniserka, shto pridonese za postignuvanje na visoki rezultati. ogromna poddrshka od samiot pochetok imav od moite roditeli i brat mi mirko. tuka kje gi spomenam moite treneri vo makedonija g-dinot dane, mojot trener vladimir krstikj i sekako moite treneri vo amerika john peterson i lisa hart koi mi pomognaa postojano da se nadgraduvam i uspeshno da gi sovladam teshkite momenti vo mojata kariera. k4t – koi bea prechkite so koi se soochuvashe za vreme na tvojata kariera? zv – najgolema i najchesta prechka se finansiite. nedostatokot na dovolno sponzori za uchestvo na nekolku vazhni turniri nadvor od r. makedonija. zaradi toa i denes postoi nedostatok od talentirani i spremni teniseri duri i na turniri koi se organiziraat vo zemji blizu nashata. k4t – spored tebe, shto e potrebno da se sozdade makedonskiot gjokovikj ili makedonskata sharapova? zv – mislam deka sega uslovite za treniranje se podobruvaat. izgradeni se stotina teniski tereni koi se dostapni za site. mladite mozhat da gi posetuvaat i tamu da gi istaknuvaat svoite naklonetosti kon tenisot. dokolku sponzorite povekje investiraat vo talentot, mislam deka kje se pojavi nekoj od makedonija shto kje go pobedi gjokovikj ili nekoja makedonska sharapova shto kje rasturi na zhenskite turniri. k4t – shto mislish deka e potrebno za da se promovira tenisot vo makedonija? zv – kako shto vekje spomnav, prviot chekor e vekje postignat, a toa e gradenjeto na teniski tereni. no za da se odgovori ova prashanje, smetam deka bi mi bilo potrebno povekje vreme, bidejkji temata bara poopsezhna analiza.
Објава← Назад кон архивата