Вести
Тројца млади планинари одат во прво поминување на трансверзалата 3П-ЧЕ


Планинарењето отсекогаш било составен елемент во животот на луѓето во нашата држава. Впрочем, како и да не биде кога Македонија е едно мало парче земја со огромен број на прекрасни планини. Во последно време со растот на популарноста за активен и здрав живот меѓу сите возрасни популации, планинарењето претставува еден од наједноставните, лесните и евтините начини за уживање, активност на отворено а воедно и задоволување на неделните потреби за вежбање и движење.
Како пример за позитивниот правец во кој оди планинарењето ги имаме тројцата млади планинари Калина Велевска, Марио Шаревски и Андреја Котески кои овој викенд, поточно утре на 1 мај ќе се тргнат во својот прв одбид да ја поминат свежо (од нив) поставената планинарска трансверзала 3П-Че или ТРИПЧЕ.

Во разговор со Марио Шаревски кој заедно со Андреја ја имаат направено идејата за спојување на Полог – Порече и Пелагонија во една планинарска трансверзала тој малку повеќе ни ја објасни позадината на самото име на трансверзалата.
- „Преку 3 планини, низ 3 котлини и долини ќе оствариме мало патешествие или trip-че кое ги поврзува областите и дијалектите во кои се зборува со „че”, но и каде што е доста чест и присутен прекарот Трипче од личното име Трипун.”
„Тргнуваме од Гостивар во рамнината на Полог и искачувајќи ја планината Сува Гора на пределот со Добра Вода се спуштаме во преубавото и неоткриено Порече кое ќе го поминеме попреку од запад кон исток. Преминувајќи ја реката Треска на местото каде што се заезерува езерото Козјак пристигнуваме во околината на Белица кој изобилува со прекрасни извори, водотеци и чудесната пештера Пешна. Продолжуваме искачувајќи се на билото на Даутица крај врвот Бел Камен и пештерата Змејовица од каде што ќе излеземе кај манастирот Зрзе и ќе слеземе во рамнината на Пелагонија каде ќе пристигнеме во Костинци. Конечно, последната етапа од нашиот пешачки истражувачки поход долг околу 120 километри започнува низ рамнината на Прилепското Поле, од каде што ќе се искачиме на Бабуна кај манастирот Трескавец под Златоврв и крај Марковите Кули ќе слеземе во нашата конечна одредница – градот Прилеп.”

Со ова, тричлената екипа во текот на три дена треба да помине 120 километри недопрена македонска дивина, спојувајќи три обласити кои започнуваат на буквата П: Полог – Порече – Пелагонија и би требало да се постави една нова планинарска трансверзала.
Според Шаревски би било одлично истата да се спои со Шар Планина т.е. дел од Западната Македонска Трансверзала (Љуб-ох) и преку Селечка во Мариово, Ниџе и Кожуф да се направи целосна трансверзала во правец северозапад кон југоисток.
Идеите се безбројни, љубовта кон планината, природата и Македонија се спонтани и природни, а ваквите потфати се задолжително вредни за споменување.
Посакајте им убаво време на ова одлично трио!

trojca mladi planinari odat vo prvo pominuvanje na transverzalata 3p-che planinarenjeto otsekogash bilo sostaven element vo zhivotot na lugjeto vo nashata drzhava. vprochem, kako i da ne bide koga makedonija e edno malo parche zemja so ogromen broj na prekrasni planini. vo posledno vreme so rastot na popularnosta za aktiven i zdrav zhivot megju site vozrasni populacii, planinarenjeto pretstavuva eden od najednostavnite, lesnite i evtinite nachini za uzhivanje, aktivnost na otvoreno a voedno i zadovoluvanje na nedelnite potrebi za vezhbanje i dvizhenje. kako primer za pozitivniot pravec vo koj odi planinarenjeto gi imame trojcata mladi planinari kalina velevska, mario sharevski i andreja koteski koi ovoj vikend, potochno utre na 1 maj kje se trgnat vo svojot prv odbid da ja pominat svezho (od niv) postavenata planinarska transverzala 3p-che ili tripche. vo razgovor so mario sharevski koj zaedno so andreja ja imaat napraveno idejata za spojuvanje na polog – poreche i pelagonija vo edna planinarska transverzala toj malku povekje ni ja objasni pozadinata na samoto ime na transverzalata. „preku 3 planini, niz 3 kotlini i dolini kje ostvarime malo pateshestvie ili trip-che koe gi povrzuva oblastite i dijalektite vo koi se zboruva so „che”, no i kade shto e dosta chest i prisuten prekarot tripche od lichnoto ime tripun.” „trgnuvame od gostivar vo ramninata na polog i iskachuvajkji ja planinata suva gora na predelot so dobra voda se spushtame vo preubavoto i neotkrieno poreche koe kje go pomineme popreku od zapad kon istok. preminuvajkji ja rekata treska na mestoto kade shto se zaezeruva ezeroto kozjak pristignuvame vo okolinata na belica koj izobiluva so prekrasni izvori, vodoteci i chudesnata peshtera peshna. prodolzhuvame iskachuvajkji se na biloto na dautica kraj vrvot bel kamen i peshterata zmejovica od kade shto kje izlezeme kaj manastirot zrze i kje slezeme vo ramninata na pelagonija kade kje pristigneme vo kostinci. konechno, poslednata etapa od nashiot peshachki istrazhuvachki pohod dolg okolu 120 kilometri zapochnuva niz ramninata na prilepskoto pole, od kade shto kje se iskachime na babuna kaj manastirot treskavec pod zlatovrv i kraj markovite kuli kje slezeme vo nashata konechna odrednica – gradot prilep.” so ova, trichlenata ekipa vo tekot na tri dena treba da pomine 120 kilometri nedoprena makedonska divina, spojuvajkji tri oblasiti koi zapochnuvaat na bukvata p: polog – poreche – pelagonija i bi trebalo da se postavi edna nova planinarska transverzala. spored sharevski bi bilo odlichno istata da se spoi so shar planina t.e. del od zapadnata makedonska transverzala (ljub-oh) i preku selechka vo mariovo, nidje i kozhuf da se napravi celosna transverzala vo pravec severozapad kon jugoistok. ideite se bezbrojni, ljubovta kon planinata, prirodata i makedonija se spontani i prirodni, a vakvite potfati se zadolzhitelno vredni za spomenuvanje. posakajte im ubavo vreme na ova odlichno trio!
Објава← Назад кон архивата